Open Tour
聖誕節就快到，諗好去邊度食大餐未？ 如心艾朗酒店餐廳「forte」由12月18日開始推出半自助晚餐「聖誕海鮮饗宴」，等各位食肉獸同海鮮迷食盡環球美食 依家只要喺2020年12月13日或之前訂座並繳付全費即可享高達85折早鳥優惠 最平每人只需$488起就可以食到聖誕海鮮半自助餐，真係好抵！ 餐廳會自助吧會提供任食嘅傳統聖誕美食同海鮮，之後你可以自選一份主菜 當中包括七款優質肉扒同海鮮嘅「扒」勻世界滋味拼盤，另外仲有威靈頓鴨肝澳洲牛柳、澳洲M4和牛肉眼扒、澳洲穀飼斧頭牛扒等等 一定可以滿足一眾食肉獸！ 同時酒店亦會供應一系列應節美食，好似聖誕必食嘅烤火雞同埋烤楓糖蜜汁骨火腿等等 當中甜品一定唔小得聖誕薑餅、聖誕樹頭蛋糕同聖誕布甸，真係聽到都流哂口水 喺指定日子仲有機會同聖誕老人親身見面、亦會有兒童合唱團獻唱，勁有聖誕氣氛 除咗堂食之外，酒店亦準備咗外賣套餐，方便大家喺匡企同朋友大開派對！ 如心艾朗酒店「聖誕海鮮半自助餐」 推廣期︰由2020年12月18日至2021年1月1日 訂購網址︰聖誕海鮮半自助餐 地址︰ 香港觀塘創業街38號
聖誕諗咗去邊度慶祝未呢！？ 皇家太平洋酒店推出咗一個極高CP值嘅節慶住宿計劃，二人同行只需$880起 就包哂你食+住，仲有手工啤酒、罐裝飲品同聖誕禮物送返畀你！ 「節慶住宿計劃」基本禮遇︰ 於柏景餐廳享用美式早餐﹝適用於兩位已登記房客﹞ 手工啤酒兩瓶及節日精選禮品乙份 於中港城享24小時免費泊車優惠 免費享用房間内提供的罐裝飲品﹝每次入住只限供應一次及只適用於入住海景翼客房﹞ 免費無線上網 除咗呢啲基本禮遇之外，酒店仲貼心咁為你準備咗餐飲體驗 如果你避開節日正日慶祝，喺2020年12月1至23日、12月27至30日及2021年1月2至3日入住， 每房每晚港幣$500餐飲消費額，小編私心推薦佢哋嘅新加坡餐廳「沙嗲軒」 一定要試下肉骨茶、招牌海南雞，可以一嚐獅城地道美饌 而想喺節日正日慶祝，喺2020年12月24至26日、12月31日及2021年1月1日入住， 就可尊享以下禮遇︰ 免費享用晚膳，選擇以下其中一項 選擇一︰於太平洋廳 (只適用於12月24日) 或柏景餐廳免費享用自助晚餐 選擇二︰於堤岸酒吧及餐廳享用晚膳菜譜 精選氣泡酒乙瓶及Venchi朱古力乙盒 一個價錢包埋聖誕自助餐/西式晚餐，真係好抵！ 喺佢哋嘅餐廳用餐同時，亦有機會同聖誕老人、小丑會面，勁有節日氣氛 呢個住宿套餐有唔同嘅房型畀你選擇 價錢最優惠嘅雅尚客房只需港幣$880起，你可以根據你需要揀返唔同嘅房型 如果你想住豪啲，當然要選擇尊尚海景套房，房間夠大之餘 大床仲正正對住一望無際嘅海景，真係望到都覺得Chill 而浴缸位置亦可以望住海景浸浴，好正 呢個套房只需港幣$1,880起，一樣包埋食+住+禮物，真係平到笑！ 皇家太平洋酒店「節慶住宿計劃」 價錢︰雅尚客房：港幣$880起 超豪華客房：港幣$1,080起 豪華海景客房：港幣$1,280起 尊尚海景套房：港幣$1,880起 推廣日期︰01-12-2020 至 03-01-2020 訂購︰2738 2222 / [email protected] / 網址
聖誕就快到啦！ 今年香港朗廷酒店就推出咗「打造您的聖誕糖果世界」住宿套餐 只需$1,288就可以雙人入住高級客房一晚，仲包咗雙人早餐同送你聖誕糖果世界裝飾品 到時酒店會充滿巨型聖誕糖果同棒棒糖，就好似去咗個仙境一樣 同時仲會喺12月2日下午6時半舉行聖誕樹亮燈儀式，大家一定唔可以錯過 「打造您的聖誕糖果世界」住宿套餐禮遇︰ – 聖誕糖果世界裝飾品一盒 – 雙人早餐 – 免費節日迷你吧連補充一次 – 另加港幣1,100元可享雙人客房用餐晚餐 客人仲可以運用酒店提供嘅聖誕糖果世界裝飾品幫房間佈置， 佈置完影張相再用不多於30字寫出創作靈感，喺2021年1月7日起上傳最多三張佈置好的房間相片去Instagram， 標籤#LanghamChristmasCandyland和#CelebrateTheEveryday 相片最多Like嘅參加者將可獲香港朗廷酒店豪華客房住宿一晚連雙人早餐及雙人下午茶 除此之外，酒店仲準備咗一系列特別活動 由12月10日至26日下午6時，每晚都有聖誕詩歌團表演節日詩歌，仲會同客人派發免費香料酒 毛妹芭蕾舞學校亦將於12月13及19日下午3時15分喺酒店大堂表演胡桃夾子芭蕾舞曲目 而且聖誕老人亦會喺12月10日至26日中午同晚上到訪各餐廳，好有節目氣氛！ 「打造您的聖誕糖果世界」住宿套餐 價錢︰港幣$1,288/2人 訂購日期︰2020年12月1日至2021年1月7日 房間預訂︰+852 2378 9988 / [email protected] 地址︰尖沙咀北京道8號
為咗迎接聖誕節嘅來臨，帝逸酒店推出「食．住嘆」住宿優惠 $1888起（已包括加一服務費）就可以最多兩大一細去酒店住一晚，仲包埋自助晚餐同埋酒店早餐 可以選擇入住酒店嘅家庭客房，地方夠大夠舒服，諗起都正！ 而且只需港幣$2,688（已包括加一服務費）就可以升級住面積超過40平方米嘅公寓客房 住宿禮遇： – 家庭客房住宿一晚 ( 或可加錢升級至公寓客房 ) – 2位成人（適用於公寓客房）；或2位成人及1位12歲以下小童（適用於家庭客房） 於Alva House享用節日自助晩餐 – 2位成人於Alva House享用早餐（適用於公寓客房） – 借用酒店提供之單車探索鄰近景點及單車徑（須視乎供應情況） – 入住當日可享用迷你酒吧飲品 – 享用客房內泡茶設施和意大利illy咖啡 – 使用酒店高速無線上網服務 – 使用配備VR虛擬現實健身器材的健身室、恆溫游泳池、位於酒店大堂的共享工作 空間Alva Works及露天花園（須視乎供應情況） – 酒店穿梭巴士服務往返指定港鐵站 – 視乎供應情況可享延遲退房至下午1時 *於2020年12月24日至26日、31日及2021年1月1日期間入住家庭客房之預訂需另加每晚 港幣$100之附加費 節日自助晚餐同早餐都好吸引！ 自助晚餐會提供一系列特色美食，當中特別推薦鐵板燒鴨肝法式多士伴紅莓汁、 燒火雞、法式焗龍蝦同薑包香料朱古力布甸等等 快啲預訂，同屋企人過一個開心聖誕啦！ 帝逸酒店 訂房電話： 3653 1188 訂房電郵： [email protected] 地址︰香港沙田源康街 1 號
為慶祝酒店開業30周年，港麗酒店Conrad Hong Kong 推出咗限時快閃自助餐住宿專案！ 二人同行只需$1990就可以入住雙人豪華客房+雙人自助早餐+雙人自助晚餐 酒店由10月30日至11 月1日更會限時推出為期三日嘅驚喜閃購優惠，率先接受12月周日至周四住宿預訂， 喺推廣期間預訂周日至周四入住嘅客人更可獲免費升級至豪華海景客房 而於喺推廣期前已確認嘅預訂，凡於周日至周四入住之客人亦同樣享有相同房間升等禮遇，勁吸引！ #ConradHKTurns30 三十周年自助餐住宿專案包括： 雙人豪華客房住宿乙晚 保證上午11時登記住房 咖啡園雙人自助早餐 (價值港幣700元) 咖啡園 / 樂聚廊雙人國際自助晚餐 (價值港幣1,580元) 港麗酒店一向出名服務質素好，房景夠靚之外自助餐都好好食！ 咖啡園自助餐有多款好食海鮮，好似波士頓龍蝦、琵琶龍蝦、法國麵包蟹、阿拉斯加雪蟹腳同澳洲青口等 每晚7時30分大廚仲會即席現切當造魚穫刺身，啱哂一班海鮮迷 自助早餐嘅食物亦可以任食，好多選擇！ 快啲約埋你屋企人/好朋友一齊嚟玩返晚啦！ 香港港麗酒店 快閃優惠預訂日期：2020年10月30日至11 月1日 住宿日期：2020年11月2日起至2020年12月23日 價錢：港幣$1990/2人 訂購網址: 住宿套票 地址:香港金鐘道88號太古廣場
沙田區都有好多唔錯嘅酒店，而香港沙田凱悅酒店亦推出咗住宿餐飲套票優惠 二人同行只需$1188起就可以入住舒適客房＋仲有$880餐飲消費回贈+免費通宵車位 如果想食自助餐嘅話仲可以加錢食，真係好抵！ 套餐介紹包括： 二人入住舒適客房一晚 每次入住可獲淨價港幣$880 的餐飲消費回贈,用於屢獲殊榮的沙田18丶其他店內餐廳及客房點餐使用* *餐飲回贈不可累積凱悅天地會員積分 *餐飲消費回贈限入住期間使用，使用前請事先預約餐廳，需視乎其訂座情況而定。不適用於宴會服務 每客房可獲免費通宵車位一個，可供一車輛泊24小時 住客更可以用優惠價選購下列產品(現場付）： 加港幣$120：於客房內享用家庭營及野餐美食* 加港幣$150：每房間可使用單車2小時，只限已登記的房客，每客房限2輛成人單車及一輛小童單車* *預約單車或營具及野餐籃需於活動開始前48小時預約，預約請致電+852 3723 1234或電郵[email protected]與健身中心聯絡。 *除特別註明，以上價目設10%服務費 如果想食自助餐嘅你亦可以選舉「美食假期」套票 只需$1408起就可以二人入住一晚連自助晚餐，又住又食！ 香港沙田凱悅酒店「住宿餐飲套票優惠」 價錢︰$1188/2人 訂購︰網址 地點：馬料水澤祥街18號 立即訂購
香港九龍諾富特酒店推出住宿連午餐優惠套餐， 二人同行只需＄682，就可以雙人入住高級客房＋享用退房當日雙人自助午餐， 除開每人＄341就可以喺酒店住＋食，真係好抵！ 優惠套餐包咗： 高級客房一晚住宿 退房當日享用自助午餐 已包10%服務費 可免費升級至貴賓豪華客房（視乎酒店房間供應而定） 延遲退房至16:00（視乎酒店房間供應而定） 於客房及酒店公眾地方免費使用無線上網服務 客人可以喺The Square品坊餐廳享用自助午餐，食物款式好多 由12:00食到14:30，食足兩個半鐘！ 餐廳供應大量冰鎮海鮮、冷熱盤同特式甜品，而且仲有飲品任飲 鐘意拎幾多都得！ 一定可以食到回本！ 食物種類好多，而且價錢又抵，一於去試下！ 香港九龍諾富特酒店「悠閒住宿連午餐優惠套餐」 供應日期︰即日起至 2020 年 11 月 30 日 價錢︰$682/2人 預訂︰網址 地址︰香港九龍彌敦道348號 立即訂購
食肉獸要注意啦！ 唯港薈推出和牛主題自助早午餐「秋季和牛薈」，大家可以任食頂級M8和牛 勁吸引！！ 廚師團隊選用上等和牛為食材，創作一系列滋味料理 可以食足3個幾鍾，大胃王好易回本！ 牛肉上都有均勻分佈嘅油脂，入口多汁軟嫩，肉味香濃 真係一試難忘 除咗牛肉，你仲可以享用多款The Market東南亞風味主菜同海鮮冷盤， 仲可以無限添飲紅白餐酒、果汁同汽水！ 鍾意食牛嘅你記得唔好錯過啦 「秋季和牛薈」詳情 日期：2020年10月25、26日（週日及重陽節翌日）及11月1、15日（週日） 時間：上午11時45分至下午3時 地點：Silverbox宴會廳 價錢：成人：港幣760元* | 兒童（3至11歲）：港幣530元* 查詢： (852) 3400 1388 |[email protected] 早鳥優惠：於2020年10月31日或之前預訂並繳交全數款項的顧客可享有85折優惠 *以上價錢需另收加一服務
好多人都鍾意假日入去元朗搵好嘢食，但只係得一日時間又未必試到哂想食嘅嘢 喺元朗附近嘅天水圍嘉湖海逸酒店推出咗個超抵嘅住宿優惠，等你可以去新界西嚟個兩日一夜小旅行 二人同行只需$1280就可以住豪華客房，仲包埋任食早餐，除開每人只需$640就可以住到酒店，真係好抵！ 天水圍嘉湖海逸酒店喺輕鐵站附近，隔離又有商場同戲院，超級方便 難得入元朗食好西，Book返間酒店住一晚，就唔洗趕頭趕命啦 優惠價升級入住標準套房只需每晚另加港幣$350 豪華客房又大又舒服 呢個優惠仲包埋「紐約紐約國際美食任點任食早餐」 早餐豐富而已選擇多，好吸引！ 入住當晚仲可以享用紐約紐約自助晚餐，一個價錢包哂食+玩，真係好抵 天水圍嘉湖海逸酒店 「特選住宿度假優惠」 預訂日期：2020年10月1日至2020年12月31日 價錢︰港幣$1280/2人 港幣$520/2位成人及1位小童 *所有價目另加10%服務費 *以上優惠不適用於2020年12月26日及12月27日 訂座電話︰2180 6688/ 訂座網址 地址: 香港新界天水圍天恩路 18 號
