成日聽到身邊朋友話去泰國玩幾日~ 咁你又知唔知道實際上泰國有咩好玩呢? 1. 曼谷 想感受泰國嘅文化風情，嚟有「東方威尼斯」之稱嘅曼谷就啱! 就好似有百年歷史鄭王廟，湄南河等都留下曼谷歷史嘅痕跡㗎~ 2. 清邁 作為古王朝首都嘅清邁，周圍都係歷史古蹟同文化遺址~ 身在林立嘅寺廟，你仲會feel到一股強烈嘅宗教氣息添! 清邁仲好啱鍾意生態之旅嘅朋友㗎! 係大象學校，接受過訓練嘅大象會表演唔同嘅特技，你仲可以騎住大象欣賞自然美景! 3. 布吉島 去泰國好自然會諗到陽光與海灘~ 嚟布吉島就可以係超靚嘅海岸同月牙型嘅海灣沙灘下，享受悠然自在嘅度假生活! 夜晚仲想玩? 咁你可以去埋連接泰國本島嘅「撒拉新橋」體驗一下夜生活~~ 4. 蘇梅島 講起泰國，蘇梅島又點可以唔提呢? 蘇梅島有山有海，除咗去最熱鬧嘅海灘——查汶海灘之外，仲有好多自然景觀㗎! 好似珊瑚礁、潟湖、森林等等都有! 玩到攰嘅話…仲可以係酒吧同餐廳品嚐下美食! 5. 華欣 如果你想係短短嘅旅程享受一個充實嘅旅程，亦都可以考慮嚟華欣玩幾日! 華欣係泰國皇室的渡假勝地，擁有幾個美麗沙灘! 仲可以行下當地夜市，一嚐熱炒店嘅美食~ 果然泰國味十足!!! 有時間仲可以去埋創意市集，欣賞一下泰國手工藝品tim! 6. 芭提雅 被定位為觀光勝地嘅芭提雅真係冇錯㗎! 重點係，呢度重口味嘅成人秀全裸表演一定會令你大開眼界! 仲厭唔夠? 你仲可以親身體驗埋泰國按摩! 7. 羅永 羅永呢個地方，可能你未聽過… 嚟到呢度，除咗欣賞自然美景、泰國歷史之外~ 仲可以去埋泰國最接近仙境嘅桃花源~ 哈！其實只係黃色沙灘~ 羅永古早味夜市購物街亦係相當吸引㗎! 特別係5、6月嘅時侯會舉辦水果節，可以一齊感受下熱鬧氣氛! 8.清邁 以金三角聞名嘅清邁，早期係製造鴉片嘅大本營，漸漸先變成今日以觀光為主嘅地區~ 推介大家參觀白龍寺…純白純淨嘅感覺，仲充滿宗教氣息! 9. 昌島 (象島) 昌島除咗係泰國第二大島，仲係新興嘅島嶼度假天堂! 試問你又點可以唔嚟呢度玩下呢? 島內保留咗好多叢林、瀑布等原始生態~ 仲係四面環海…大片珊瑚礁、七彩繽紛嘅魚群，好有夏日風情!! […]
