夏天又到喇~ 最令人期待嘅花火大會亦準備得如火如荼~ 東京有咁多個花火大會，未諗到去邊個嘅話就睇吓呢五個嚴選必去嘅花火大會先啦! [instagram photo=”BZRoXiVBV8f”][/instagram] 1. 足立花火大會 足立花火大會係東京地區較早開始舉辦嘅花火大會，雖然所放嘅花火數量唔係最多，但人氣絕對唔會少! 今年嘅主題係「夏天的花火就從足立開始」~ 一萬兩千發嘅煙火將會配合唔同嘅花火特色去呈現眼前，附近仲會有屋台小食、屋形船餐廳，等你可以盡情享受日本夏日花火祭嘅樂趣！ 放花火嘅對岸西新井一側、扇大橋附近或者係尾竹橋通り一帶都係觀賞花火嘅好地方~ [instagram photo=”BXBsI2IhYMK”][/instagram] 日期：2019年7月20日 時間：下午7:30至8:30 地點：荒川河岸 交通：由北千住站、東武鐵道小菅站、五反野站或梅島站步行15分鐘就到 2. 葛飾納涼花火大會 歷史悠久嘅葛飾納涼花火大會，今年將會係第52次嘅煙火演出! 一萬三千發嘅煙火爭豔齊放，有短時間內發射嘅Star Mine煙火、瀑布式嘅煙火瀑布、「和火」之稱嘅日本古老煙火等，仲有壓軸嘅盛大煙火表演，你一定唔可以錯過呀! 距離放花火現場比較近嘅新葛飾橋 (水戶街道)、千葉縣松戶市一側嘅江戶川河岸、已經廢校嘅千葉縣立松戶矢切高中空地、東京天空樹 (需收費入場)都係較少人但可以欣賞到花火嘅景點! [instagram photo=”BYYLlElD9q2″][/instagram] 日期：2019年7月23日 地點：葛飾區柴又棒球場 (葛飾区柴又七丁目17番13番地先) 時間：晚上7:20至8:20 交通：由京成線柴又站步行約10分鐘就到 3. 隅田川花火大會 被選為東京都23區內最想參加之一嘅隅田川花火大會每年都吸引唔少人專程而嚟~ 初時舉辦純粹為咗悼念1732年死於大飢荒同霍亂嘅亡靈，時至今日已經係廣為人知、每年必到嘅花火大會之一喇! [instagram photo=”BXJslD0g61z”][/instagram] 每年第一會場舉行嘅煙火大賽都相當精彩，想感受花火大會嘅熱鬧氣氛就一定要嚟喇! 除咗隅田川河畔一帶外，你仲可以去東京鐵塔上、淺草花やしき樂園、淺草站松屋百貨2F、櫻橋等欣賞一年一度嘅隅田川花火㗎! [instagram photo=”BXJ9rcYDsdZ”][/instagram] 日期：2019年7月27日 地點：櫻橋上游至言問橋下游 時間：晚上7:00至8:30 交通：由淺草站步行15分鐘就到 4. 神宮外苑花火大會 神宮外苑花火大會亦好受歡迎，因為同場觀眾仲可以欣賞埋知名藝人演唱會~ 迷人花火加埋令人精神亢奮嘅熱唱，絕對係視覺、聽覺雙重享受呀! 值得一提係，花火會入場券嘅部分收益會捐作賑災之用，欣賞到花火之餘仲可以做埋慈善，相當有意義呀~ […]
