Open Tour
一年一度嘅「鹽田梓藝術節2021」開始喇，知道大家假期都係鐘意去郊外，小編就推介大家可以去擁有香西貢後花園之稱嘅「鹽田梓」探索下，呢度有多款藝術品俾大家參觀，例如大型玻璃屋、竹藝作品、藝術屋，早前因限聚令關係一度關閉，宜家終於可以開放參觀，仲有幾個時段可以選擇，即刻睇有咩玩！ 碼頭附近嘅風鈴作品，《歸家》歡迎每一位訪客來臨參觀鹽田梓。 鹽田梓玻璃屋，《鹽光之所》展示鹽結晶嘅藝術形態，探討鹽嘅各樣可能性。 行入小小，大家可以見到呢個作品，由藝術家許嘉雄結合竹以精煉嘅竹藝及紮作技巧創造出。 嚟道鹽田梓，又點少得嚟到打卡必到地方-玉帶橋，好多遊客都會喺呢度影相打卡，因為水面波平如鏡般嘅水，大家低炒影相時候可以影到天空之鏡嘅感覺。 宜家開放鹽場俾公眾參觀，大家可以根據自己時間選擇。 嚟到本地鹽場，當然可以選擇買番一樽本地鹽，支持本地鹽業持續發展。 鹽場開放時段：詳情查詢 星期一至六：三節 1130, 1430, 1530 星期日及公眾假期：四節 1130, 1330, 1430, 1530 圖片來源：@yimtintsaiartsfestival、@maau.jyu 資料來源：鹽光保育中心
兩年一度嘅影像藝術節「ifva Everywhere影像嘉年華」返嚟啦！ 由香港藝術中心主辦、香港賽馬會慈善信託基金主要捐助嘅「賽馬會ifva Everywhere影像嘉年華」將於今年11月1日至30日舉行 今年由88個本地創作單位、逾百名藝術家，創作咗12份全新媒體藝術作品，分別喺實體、線上及流動場域展出！ 話明係科技同藝術融合嘅展覽，今年嘅創作團隊更設計咗一款手機應用程式畀大家觀看藝術節內唔同嘅作品 今次小編特意為大家介紹一個「本地藝術一日遊」， 等大家可以喺一日入面欣賞到真實同虛擬世界入面嘅藝術品！ 1.《出口等》 名為《出口等》嘅手機應用程式可以串連起12份作品，玩家會喺程式中扮演「失物尋找師」 觀眾可以喺真實同虛擬世界入面穿梭於12份全新媒體藝術作品，題材新穎又吸引！ 手機體驗互動故事旅程 : www.ifva.com/eva **此作品由Juicyapp負責概念開發和數碼策略，StoryTeller 及 ifva 共同撰寫故事** ========== 2.《腳踏投影機》 + 《Mood Piano》 睇完虛擬世界嘅嘢之後緊係要欣賞下現實世界嘅作品！ 設計師張瑋晉嘅《腳踏投影機》會於上環FabCafe 展出， 觀眾可以親身踏上大小輪腳踏車，重溫舊時單車喺香港街道遊走嘅影像 同場仲會展出設計師林若曦嘅作品《Mood Piano》， 觀眾可以欣賞到一台巨型手搖音樂盒，同時一邊望住舊香港影像，就像重演默片時期配上現場音樂的觀影經驗 日期︰2020年11月1-30日 時間︰08:30 – 17:00 (Mon – Fri); 09:00 – 18:00 (Sat & Sun) 地點︰FabCafe Hong Kong (上環新街10號地舖) ========== 3.《床上的賽⾞場》 寫生藝術家黃進曦開發嘅《床上的賽⾞場》，由畫布轉戰IG，拉近咗現實同虛擬世界嘅關係 將屋企嘅物件幻化成一個又一個地形，好似將被鋪上高低起伏嘅褶皺想像成虛擬賽車遊戲場景， 再利用攝影同電腦繪圖，將睡房打造成一場賽車場 詳情︰ig@carraceonbed ========== 4.《ONLY3MATTERS》 由媒體藝術家鄭智禮打造嘅《ONLY3MATTERS》，以一台由數據推動嘅印刷裝置帶大家進入一個新世界 呢個藝術品仲有免費印刷品直送府上，好特別 […]
鹽田梓藝術節2019 喺西貢小島鹽田梓舉行，屬為期三年嘅先導計劃，邀請本地藝術家、年輕人與村民共同創作，塑造鹽田梓成為一所開放式博物館。 藝術節今年以「天」為主題，展期為一個月由11月30日至12月29日，部分藝術品展後會成為常設展品。 該島有近300年歷史，島上融合天主教和客家文化。呢啲藝術節展品以當地文化和鹽為主題，將帶給遊客嶄新嘅旅遊體驗。 遊客乘船甫抵鹽田梓，會聽到一種獨特嘅聲音，有如教堂嘅鐘聲，充滿中西文化糅合嘅小島風情。 呢種聲音其實來自一件名為《歸家》嘅藝術品，為藝術節展品之一。 另一件狀似海浪、行雲嘅樹木擺設，由藝術家黃卓健利用颱風「山竹」吹襲期間，島上倒塌嘅三株大樹製作而成，名為《流波‧行雲》。 作品既善用廢木資源，也藉此反映昔日村民從事農務、漁業嘅生活，讓遊客了解島上豐富嘅文化和風土人情。 黃卓健指，遊客可坐在作品上歇歇腳，一邊欣賞日落，一邊等候街渡，把美好嘅印象帶回家。 洗滌心靈 深度體驗 鹽田梓作為產鹽之地，《鹽光之所》係其中最具看頭嘅作品。 佢係一所以鹽作為創作媒介嘅實驗室，內裏展出鹽結晶嘅形態，以及一系列關於人與鹽以至與自然關係嘅作品。 創作《鹽光之所》嘅藝術家何文聰表示，希望利用天然資源、天然製作方法加上創意進行創作，令世界少一點污染，多一點環保。 藝術節策展人吳文正認為，藝術節最獨特之處喺島上舉行，呢度交織着中西兩種不同文化，仲有正在復耕嘅鹽田。 佢希望遊客嚟到呢個世外桃源，能獲得心靈上和深度嘅旅遊體驗。 誠邀大家踏上「藝遊天地人，親近大自然」嘅旅程，感受鹽田梓嘅藝術氣息，體驗呢度嘅獨特歷史文化，欣賞令人讚嘆嘅自然風光！ 【鹽田梓藝術節】 日期： 即日起至12月29日 地點： 西貢鹽田梓村 交通： (請按此查看) 資料及圖片來源： 鹽田梓藝術節
