Tag: 西環

今次小編介紹呢間燒臘店位於西環，而店鋪嘅燒鴨、燒鵝皆是招牌菜，當中原隻鴨、鵝最深受食客喜愛。如果大家都想食記住要早啲嚟試。 燒鵝脾大家可以揀原隻或者碎上，鵝皮油香十足！呢碗燒鵝脾瀨粉$100/碗，值唔值得就見人見智喇～畢竟原隻燒鵝價格都需要$300-$400左右。 湯底 如果大家都嫌燒鵝價錢較貴，不如就試下燒鴨脾喇！價錢只需要$50，不過燒鴨脾嘅size相對上就比較細啲喇～性價比都高嘅。   波記燒臘店 地址：西環石塘咀皇后大道西425號P鋪地舖 營業時間：11:30-19:30（逢星期日休息） 圖片來源：@vanessafoodiary、@pme.motivation

By Kelly Kwok

February 23, 2022August 4, 2022

天寒地凍除咗打邊爐，不如整番碗蛇羹再配埋糯米飯咁就正啦～ 西環蛇王海已經喺呢區扎根30載，店鋪只此一間並無分店，大家想試記住要到西營盤先有喇～ 每年只係開幾個月，大家想食就要把握機會。 店鋪供應五蛇羹、五蛇湯、龜苓湯、臘鴨脾、淨雞髀等等，食完蛇羹好暖胃，蛇肉有促進血液循環功效，食完全個人都暖笠笠啊～ 蛇羹好足料～大大碗，細碗$45/大碗$85。 雙拼臘腸糯米飯，$44～有冇人都係鍾意食潤腸呢！ 單拼臘腸糯米飯就$32。   蛇王海 地址：西環西營盤第一街119號地下（港鐵西營盤站 B1 出口, 步行約2分鐘） 營業時間：星期一至日 11:00 – 23:00

By Kelly Kwok

February 22, 2022August 4, 2022

西營盤唔止有好多咖啡店，都有高質西餐，今次介紹呢間小店，主打法國菜。 擺盤非常精緻，食材考究及新鮮，味道屬於中上，環境都幾浪漫。適合情侶約會，三兩知己聚會。 法式牛骨洋蔥湯：南瓜湯或者羅宋湯就常見，牛骨洋蔥湯少見，可見餐廳有心思。飲落味道鮮甜，幾好。 是日前菜：海鮮撻：前菜都好高質，鮮花擺盤，有墨魚和三文魚籽，食落幾fresh。 、 法式芝士蘑菇焗龍蝦 $：龍蝦肉厚實彈牙，配上蘑菇和芝士的濃郁香味，食落好滿足。 慢煮加拿大保濕豬鞍，燒意大利雜菜 $298：豬鞍煮得軟嫩香口，可見廚師技巧了得！醬汁都好味。 另有多款菜式都唔錯： 巴馬火腿24個月，水牛芝士，蜜瓜 $118 法式焦糖燉蛋 $68 苦酒青檸檬梳打 $ 生日甜品可要求手繪意大利黑醋畫，詳情需要聯絡餐廳查詢。 The Ground Kitchen 地址：西環西營盤水街47號地舖 圖片來源：IG @hkfoodiechris、@thegroundkitchen

By yip kat

August 13, 2021August 5, 2022

相信鍾意食台灣嘢嘅你都聽過阿元來了，但今次要介紹嘅係佢嘅分店，「阿元菜市場」，呢間餐廳位於西環堅尼地城，餐廳裝潢以懷舊台灣風為主題，今次推出全新「芋圓火鍋」，夏天食番啲凍冰冰嘅嘢就最正，大家記住要三點後先去食。 火鍋用上金色銅爐，有五款配料，包括三色芋圓、仙草、豆腐花、蜜紅豆、黑糖珍珠，底部更有刨冰，真係超滿足！ 餐廳都非常貼心咁諗埋五款醬汁，真係好似打邊爐咁有醬汁點埋，有花生糖粉、Oreo碎、蜂蜜等等。 全個火鍋湯底係用左黑糖牛奶，後續加入其他材料一樣咁好食。另設豆漿湯底。 除左食甜品，呢度都有唔少台灣美食值得一試，好似呢個半筋半肉麵咁，啲牛肉都好腍好入味。 蛋餃。 百葉豆腐、豬大腸。 餐廳內部環境好有台灣feel～   阿元菜市場 地址：西環堅尼地城科士街40號聯安新樓地舖 營業時間：12:00 – 23:45 電話：2910 1320 圖片來源：@marcosora、@yuanishere

By Kelly Kwok

July 12, 2021August 5, 2022

有網民發現本地針織藝術塗鴉工作室La Belle Époque嘅作品出沒喺西環、屯門 今次喺西環現身嘅喺兩棵手織聖誕樹， 聖誕樹有生動表情，而且顏色繽紛，外型非常可愛 La Belle Époque喺Facebook表示「要影相就要快，西環裝置的損壞度比任何地方都高」 呢啲藝術品咁靚，希望大家可以好好愛惜唔好破壞佢啦 而大西北嘅朋友亦都有福啦 屯門亦出現咗編織貓咪欄杆，貓貓著上毛衣勁得意 好多網民都話呢啲貓貓為社區增添咗節目色彩 畀人一種溫暖又開心嘅感覺 位置就喺屯門河畔近蔡意橋果邊，大家快啲去影下相啦 手織聖誕樹 地址：西環卑路乍灣海濱公園 編織貓咪欄杆 地址：屯門河畔近蔡意橋 圖片來源︰La Belle Époque

By staff5

December 16, 2020August 5, 2022

天氣清涼，食煲仔飯就啱哂喇！ 西環有一間食店嘅煲仔飯出名好食！ 佢哋嘅煲仔飯真係稱得上高質！ [instagram photo=”BvcLS4rBVo9″][/instagram] 每日到咗黃昏就開始供應煲仔飯，人潮不斷～ [instagram photo=”Bw-0EHMlotd”][/instagram] 金黃色飯焦脆而不燶，加埋豉油就夠哂完美～～～ 每一啖放入口都覺得好幸福啊！！ [instagram photo=”Bu_dBYTgS8N”][/instagram] 款款煲仔飯都咁吸引～ 小編睇見都想食，突然好肚餓添！！ 必食白鱔煲仔飯！！ [instagram photo=”BueA-I6BT6U”][/instagram] 食到最經典嘅煲仔飯味道，非臘腸排骨飯莫屬！ [instagram photo=”BuSo0AMBrtf”][/instagram] 仲有呢款窩打牛肉煲仔飯，一樣食完暖笠笠，夠哂飽肚！！ 趁呢排天氣仲比較清涼，一於過嚟食煲仔飯啦～ [instagram photo=”Bwlt3eSh0RE”][/instagram]   坤記煲仔小菜 地址：西環西營盤皇后大道西263號和益大廈地下1號舖   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

May 9, 2019August 5, 2022