Open Tour
一年一度嘅「鹽田梓藝術節2021」開始喇，知道大家假期都係鐘意去郊外，小編就推介大家可以去擁有香西貢後花園之稱嘅「鹽田梓」探索下，呢度有多款藝術品俾大家參觀，例如大型玻璃屋、竹藝作品、藝術屋，早前因限聚令關係一度關閉，宜家終於可以開放參觀，仲有幾個時段可以選擇，即刻睇有咩玩！ 碼頭附近嘅風鈴作品，《歸家》歡迎每一位訪客來臨參觀鹽田梓。 鹽田梓玻璃屋，《鹽光之所》展示鹽結晶嘅藝術形態，探討鹽嘅各樣可能性。 行入小小，大家可以見到呢個作品，由藝術家許嘉雄結合竹以精煉嘅竹藝及紮作技巧創造出。 嚟道鹽田梓，又點少得嚟到打卡必到地方-玉帶橋，好多遊客都會喺呢度影相打卡，因為水面波平如鏡般嘅水，大家低炒影相時候可以影到天空之鏡嘅感覺。 宜家開放鹽場俾公眾參觀，大家可以根據自己時間選擇。 嚟到本地鹽場，當然可以選擇買番一樽本地鹽，支持本地鹽業持續發展。 鹽場開放時段：詳情查詢 星期一至六：三節 1130, 1430, 1530 星期日及公眾假期：四節 1130, 1330, 1430, 1530 圖片來源：@yimtintsaiartsfestival、@maau.jyu 資料來源：鹽光保育中心
放假大家又會去邊呢？不如試下去西貢白蠟村，位於西貢一個偏僻嘅村落入面放鬆下喇，溫馨提示大家自己垃圾自己帶走，切勿為打卡影相破壞環境。大家可以喺西貢碼頭搭的士入去，白臘村村口落車後步行15分鐘就到。（車程大約$70-$80左右）。 呢度大於300年前係一條客家村落，但宜家已經變成廢村，商家為咗吸引人流，於是就將呢度嘅村落粉飾成為七彩童話屋喇。 有綠色、淺黃色、藍色、紅色同橙色屋仔。 大家見到呢個指示牌，係教大家前往東丫，上山條路都一樣咁靚。 行出小小就係沙灘，隔離有條木橋，大家行出去時候需注意安全，因為兩側沒有任何圍欄。 上東丫山頭嘅時候，到達山頂時候望落嚟可以見到海平面，感覺超正。 路線： 白腊村→七彩童話屋→東丫→沙橋 西貢碼頭→搭的士到白腊路村口→步行15分鐘→七彩童話屋→跟隨指示牌去沙橋方約15分鐘就可以到達/東丫方向上山約30-45分鐘 圖片來源：@emily_0224
召喚柴犬控！位於西貢嘅「柴太郎咖啡店」用咗店長「柴太郎」命名， 狗狗會不定時喺店內當值，陪大家食Tea歎咖啡！想見到狗狗就要碰碰運氣喇～ [instagram photo=”BujMFzcHzRb”][/instagram] Café地方唔算大，只有約20個位～ [instagram photo=”BplIgppnGMa”][/instagram] 周圍都有柴犬嘅畫作、擺設同埋明信片，供客人欣賞同選購～ [instagram photo=”B6S288WB2hS”][/instagram] 店內主打All Day Breakfast，有豬肉腸、煙肉、焗小番茄、炒蘑菇等等～ 特別推薦店舖自家製嘅菠蘿果醬，配合埋新鮮出爐嘅窩夫一齊食， 味道清甜、口感香脆，超正！ [instagram photo=”BfkYppphMFA”][/instagram] 咖啡都有多款選擇，泡沫表面仲有店長「柴太郎」個可愛樣添吖！ [instagram photo=”BraBsuZHNBz”][/instagram] Café亦有提供意粉、甜品同其他輕食～ [instagram photo=”B3LWhR8hq29″][/instagram] 鐘意柴犬嘅朋友一定要嚟！ 柴太郎咖啡店 地址：西貢市場街11號地舖 電話：9488 0623
小編以前都唔知原來喺香港都有啲咁嘅地方可以自製珍珠首飾，但原來喺西貢麻南笏有間珍珠養殖教學中心，香港珍珠養殖協會會喺個到提供有關珍珠嘅工作坊，就好似小編參加嘅珍珠首飾工作坊~ 報名及詳細資料可以㩒呢到： www.kkday.com/zh-hk/product/35786/ 參加嘅團友先喺白沙灣碼頭參合，之後就會有紅黃旗街渡接駁船載你到教學中心，所有接駁船都係包埋㗎，唔洗自費！ 15分鐘後就會到達，到達後先聽工作人員略為介紹有關珍珠與中心嘅故事後，就可以同工作人員一齊挑選貝殼啦~ 馬氏珍珠貝珍珠喺生殖巢入面，所以要比啲耐性撩佢出嚟，同埋小心啲唔好咁粗魯呀！ 將珍珠清洗好後，先量度珍珠大小，再將佢放入合適大小鏤空嘅立方~ 整好呢個吊咀後就可以將頸鏈/手鏈穿上去，隨你喜歡想要咩款~ 一條美輪美奐嘅手鏈就完成啦，小編覺得都真係幾有紀念，親手開蚌取珍珠，同埋整好條鏈~ 如果一家大細去到，有小朋友驚handle唔到細配件，都可以選擇「貝殻海洋輕黏土首飾盒工作坊」，同樣可以親親海洋、親親大自然，動動手~ 珍珠首飾D.I.Y工作坊 集合地點 : 香港 西貢 Hirams Highway 白沙灣碼頭 售價 : HKD 390 起 套餐包括入場卷、HKD$20來回船、珍珠故事、開蚌尋珠、首飾配件乙份 網址：www.kkday.com/zh-hk/product/35786/ 按此參加
鹽田梓藝術節2019 喺西貢小島鹽田梓舉行，屬為期三年嘅先導計劃，邀請本地藝術家、年輕人與村民共同創作，塑造鹽田梓成為一所開放式博物館。 藝術節今年以「天」為主題，展期為一個月由11月30日至12月29日，部分藝術品展後會成為常設展品。 該島有近300年歷史，島上融合天主教和客家文化。呢啲藝術節展品以當地文化和鹽為主題，將帶給遊客嶄新嘅旅遊體驗。 遊客乘船甫抵鹽田梓，會聽到一種獨特嘅聲音，有如教堂嘅鐘聲，充滿中西文化糅合嘅小島風情。 呢種聲音其實來自一件名為《歸家》嘅藝術品，為藝術節展品之一。 另一件狀似海浪、行雲嘅樹木擺設，由藝術家黃卓健利用颱風「山竹」吹襲期間，島上倒塌嘅三株大樹製作而成，名為《流波‧行雲》。 作品既善用廢木資源，也藉此反映昔日村民從事農務、漁業嘅生活，讓遊客了解島上豐富嘅文化和風土人情。 黃卓健指，遊客可坐在作品上歇歇腳，一邊欣賞日落，一邊等候街渡，把美好嘅印象帶回家。 洗滌心靈 深度體驗 鹽田梓作為產鹽之地，《鹽光之所》係其中最具看頭嘅作品。 佢係一所以鹽作為創作媒介嘅實驗室，內裏展出鹽結晶嘅形態，以及一系列關於人與鹽以至與自然關係嘅作品。 創作《鹽光之所》嘅藝術家何文聰表示，希望利用天然資源、天然製作方法加上創意進行創作，令世界少一點污染，多一點環保。 藝術節策展人吳文正認為，藝術節最獨特之處喺島上舉行，呢度交織着中西兩種不同文化，仲有正在復耕嘅鹽田。 佢希望遊客嚟到呢個世外桃源，能獲得心靈上和深度嘅旅遊體驗。 誠邀大家踏上「藝遊天地人，親近大自然」嘅旅程，感受鹽田梓嘅藝術氣息，體驗呢度嘅獨特歷史文化，欣賞令人讚嘆嘅自然風光！ 【鹽田梓藝術節】 日期： 即日起至12月29日 地點： 西貢鹽田梓村 交通： (請按此查看) 資料及圖片來源： 鹽田梓藝術節
「第9屆香港海洋嘉年華」開始咗喇！ 上週末錯過咗唔緊要，今個星期六日記得過嚟玩啦！！ 今屆嘅主題係『海鮮知源』，透過別出生面嘅互動遊戲攤位、皮影劇場、裝置藝術同定向活動，透視海鮮之源。 <活動推介> 推介一：西貢舢舨導賞團 (即場免費報名)、拋船頭纜比賽、舢舨模型展覽 別小看舢舨船仔細細，她的靈活性和獨特性就像其身處的香港一樣。 想知更多舢舨特色，不妨參觀一下現場像真度十足的舢舨模型。 再參加舢舨導賞團，從不同角度認識這種香港特色交通工具。 推介二： 「海味博物館」、「至識揀」海鮮檔及「海鮮知源—尋寶地圖」 香港人愛吃海鮮，也愛吃海味。我們對它們認識有多少？ 記得嚟海洋嘉年華，參加海鮮尋寶活動，仲有義務導賞員向大家介紹各種海鮮知識！ 嘩，仲有靚靚襟章DIY，千祈唔好錯過！ 推介三： 皮影小劇場 (即場報名) 小朋友可以免費觀看一個皮影戲小演出，同海底診所的Dr. SoSo一齊幫助海洋動物。 【第9屆香港海洋嘉年華】 日期：10月19及20日 (星期六及日） 時間：14:00 – 18:00 地點：西貢海濱長廊 資料來源：香港海洋嘉年華 Hong Kong Marine Life Carnival
今年10月《趁墟》活動嚟到西貢啦！ 今次同西貢海濱市集及西貢周末有機農墟拍住上，一齊聯墟合辦西貢區最盛大嘅市集日。 《趁墟》活動將於西貢海濱長廊舉辦，面向著海天一色嘅美景，可以講係香港最美麗嘅户外市集。 當日聯墟活動會有超過70個攤位，包括本地農夫嘅有機農產品、創意手作、藝術作品及生活攤檔，亦會有水墨畫工作坊、馬賽克工作坊、環保袋製作、臉部彩繪、懷舊遊戲等。 咁多精彩節目，10月6號你點可以唔嚟「趁墟」呀！ 【趁墟．趁理想生活手作墟@西貢海濱】 日期：2019年10月6日 (星期日) 時間：中午12點至下午6點 地點：西貢海濱長廊 免費：即場製作環保袋 (送完即止) 資料來源：西貢海濱樂園購物天地
