Open Tour
日本玩具品牌「Megahouse」貓化動漫角色嘅企劃「MEGA CAT PROJECT」，將知名動漫角色全部變成了圓碌碌超可愛嘅貓貓公仔！《美少女戰士》繼《火影忍者》同《海賊王》後第三個被貓化嘅作品！貓奴定係動漫迷都值得收藏喔！ 2021年9月「MEGA CAT PROJECT」首度推出《美少女戰士》嘅貓咪公仔。當時共推出了9款：水手月亮、水手水星、水手火星、水手木星、水手金星、燕尾服蒙面俠、露娜同亞提密斯以及反派角色貝利爾女王。 Megahouse緊接住宣布將喺2022年7月下旬推出第二彈嘅美戰喵公仔。比第一彈少咗幾個角色，僅推出水手月亮、水手水星、水手火星、水手木星同水手金星共5款。但喺尺寸上放大成全長約100㎜嘅大小。 有貓就LIKE～有貓就買！唔知下一套貓化作品係邊套呢！ MEGA CAT PROJECT Sailor Moon Senya Moon Oshioki Meow 價格：1,925 日元（含稅） 產品尺寸：高度約 100 毫米 發售日：2022 年 7 月下旬 訂單預約開始日期：2021年11月5日星期五13:00起 資料來源 : kiddyland.co.jp
日本綜合刀具製造商「Kai Corporation」向來生產嘅美容工具都非常高質 今次佢哋推出咗「貓貓」主題嘅美容工具「Nyaming系列」，當中包括︰貓耳朵頭巾、化妝掃等等 全新系列圍嬈貓貓元素，令用家日常增添趣味，各位貓奴絕對唔可以錯過！ 首先要介紹嘅「貓貓睫毛夾」以貓耳朵作為設計元素，用家只需將「貓耳朵」貼近眼瞼向上推，即可捲曲睫毛 「貓貓剪刀」設有保護套，手柄上亦有貓耳朵造型，非常可愛 貓奴必選嘅有呢款「貓貓肉球化妝掃」，化妝掃以貓貓足部爪子床設計元素 「肉球」立體逼真，可愛之餘亦可以充份抓粉，非常好用 最後點少得「貓耳朵頭巾」，每次化妝/洗臉時可以先將頭髮弄起 頭巾亦可以清洗同埋重複使用，質地優質柔軟，非常推薦！ 「Kai Corporation」Nyaming系列美容用具︰ 發佈日期：2021年3月15日（星期一） 售賣點：日本各大藥妝店、家品店、大型零售商、官方在線商店等等
主子們成日擺出唔同樣貌， 通常都係可愛居多， 最近日本一隻貓咪就反行其道，以其超厭世樣子喺網上爆紅XD！ 來自日本嘅Monta天生有著一副臭臉， 凌厲嘅眼神好似無時無刻都鄙視緊你咁XD ：「你哋班愚蠢嘅人類，唔好阻住本喵瞓覺！」 其實歲半嘅Monta因為有著永遠半垂嘅眼皮， 先顯得佢個樣成日都咁不爽、惡爆， 但都因為咁，吸納咗一班網上粉絲！ 主人一於就經常透過Twitter上傳Monta嘅厭世之相XD Monta表示：「主人你影夠未，可以放我落嚟未~」 不過你都唔好睇佢個樣咁惡死， 主人話其實Monta平時係一隻好溫和嘅貓咪， 見到池塘邊、水中嘅魚都一動不動，唔會攻擊~ 其實係一隻乖巧、沉穩嘅貓咪！ なにこの生き物#もんたの日常 #猫好きさんと繋がりたい #猫をTLに流しちゃおう pic.twitter.com/ABAgX63EVv — もんたの日常 (@montanonichijo) November 20, 2020 經常被主人攞嚟玩嘅Monta都唔反抗，也是心累了XD かかりつけの動物病院の先生に、｢もんたみたいな猫見たの20年やってて初めて｣と言われた。#もんたの日常 #猫好きさんと繋がりたい #猫をTLに流しちゃおう pic.twitter.com/9bkrj72Q3g — もんたの日常 (@montanonichijo) November 16, 2020 Monta嘅一舉一動超可愛又緩慢，舉止同樣貌好唔同，有住一股反差萌XD！ 來源：Twitter @montanonichijo
旺角最近有一間新開嘅貓貓Cafe「Cat Jungle Cafe 貓島」 「貓島」係全港唯一同首間戶外貓Cafe，佢哋有提有室內同室外空間， 畀貓奴同貓貓一齊享受美好嘅時光！ 各位貓奴可以購店內嘅食物餵食貓貓，同主子親近一吓！ 而且店鋪亦有提供特色美食畀客人，例如炸薯角、炸雞翼、三文治飛碟、carbonara等等 同時亦有供人貓共享嘅特色貓鮮食，係貓貓嘅至愛！ 有過千呎場地嘅「貓島」裝潢簡約舒適，而且露台設有大型貓籠畀貓貓曬太陽 環境又大又靚，啱哂嚟打卡！ 「貓島」希望可以幫助更多流浪貓貓尋家，所以呢度除咗可以同貓貓互動， 仲可以領養合眼緣嘅貓貓，非常有意義！ 依家店鋪暫時有6隻貓貓，而領養貓貓就有2隻，大家快啲嚟同佢哋玩啦 Cat Jungle Cafe 貓島 地點: 旺角 西洋菜南街5號好望角大廈 10樓1002室 收費： 首小時$68包一杯飲品；其後每小時$48亦包一杯飲品(食物另計) 聯絡電話： 9664 6361 開放時間： 逢星期一至日，中午12時至晚上8時半（疫情期間根據政府指定時間關閉）
日本京都係香港人熱門嘅旅遊景點之一 當地神社眾多，每間都別具特式，吸引咗唔少旅客慕名而來 當中位於京都左京區八瀨，以貓咪為主題嘅寺廟型主題樂園「貓貓寺」就係其中一個人氣景點 [instagram photo=”CHQtRJeJxpu”][/instagram] 「貓貓寺」前身係一間由家庭經營嘅喫茶店，經過2011年日本東北大地震後， 身為貓奴嘅他們決心「要像貓咪一樣自由地生活」 於是將古老民宅改建成貓咪主題嘅「招喜猫宗総本山猫猫寺」，等更多愛貓人士前往 [instagram photo=”CGqKYh0J7CF”][/instagram] 當中最吸引貓奴前往嘅就係呢度嘅喵星人住持！ 喺IG擁有超高人氣嘅貓主持小雪係第三代主持，擁有白色毛髮嘅小雪經常在IG大曬日常照 [instagram photo=”CC9aOytJ2hQ”][/instagram] 小雪喺「工作」時一臉認真嘅神情非常可愛，俘虜咗一眾貓奴！ [instagram photo=”CGf1mx9JXVX”][/instagram] 寺內共飼養咗七隻貓咪，各位貓奴可以去一睹各位喵星人風采 [instagram photo=”B_nxPvWpAce”][/instagram] 除此之外，店內嘅咖啡廳亦有好多貓咪造型嘅餐點， 每款都十分精緻，貓奴們千萬不要錯過！ [instagram photo=”B890g3jJqsC”][/instagram] 「招喜猫宗総本山 猫猫寺」 地址﹕京都市左京區八瀬近衛町520 圖片來源﹕nekojizo@Instagram
紅爆日本、台北同高雄等地嘅人氣展覽「貓美術館 – CAT ART世界名畫展」終於登陸香港！ 由即日起至2021年1月10日期間，會喺北角匯1-3期同大家見面 今次展覽精選咗日本知名畫家山本修（Shu Yasumoto）61幅向世界名畫致敬嘅貓創畫作，每幅都又可愛又搞鬼！ 當中最吸睛嘅一定係《戴珍珠耳環的少女貓》、《貓娜麗莎》、《貓嗚》等！ 展覽設有6大喵區畀各位觀眾欣賞畫作，貓奴仲可以帶埋主子一齊嚟打 第一站：大碗島的貓咪午睡 位置：北角匯2期1樓(6ixty 8ight旁) 立體大型裝置《大碗島的貓咪午睡》特設多組立體貓喵打卡位 你可以「行」入去畫中同貓貓一齊影相，勁得意！ 第二站：貓藝空間 位置：北角匯2期1樓 (麵屋武藏虎洞旁) 各位貓奴可以欣賞到由文藝復興至20世紀唔同時期嘅經典之作，亦可以化身喵畫一份子齊齊打卡！ 當中點少得全球首展、長達8米嘅《貓星夜》，浪漫星空配埋幻彩燈效，好靚啊！ 第三站：貓．嚐咖啡館 位置：北角匯1期1樓 喺「貓．嚐咖啡館」可以欣賞藤田喵治到創作嘅《咖啡館的貓》 大家記得扮靚靚去同最美貓咪合照留念！ 呢一站仲有喵作《貓納斯的誕生》，呢幅人氣名畫亦係必影之選 第四站：貓視覺長廊 位置：北角匯1期1樓 《貓視覺長廊》展出咗好多貓作，大家可以認識到唔同時代嘅喵星球藝術史！ 第五站：喵作世界之窗 位置：北角匯1期地下 想一次過睇哂5幅喵星球史上最著名同經典名作嘅話，你就要去「喵作世界之窗」欣賞一下啦 第六站：喵大街 位置：北角匯3期對出 (渣華道沿途) 3幅近4米高嘅貓作， 包括 《貓嗚》、《貓娜麗莎》同埋《戴珍珠耳環的少女貓》喺渣華道沿途展示 仲有假嘅貓貓係度欣賞名畫，超級得意！ 除咗欣賞作品，大家仲可以玩埋「躲喵喵有獎遊戲」， 只要搵到收藏喺場內4個唔同角落嘅QR 喵Code，再掃一掃就可以獲得「躲喵喵」電子印章一枚， 集齊4枚印章即可免費獲贈獨家限定「貓‧美術館」香港站明信片一套 (3張) 數量有限，記得唔好錯過啦！ 躲喵喵有獎遊戲 遊戲日期︰2020年11月11日起至換完即止 換領時間︰1 – 10pm (或至換完即止) 換領地點︰北角匯1期地下顧客服務中心 除咗名信片，北角匯仲為一眾貓奴特別準備咗一系列「貓．美術館」限量精品 當中嘅旅行系列更係香港站獨家！只要成為The Point by SHKP會員憑指定積分即可換領，記得留意啦！ […]
大部分寵主去旅行時都會將毛孩暫託喺寵物酒店入面，希望有專人可以照顧毛孩嘅起居飲食！ 雖然近年因為疫情問題都無得去旅行，但唔少寵主都會帶毛孩去寵物酒店Staycation 好似呢間由江若琳Elanne同朋友合伙開設嘅「貓季酒店」咁， 提供咗一站式貓貓住宿、美容服務，畀貓貓嚟渡假同做SPA！ Elanne從小就鍾意動物，三年前同老公開始養英國短毛貓「糯米糍」， 開始咗佢嘅貓奴人生，仲成立咗為貓貓而設嘅「貓季酒店」 「貓季酒店」希望提供一個舒適嘅地方，令貓貓覺得有第二個家嘅感覺 入住嘅貓貓會有專人服待，陪佢哋玩同梳毛！Elanne表示好多嚟過嘅貓貓都玩到唔捨得走 「貓季酒店」最近開咗觀塘新店，每間房都有24小時鏡頭，主人可以隨時隨地知道貓貓嘅狀況 新店共有6種房型，比舊店多2種， 分別有標準房 ( $280 )、豪華房 ($380 )、別墅房 ($480 ) 、城堡房 ( $580 ) 而新增嘅山景別墅房 ($520 ) 可以望到獅子山景色， 而城景別墅房 ($550 ) 就設有大玻璃窗，可以畀貓貓望住城市景色哂大陽 Elanne仲話同貓貓都發生咗好多難忘嘅事 佢話最記得有一隻約15歲嘅貓貓曾經喺酒店住咗半年， 貓貓一直都有膀胱結石問題，有一次Elanne收工之後透過24小時鏡頭發現貓貓有唔舒服嘅症狀 Elanne即時通知酒店同事，問有無人同佢一齊去接貓貓睇醫生 雖然果陣已經係晚上11點，但全酒店所有同事二話不說返咗酒店接貓貓去睇醫生 全部同事一齊幫貓貓集氣，最後貓貓都平安無事！ Elanne認為營運貓酒店，同事對動物嘅愛心係好重要，亦都非常難得 各位貓奴，如果你都想搵間舒服又信得過嘅貓酒店畀主子渡下假，不妨試下嚟「貓季酒店」 貓季酒店 地址︰觀塘偉業街93號93WYS 23樓
每個人心裡面總會埋藏著一啲小秘密～ 憑直覺揀一隻覺得最似自己或你最鐘意嘅貓咪，測出你內心有咩不為人知嘅小秘密喇！ 1. 日本短尾貓 你內心係一位自由主義者，鐘意用聰明、快捷嘅方法做事～ 好多事情都希望做到最好，唔會特別設限自己。 同時你希望有人瞭解自己內心，有時候覺得委屈都唔會表現出嚟。 你珍惜身邊嘅朋友，願意為朋友犧牲奉獻，係一個情感豐富嘅人。 當你覺得孤獨或憂鬱嘅時候，建議可以好好釋放內心嘅悲傷！ 2. 安哥拉貓 你內心係理性冷靜嘅人，遇到困難嘅時候， 你擅長用理性思維分析每種可能嘅情況，喺失誤中汲取經驗，喺困境中成長！ 你好有主見，冷靜隨和，朋友同家人都樂意聽取你嘅意見同睇法。 3. 蘇格蘭摺耳貓 你其實係一個非常有主見嘅人，享受掌控一切嘅感覺！ 對於唔太熟悉嘅人大多會保持距離，混熟之後先可以敞開心扉～ 平日不拘小節，一旦遇到自己在意或覺得重要嘅事，就絕對唔會妥協，顯得比較固執。 你討厭隨波逐流，對事物有自己獨特嘅睇法以及見解。 雖然有時候比較情緒化，但你內心其實充滿溫暖，帶著清晰眼光看待世界。 4. 波斯貓 你習慣隱藏真實嘅自己，除非係好親近嘅人，否則比較難注意到你嘅優點！ 你好識得為他人著想，面對意見不合嘅時候，你會試圖改變自己去迎合對方～ 同你溝通之後，就會發現你好容易相處，內心嘅你其實好敏感，亦好怕傷害到別人， 面對感情有時候會缺乏安全感，而且心思細膩～ 係時候好好展現一下自己，真實嘅你其實好有吸引力！
夏天又熱又容易落雨，放假緊係要搵啲有冷氣又舒服嘅室內地方去Chill吓啦！ 呢間位於荃灣嘅貓貓CAFE「貓之茶房」一共住咗31隻貓貓，每隻都超級可愛～ 茶房以木系色調為主，加上透明玻璃窗，採光度十足，俾人一種小清新感覺，環境好舒適！ 一入鋪頭已經有兩隻喵星人等緊你啦～ 貓貓會喺茶房自由走動，客人可以坐喺榻榻米上一嘗被主子寵幸嘅感覺 店內有提供幾款低脂貓零食俾客人購買，呢份雞柳乾係貓貓嘅至愛 只要你有零食喺手，絕對可以同主子嚟個親密接觸，諗起都覺得幸福！ 茶房嘅老闆同店主每日都會幫貓貓梳毛同按摩，保證佢哋乾乾淨淨，住得舒舒服服 客人亦可以借茶房嘅貓玩具同主子玩，好治癒 除咗同貓貓玩，呢度都有提供俾客人玩嘅遊戲，絕對係一個放鬆嘅好地方 茶房嘅貓貓大部分都鍾意同人玩 好搞笑嘅樣～ 店鋪好支持關愛流浪貓，呢度共有17隻貓貓曾經係流浪貓，最後俾茶房收養咗 客人每光臨1次，佢咃就會捐出一份貓糧俾流浪貓﹔而客人每捐1蚊，茶房亦會多捐1蚊，非常有意義 身為貓奴嘅你下次記得去探吓各位喵星人啦～ 貓之茶房 地址︰荃灣大河道45號樹勳樓1樓 營業時間︰ 星期一至五︰13:30 – 23:00 星期六日及公眾假期︰11:30 – 23:00 預約電話︰2149 6261 收費︰每位首小時$65( 包一杯飲品 ) 之後每小時$38 每2位十一歲以下小朋友必須最少1位家長陪同
