Open Tour
以貓咪元素嘅袋非常常見，不少袋上會有貓貓嘅印花圖案，超可愛！日本網友@picopoco08手工縫製嘅呢款袋，就成個整成貓咪嘅樣！一眼望落去仲以為係一隻真正嘅貓！逼真程度超乎想像。柔順嘅皮髮、粉嫩肉球、大大嘅眼睛還有鬍鬚！實在太似了！ @picopoco08係一位手作達人，經常製作各式各樣嘅貓咪商品。呢款「貓咪背囊」就係佢嘅最新作品。 貓咪嘅四肢能夠靈活擺動，可以將佢擺成各種各樣嘅造型，就算唔係揹出門，都可以當成療癒嘅小擺設，拍出超可愛嘅相片。 將拉鍊收藏喺柔順嘅皮毛下面，一啲都唔覺得突兀。袋嘅容量非常大，將手機、錢包等日常用品都能塞入貓咪嘅肚肚！裝上各種各樣嘅物件之後，貓咪嘅肚子漲鼓鼓，就好似剛剛吃飽飯一樣，睇起嚟超可愛。 呢款貓咪背囊使用咗78種零件縫製，還原度超級高。將佢揹出門，或者抱住當公仔，都得！如果想養貓，又冇時間照顧，有咗呢款袋，就好似有隻寵物一樣，真係太完美啦！
日本玩具品牌「Megahouse」貓化動漫角色嘅企劃「MEGA CAT PROJECT」，將知名動漫角色全部變成了圓碌碌超可愛嘅貓貓公仔！《美少女戰士》繼《火影忍者》同《海賊王》後第三個被貓化嘅作品！貓奴定係動漫迷都值得收藏喔！ 2021年9月「MEGA CAT PROJECT」首度推出《美少女戰士》嘅貓咪公仔。當時共推出了9款：水手月亮、水手水星、水手火星、水手木星、水手金星、燕尾服蒙面俠、露娜同亞提密斯以及反派角色貝利爾女王。 Megahouse緊接住宣布將喺2022年7月下旬推出第二彈嘅美戰喵公仔。比第一彈少咗幾個角色，僅推出水手月亮、水手水星、水手火星、水手木星同水手金星共5款。但喺尺寸上放大成全長約100㎜嘅大小。 有貓就LIKE～有貓就買！唔知下一套貓化作品係邊套呢！ MEGA CAT PROJECT Sailor Moon Senya Moon Oshioki Meow 價格：1,925 日元（含稅） 產品尺寸：高度約 100 毫米 發售日：2022 年 7 月下旬 訂單預約開始日期：2021年11月5日星期五13:00起 資料來源 : kiddyland.co.jp
放完假要爬起身返工返學， 總會令人有星期一憂鬱症候群， 而美國一隻貓咪就完美演譯一副星期一嘅厭世樣XD~ [instagram photo=”CH70UfaJSez”][/instagram] 愁眉苦臉、眼神空洞，仲唔係你要去返工嘅頹樣？ [instagram photo=”CHLCnEDpzw8″][/instagram] [instagram photo=”CBLN7u5pAo6″][/instagram] 呢隻來自美國加州嘅貓貓叫Marley，因為天生咬合不正， 所以嘴型長期往下垂，個樣望落厭世到爆XD [instagram photo=”CGh2G3sJ7MI”][/instagram] [instagram photo=”CGdj-SpJ8u1″][/instagram] 不過雖然喵星人Marley天生臭臉， 但主人就話同外表唔一樣，其實Marley性格溫馴，非常親切友善！ [instagram photo=”CBjBib2prgr”][/instagram] 「雖然我樣子厭世，但我內心溫暖熱情！」 [instagram photo=”CDtedgGpZBX”][/instagram] Marley嘅厭世樣非常逗趣，充份表現住打工仔嘅心聲， 都因此吸納咗唔少粉絲XD！
最近疫情肆虐，興起唔少網上hashtag challenge， 日本網民最近就喺Twitter發起影失敗照challenge， 喺貼文上加上hashtag #全日本失敗写真協会 投稿， 人人都上傳咗唔少爆笑相片，引來極大迴響， 而一眾寵物失敗照尤其矚目！ (圖：Twitter @wakaponsan) 呢張應該唔叫失敗啦，反而係超成功嘅例子XD！ 成功捕捉主子飛天一刻！ (圖：Twitter @3gn9nRxgjF3yNT7) 貓咪起身見番呢張相，應該激到七孔噴血， ：「主人，你畀我安心瞓覺得唔得！」 (圖：Twitter @SayutoF) ：「最近有啲老花睇唔到嘢，我幫自己配咗副新泳鏡~」 (圖：Twitter @marutaro2000) ：「主人，幫我影得靚仔啲」 ：（咔嚓） ：「……」 (圖：Twitter @curonecosp) 呢個仲唔係我每個星期一準備去返工個樣？ (圖：Twitter @kuma_ymf) 大家好，呢隻係我屋企新養嘅馬~ (圖：Twitter @unagiiii614) ：「你畀我繼續瞓啦…」 (圖：Twitter @sorachmofumofu) 地獄雙頭犬？ (圖：Twitter @chikuwasan1228) 興奮到模糊！！！ 喺Twitter到睇到呢啲失敗照，心情都會特別好咗XD！ 毛孩們醜怪得嚟都好可愛好萌~
主子們成日擺出唔同樣貌， 通常都係可愛居多， 最近日本一隻貓咪就反行其道，以其超厭世樣子喺網上爆紅XD！ 來自日本嘅Monta天生有著一副臭臉， 凌厲嘅眼神好似無時無刻都鄙視緊你咁XD ：「你哋班愚蠢嘅人類，唔好阻住本喵瞓覺！」 其實歲半嘅Monta因為有著永遠半垂嘅眼皮， 先顯得佢個樣成日都咁不爽、惡爆， 但都因為咁，吸納咗一班網上粉絲！ 主人一於就經常透過Twitter上傳Monta嘅厭世之相XD Monta表示：「主人你影夠未，可以放我落嚟未~」 不過你都唔好睇佢個樣咁惡死， 主人話其實Monta平時係一隻好溫和嘅貓咪， 見到池塘邊、水中嘅魚都一動不動，唔會攻擊~ 其實係一隻乖巧、沉穩嘅貓咪！ なにこの生き物#もんたの日常 #猫好きさんと繋がりたい #猫をTLに流しちゃおう pic.twitter.com/ABAgX63EVv — もんたの日常 (@montanonichijo) November 20, 2020 經常被主人攞嚟玩嘅Monta都唔反抗，也是心累了XD かかりつけの動物病院の先生に、｢もんたみたいな猫見たの20年やってて初めて｣と言われた。#もんたの日常 #猫好きさんと繋がりたい #猫をTLに流しちゃおう pic.twitter.com/9bkrj72Q3g — もんたの日常 (@montanonichijo) November 16, 2020 Monta嘅一舉一動超可愛又緩慢，舉止同樣貌好唔同，有住一股反差萌XD！ 來源：Twitter @montanonichijo
日本攝影師Ryosuke Miyoshi經常會喺IG post一啲貓咪日常～ 其中有幾張落完雨之後，貓咪望住地下雨水產生嘅倒影好奇嘅相更加大受歡迎～ 睇嚟大家都覺得貓咪版嘅天空之鏡好可愛喎！ [instagram photo=”CDldepmpSHk”][/instagram] 好清晰嘅天空之鏡～ [instagram photo=”CCqJvVQpZBc”][/instagram] 喵～張相好似有聲咁～ [instagram photo=”CCUZq4YJwdS”][/instagram] 佢哋見唔見到底下嘅自己呢～ [instagram photo=”CCMqAsGJvwW”][/instagram] 好多貓咪啊～有隻仲飲緊雨水～ [instagram photo=”CA49BNAp8nZ”][/instagram] 做咩玩水啦～ 貓咪版天空之鏡 網址: ryostory1124
買寵物用品除咗要睇產品嘅實用性，外觀都好重要！ 台灣NUKE Design就留意到呢一點，推出富士山造型嘅防蟻兩用碗、以及陶瓷電動飲水器，既實用又可愛！ 1. 富士山防蟻兩用碗 富士山造型寵物碗由陶瓷製成，飲水進食兩用！ 食物碗同水盤可以獨立使用～陶瓷材質唔容易卡垢，方便清潔！ 寵物碗最可愛的地方，就是水盤位置有一個迷你鳥居，勁可愛吖！ 2. 富士山電動飲水器 療癒嘅富士山造型飲水器，運用咗貓咪鐘意飲流動水嘅天性， 令水不斷內循環，吸引主子飲水！ 飲水器同樣以陶瓷製成，光滑表面唔易藏污納垢，方便清潔！ 貓奴仲可以額外買一個小太陽球，放喺富士山上面畀貓咪玩～ 富士山造型寵物用品 網址：NUKE Design
