全港獨家水晶雙層巴士，用創新方法、舒適空間和特色美食帶你遊香港。 港人限定優惠，持香港身份證人士， 訂位時輸入『OpenHolidays』優惠碼，即享75折優惠! 特價：$285/一位 (原價：$380) 訂位及包車詳情：www.crystalbus.com.hk ==================== 暑假有咩好玩呢？ 不如去西九踩單車、坐吓草地，再去柯士甸渡船街一帶掃街，食越南式法包、舊式糖水! 小編：Jaime (FB: Jaime Ho / IG:@jaimehomusic） ==================== 悠遊西九踩單車 九龍區相比新界區少好多地方可以踩單車。 如果想踩單車，西九都係個選擇。西九文化區設有單車徑，仲有埋自助租單車系統Smartbike。 不過注意Smartbike單車只可在西九海濱長廊內活動。 第一次租嘅話，先到租借中心填表買卡 ($50: $10手續費 + $40儲值額) 然後嘟卡借車就得㗎喇! 單車租借每小時 $20 單車上有籃，可以放袋及隨身物品。 右邊有單車徑，沿住海旁踩入公園內 可以望住海同一大片草地踩單車，好靚呀~ 踩到想休息吓又可以喺草地上影相~~ SmartBike開放日期及時間 星期一休息（公眾假期除外） 星期二至五：下午 2 時至晚上 7 時 星期六、日及公眾假期：上午 10 時至晚上 7 時 *最後租車時間為下午6時 西九文化區苗圃公園 地址：西九文化區（港鐵九龍站） =============== 越式法國三文治 柯士甸渡船街一帶有好多食店，呢間己經有 30 年歷史嘅越南麵包非常有名。 小編就叫咗個小法包($37)，其實一啲都唔細，好似小編兩隻手咁長!! 兩個人share食啱哂~ 即叫即整，老闆會將法式嚼肉、越南扎肉、五香腩肉、鹹豬手肉放入法包，再噴上水分，就放入焗爐，等大概五分鐘就有啦。 未食過越南麵包嘅小編就覺得肉料嘅味道好特別，配以紅蘿蔔，鹹得嚟又不失清新。而且麵包真係烘得好脆！ 添記法式三文治 地址：佐敦渡船角文苑街30號文耀樓地下A號舖 […]
