聖誕節想去旅行，但係得兩三日假期？ 咁近近地過澳門玩啦！香港出發船程都係一個鐘頭左右，超方便！ 早前2018澳門銀河娛樂國際馬拉松比賽就已經完滿舉行， 其中比賽賽道途經澳門同氹仔兩區多個特色澳門景點！ 仲吸引咗嚟自50個國家地區、多達12,000位馬拉松愛好者參加添！ 當日仲有唔少參賽者著起卡通服裝，超可愛啊～ 唔單止吸引一班途人爭相影相，仲令賽事生色不少添！ 就算你錯過咗咁精彩嘅賽事都唔緊要～ 小編早前去咗2018澳門銀河娛樂國際馬拉松比賽，跟住跑道去咗好多好正嘅好去處～ 就等小編大家分享最新嘅遊澳路線，帶你地沿著賽道「食、影、玩」！ 「食影玩」賽道第一站：地道「澳門百老匯」火鍋美食街 澳門美食點止豬扒包？ 嚟美食街啦！有超過40款澳門同亞洲地道特色美食！ 包括澳門人首推煲仔菜飯店嘅「李家菜」、澳門傳統糖水老店「杏香園」、經典古早味白鴿巢蛋球仔老字號「澤賢記」…… 由朝到晚食盡澳門特色名菜，超滿足啊！ 「食影玩」賽道第二站：11.5米高聖誕樹打卡位 聖誕節又到喇～又點少得打卡影相！ 想感受一吓澳門聖誕濃厚氣氛？ 咁就要嚟參觀澳門難得一見嘅聖誕裝置——全城最高嘅11.5米巨型聖誕樹！ 巨型聖誕樹位於「澳門銀河」東翼廣場， 聖誕樹前面仲有幾個可愛紅帽小精靈裝置添！ 好壯觀！打卡一流！ 「食影玩」賽道第三站：藝文青必去「南灣．雅文湖畔」 位於南灣湖嘅「南灣．雅文湖畔」， 係一個結合水上遊戲、特色餐飲同埋文創元素嘅文化旅遊景點～ 裡面仲有唔少澳門本地文創品牌商店添！ 其中一間係匯聚超過30個本地文創品牌嘅「M軸空間」～ 呢度有超過600款澳門文創商品：少女風手作皮革風車耳環、型格鏡面陶瓷茶杯… 鋪頭裡面仲有懸吊半空嘅白雲裝置，超有創意！ 另一間同樣好有特色嘅「澳門文創地圖主題店」， 亦展銷接近50個入錄《澳門文創地圖》嘅精選文創產品！ 定期仲會舉辦手作工作坊，例如製作香薰蠟片、手紮乾花等，閨蜜遊必去！ 除咗經典景點打卡位如觀音像、媽閣廟之外，比賽中仲環繞著多個新潮景點！ 如果錯過咗想重溫賽事，又或者想體驗不一樣嘅澳門？ 咁就快啲約埋情人/閨蜜好友去澳門，嚟一場「食影玩」馬拉松啦！ =============== 放假去邊 更多好介紹: 快啲like我哋Facebook 同follow我哋Instagram啦!
