又到咗花海季節喇~ 仲未通關飛日本影花海，不如入錦田鄉村俱樂部，影番一輯花海靚相喇~ 都建議番大家去影相嘅時候這番淺色衣物會比較好，咁樣影相會比較上鏡！ 大家一定要花期時間去啊~咁靚嘅話預計一個星期左右都凋謝喇~記住把握時間。 錦田鄉村俱樂部 （波斯菊花海）- 免費入場 地址：新界元朗錦田水尾村 230號 交通：鐵錦上路站C出口，或元朗市交通廣場斜對面，轉乘綠色小巴601號（特別線），直達錦田鄉村俱樂部門口。 圖片來源：@daydaycheckin
錦田新開咖啡店，室內有個超有度假feel 嘅打卡位，類似於摩洛哥洞穴咁嘅室外打卡位，室外位置由一幅高墻圍住，可以喺度Chill 下打卡影相，都唔怕比人打擾或者望住，不過餐廳只係開放星期六日及公眾假期，平日就唔好過嚟喇，費事摸門釘~ 餐廳提供多款輕食，包括Pizza、酸種麵包、沙律、咖啡同埋甜品，仲有朱古力Brownie都係呢度必試嘅甜品。 呢度仲係pet friendly，店主都鼓勵大家可以帶寵物嚟一齊打卡。 呢度俾小編嘅感覺仲有小小似旅遊景點啲遺址咁~ 不過假日大家嚟到附近要注意個停車場真係水洩不通，大家一定要俾啲耐性做好心理準備喇！ La Cafeteria 地址：390-400, Red Brick House, Kam Sheung Road, Kam Tin Hong Kong 營業時間：星期六、日及公眾假期 10:30-19:00（暫不接受預訂,只可Walk in） 圖片來源：IG@joman316、@manman.hygge、@daydaycheckin
想喺假日遠離煩囂？ 不如去吓錦田呢個「山系風鈴祭」！ 今次展覽以「山嶺」缺做主題，係 藝術家「山有文西」嘅個人作品展 展覽會同大家展現群山獨特嘅一面，可以做一日文青之餘亦同時認識到大自然 好有意義！ 展覽上嘅透明風鈴上繪畫咗香港山嶺嘅獨特外型，配上織繩、卡紙製成祈願風鈴， 人類可以將對山嘅寄望同心願繫於鈴上，向群山誠心許願，為新一年祈福 同時亦可以欣賞到寫生畫，畫中描繪出香港山嶺嘅豐富面貌，好靚 展覽中部分風鈴、繩索同卡紙為循環再造嘅二手物， 同時提醒大家可以用舊物重用以保育環境，一齊愛護地球 今次展覽仲設有唔同嘅展覽導賞同工作坊，當中包括風鈴製作、花茶品嘗、再生紙製作同錦田近郊輕騎行等等 節目內容咁豐富，一定唔可以錯過啦 展覽詳情 日期：18/12/2020 – 17/1/2021 時間 ：星期一至日 12:00-19:00 地點：迴響 Homecoming – 錦田小區空間 錦田公路 4A (錦上路 B 出口步行約 6 分鐘) 主辦 ：山有文西
