Open Tour
聖誕親子齊動手，有機會贏取 << 四人來回東京機票總值 $16,000 >>！ GP37 主辦 <變形機械人反轉聖誕節>，是次大型體驗活動以環保為主題。 運用小孩和家長無限創意及環保概念，製作數百個變形機械人，在普天同慶嘅聖誕節下親子共融，以及加上嘉賓表演和嘉年華會，希望各位會員和家人能享受最優質嘅親子時光！ 比賽獎品內容： 1) 四人來回東京機票總值$16,000 (1名) 2) Ipad一部價值（共10名） 活動詳情： https://www.eventbrite.hk/e/gp37-tickets-84555083531 【變形機械人反轉聖誕節】 日期： 2019年12月25日 (星期三) 時間： 11:00 – 17:00 地點： 香港科學園金蛋廣場 門票： 大人及小朋友票價為 $100 / 1位 ~ 票價已包括：聖誕帽、入場手帶、現場5個免費攤位遊戲及活動當日領取福袋 ~ 凡購買入場券嘅小朋友更可免費參加設計機械人比賽 (名額200位，款式隨機派發) ~ 三歲或以下小童免費進場 資料來源：GP37 變形機械人反轉聖誕節
膠圈、大木樁甚至膠紙都可以用嚟表演？ 大館2019年壓軸節目「玩轉大館馬戲季」，將於12月24日至1月5日廣邀世界雜技及音樂好手來港獻技！ 4大節目《釘孤枝熱血大亂鬥》、《圈圈搖滾》、《炫光電音碰碰碰》、《馬戲遊樂場》及多個互動工作坊免費參加。 誠意推介當中嘅《馬戲遊樂場》，承接上年反轉大館馬戲季「玩轉 PLAYGROUND」嘅搞笑歡樂，今年繼續為觀眾帶來刺激兼好玩嘅戶外雜技。 4個表演團體分別帶住4件唔同嘅表演工具：七彩木條、膠紙、高空單輪車及大木樁，邀請觀眾同佢哋合力完成演出。 1.《五彩木條砌起佢》 意大利嘅Stalker Teatro 邀請你以木條合力創作七彩繽紛嘅大型隧道，將大館變成大家嘅聖誕遊樂場。 2.《膠紙人惡搞大館》 西班牙嘅Emiliano，則以薄薄嘅膠紙創作出令人意想不到嘅場景，配合即興喜劇表演，帶領觀眾穿越奇幻世界。 3.《單輪電鋸狂》 仲有加拿大俊男Michael Bonnici，喺10呎高嘅電鋸單輪車上玩命演出，驚心之餘定必令你笑得開懷。 4.《一碌木超人》 同樣嚟自西班牙嘅藝術家Joan Catala，將會邀請幾位擁有強健體魄嘅觀眾，同佢一齊沉着應「木」，演繹一系列嘆為觀止、反地心吸力嘅高難度動作。 即刻上網登記，一家大細喺今個聖誕一齊嚟玩轉大館喇！ 【玩轉大館馬戲季】《馬戲遊樂場》 日期： 2019年12月24日 – 2020年1月1日 時間： 請按此看節目時間表 地點： 中環大館 檢閱廣場及監獄操場 地址： 香港中環荷李活道10號 費用： 免費 資料來源：大館 Tai Kwun
「水知園」H2OPE Centre 正式開幕啦！ 位於天水圍水務署大樓嘅水資源教育中心 –「水知園」H2OPE Centre，由2019年12月14日起歡迎公眾喺開放時段內入場參觀。 12個展區都咁有趣，快快行動去即時體驗，一齊玩水喇！ 真係好玩到唔捨得走㗎，依家帶大家去睇吓有咩玩先！！ 《1/F》 【展區 1】 水 + 歷史 透過互動展品及短片，認識香港制水時期嘅困境及水務設施嘅發展等。 【展區 2】 水 + 來源 設置一系列互動展品及遊戲，包括模擬喺水塘釣魚、擔任水務督察等。 介紹香港所有集水區和水塘，從遊戲中學習。 【展區 3】 水 + 影院 「水知園」內值得推介嘅立體球幕影院，利用立體影像將有關水資源嘅資訊，充滿動感地呈現喺觀眾眼前。 【展區 4】 水 + 回收 兩個運作中嘅中水重用及雨水回收系統。 透過玻璃窗配合投射動畫，了解點樣將中水及雨水再重用。 【展區 5】 水 + 演示 呢個演示區會不定時提供唔同內容，例如實驗示範，小型嘅慳水比賽等。 另設置數列以退役水錶裝成嘅櫈，增添環保意義。 【展區 6】 水 + 品質 透過一系列互動展品，知道濾水過程同香港嘅食水標準。 【展區 7】 水 + 循環 絕對令小朋友玩到唔願走嘅遊戲區，邊玩水邊體驗水嘅循環過程。 《2/F》 […]
變變變，變出「萬變玩樂園」！ 由中西區民政事務處主辦，智樂擔任專業伙伴嘅全新遊戲活動——「萬變玩樂園」，鐵定於12月14日隆重登場！ 顧名思義，喺呢個集戶外、海濱、草地、磚地於一身嘅多變公共空間中，將雲集可變多變常變嘅各種物資，讓愛玩嘅小朋友創出變化無限嘅好玩遊戲。 活動內容： ▲ 粉筆 ▲ 汽水箱 ▲ 波波 ▲ 黑磚 ▲ 玩紙皮 ▲ 樹皮 活動完全免費，歡迎即場參加，即變即玩！ 【萬變玩樂園】詳情： 日期： 2019年12月14日(六)、20日(五)、29日(日) 時間： 下午2時30分至5時30分 地點： 豐物道海濱休憩用地 (西營盤站B3出口) 對象： 3至12歲小朋友及其家長 費用： 免費開放，毋須報名，歡迎即場參加 ※ 溫馨提示： 1. 活動場地位處海濱，經常海風輕拂，請預備適當衣物。 2. 活動有機會人潮擠擁，請參加者配合工作人員的運作安排。 3. 活動電話專線：6396 7351（僅限於活動舉行當日下午1時至5時30分開放使用，亦不設Whatsapp 通訊） 資料來源：Playright Children’s Play Association
有無諗過日常食咗嘅美食到底去咗邊？經常「咕嚕咕嚕」嘅聲音又係點解？ 呢個冬日，全港首個消化系統體驗展「人體消化大冒險」驚喜登場，今次本地設計團隊以「好玩」及「奇幻」2 大元素作展覽嘅創作要點！ 一眾大人小朋友將化身唔同食物勇闖3米高巨型嘴巴，從口腔開始進入消化系統甚至變成便便。 場內將劃分7大主題區，按人體消化系統嘅程序區分，透過玩樂遊戲、簡單任務、視覺及觸覺特效等，讓大家親身體驗不一樣嘅人體大冒險，成為消化冒險王！ 1) 變身食物 SHOW 2) 口腔站 3) 胃站 4) 小腸站 5) 大腸站 6) 消化終點站 7) 便便樂園 同場更特設大量色彩繽紛嘅打卡位，星級推介包括3米高巨型嘴巴、2米高便便攀石牆、2米高屁股滑梯及巨型馬桶等，絕對係冬季親子及閨密玩樂活動首選！ 【人體消化大冒險】 日期：2019年12月18日至2020年2月29日 時間：星期一至五 13:30至19:30，星期六日及公眾假期 10:30至20:30 地點：九龍灣宏照道38號Mega Box L13 由即日起到12月17日嚟 http://bit.ly/34VMaFc 買飛即享低至$50嘅早鳥優惠，保證最低價！ 早鳥優惠票價： 12歲以上人士：港幣50元 3至12歲小童*：港幣80元 * 3歲以下小童免費 資料來源：人體消化大冒險體驗展
小朋友，12月15日，一齊化身正義嘅小英雄！ Robocar Poli 入面英勇嘅救援隊即將由布鲁姆斯小鎮嚟到香港科學園，同各位小朋友預祝聖誕！ Poli、Roy、Amber同Helly嘅fans，唔好錯過喇！ 「救援小英雄珀利聖誕大冒險」將設置300米賽道，途中有8個障礙關卡，考驗小朋友嘅勇氣和智謀，以及和家長們嘅團隊精神！ 除咗可以拎到限定紀念品，仲有其他機會拎獎品㗎！ 另外跟專業體適能教練Hetiz姐姐玩「救援小英雄親子訓練學堂」，可以得到救援小英雄紀念卡一套。 而去嘉年華區嘅「救援小英雄珀利挑戰區」，仲有多個活動俾小朋友參與。 每挑戰完一個遊戲，就可以獲得一個精美文件夾！ 仲有仲有~~記得玩埋「救援小英雄珀利聖誕DIY手作坊」，免費㗎！ 依家一次過報晒親子障礙賽同訓練學堂，仲有優惠添！ 把握最後機會，立即報名啦！ 【救援小英雄珀利聖誕大冒險】 日期： 2019年12月15日 (星期日) 時間： 10:30-15:00 (設即場報名) 地點： 科學園高錕會議中心廣場(金蛋) 報名： https://robocarpoli.sportsoho.com/ 資料來源：救援小英雄珀利聖誕大冒險 Facebook
鹽田梓藝術節2019 喺西貢小島鹽田梓舉行，屬為期三年嘅先導計劃，邀請本地藝術家、年輕人與村民共同創作，塑造鹽田梓成為一所開放式博物館。 藝術節今年以「天」為主題，展期為一個月由11月30日至12月29日，部分藝術品展後會成為常設展品。 該島有近300年歷史，島上融合天主教和客家文化。呢啲藝術節展品以當地文化和鹽為主題，將帶給遊客嶄新嘅旅遊體驗。 遊客乘船甫抵鹽田梓，會聽到一種獨特嘅聲音，有如教堂嘅鐘聲，充滿中西文化糅合嘅小島風情。 呢種聲音其實來自一件名為《歸家》嘅藝術品，為藝術節展品之一。 另一件狀似海浪、行雲嘅樹木擺設，由藝術家黃卓健利用颱風「山竹」吹襲期間，島上倒塌嘅三株大樹製作而成，名為《流波‧行雲》。 作品既善用廢木資源，也藉此反映昔日村民從事農務、漁業嘅生活，讓遊客了解島上豐富嘅文化和風土人情。 黃卓健指，遊客可坐在作品上歇歇腳，一邊欣賞日落，一邊等候街渡，把美好嘅印象帶回家。 洗滌心靈 深度體驗 鹽田梓作為產鹽之地，《鹽光之所》係其中最具看頭嘅作品。 佢係一所以鹽作為創作媒介嘅實驗室，內裏展出鹽結晶嘅形態，以及一系列關於人與鹽以至與自然關係嘅作品。 創作《鹽光之所》嘅藝術家何文聰表示，希望利用天然資源、天然製作方法加上創意進行創作，令世界少一點污染，多一點環保。 藝術節策展人吳文正認為，藝術節最獨特之處喺島上舉行，呢度交織着中西兩種不同文化，仲有正在復耕嘅鹽田。 佢希望遊客嚟到呢個世外桃源，能獲得心靈上和深度嘅旅遊體驗。 誠邀大家踏上「藝遊天地人，親近大自然」嘅旅程，感受鹽田梓嘅藝術氣息，體驗呢度嘅獨特歷史文化，欣賞令人讚嘆嘅自然風光！ 【鹽田梓藝術節】 日期： 即日起至12月29日 地點： 西貢鹽田梓村 交通： (請按此查看) 資料及圖片來源： 鹽田梓藝術節
每年年尾都會有唔少候鳥嚟香港過冬，所以香港濕地公園今年再次喺11月至出年4月舉辦「觀鳥節 2019/20」。 「雀鳥好爸媽」專題展覽 今屆觀鳥節嘅主題係「雀鳥好爸媽」，快啲嚟了解雀鳥嘅育兒招數同雀BB嘅冷知識啦！ 配合觀鳥節，公園舉辦觀鳥導賞團、鳥類專題解說、雀鳥攝影工作坊、「手繪鳥一家」俄羅斯套娃娃工作坊、公眾講座和兒童閱讀會，令訪客加深對雀鳥的認識。 全球獨有「濕地動物LEGO展」 除咗候鳥陸續抵達濕地公園，以樂高®積木砌成嘅濕地動物好友都已經嚟咗湊熱鬧喇！ 呢5個全球獨有嘅模型由濕地公園和樂高專業認證大師洪子健合力創作。 ▲ 翠鳥 ▲ 虎斑蝶 ▲ 明星小灣鱷「貝貝」 ▲ 招潮蟹 ▲ 澤蛙 佢哋匿埋咗喺公園嘅唔同角落，大家快啲入嚟搵下佢哋啦！ 仲有唔好錯過喺入口廣場嘅牆身藝術啊！ 【濕地公園觀鳥節】 日期： 2019年11月20日至2020年4月20日 時間： 早上10時至下午5時 (星期二休息，公眾假期除外) 地點： 香港濕地公園 地址： 天水圍濕地公園路 詳情： http://bit.ly/2XQHzS4 資料及圖片來源： 漁農自然護理署、香港濕地公園
嘉道理農場暨植物園舉辦嘅「森林故事探索」係一個半天親子體驗活動，透過故事分享，喚醒及啟發幼兒與生俱來與自然世界嘅連繫。 幼童將參與一連串感官遊戲，跟隨故事裡嘅角色探索森林深處。 家長和孩子均有機會嘗試結合個人嘅獨特經歷和體驗，共同創作屬於每個家庭嘅森林故事。 活動內容 ＊透過互動故事分享，認識自然世界 ＊從感官探索過程中與大自然連繫 ＊融入森林之中，發掘大自然的奧妙 ＊齊來說故事，以藝術創作屬於你和孩子的森林故事 【森林故事探索】(12月23日及1月4日) 地點： 嘉道理農場暨植物園 地址： 新界大埔林錦公路 活動日期： 2019年12月23日 (一) 報名日期： 2019年11月28日(四)至12月19日(四) 活動時間： 13:30 – 16:30 網上報名： https://www.kfbg.org/chi/events/play_in_the_woods-23dec.aspx 活動日期： 2020年1月4日 (六) 報名日期： 2019年11月28日(四)至12月30日(一) 活動時間： 09:30 – 12:30 網上報名： https://www.kfbg.org/chi/events/play_in_the_woods-4jan.aspx 資料來源：嘉道理農場暨植物園
由即日起至2020年1月5日，昂坪360聯同人氣大熱卡通《We Bare Bears》（熊熊遇見你）舉行「熊熊之約定 – 聖誕篇」，三位主角來到昂坪360「熊」抱港式聖誕！ 昂坪360是你今個冬日的必到之處，同期更有小童$30乘搭來回纜車限時優惠，最適合一家大細來玩過痛快！ 經典港式奶茶杯及禮物旋轉木馬 踏進昂坪市集，就可以看見We Bare Bears大駕光臨昂坪360！ 市集圓形廣場除了有充滿濃濃節日氣氛的經典3米高聖誕樹之餘，更特設兩大巨型打卡位，包括巨型奶茶杯及禮物旋轉木馬，熊熊們約定你遊歷港式聖誕！ 全港首個We Bare Bears「至熊打卡館」 「至熊打卡館」內設有五大夢幻打卡熱點，包括熊熊纜車霓虹燈、We Bare Bears傳統聖誕花圈、熊熊光影簾、熊熊繁花隧道及熊抱雪花光影站。 淘氣的熊熊三兄弟化身網紅，在各個人氣大熱Instagrammable霓虹裝置中留影。館內打造光影迷漫的氛圍，締造聖誕夢幻景象，讓你擁抱甜蜜聖誕。 熊熊聖誕手工輕食教室 熊熊們約定你體驗地道港式聖誕：大玩古早味手工糖蔥餅、絲襪奶茶教室及朱古力工作坊。 We Bare Bears熊抱見面會 今個聖誕新年，Grizzly、Panda及Ice Bear特意來昂坪旅遊，並於昂坪市集舉行見面會，你也快來抱抱熊熊吧！ We Bare Bears氣球樂 世界氣球大賽冠軍氣球師彭思泰即席示範出神入化的扭氣球技巧，扭出栩栩如生的熊熊造型氣球，可將We Bare Bears氣球帶回家，與熊熊一同度假！ 【熊熊之約定 – 聖誕節】 日期：2019年11月21日(四)至2020年1月5日(日) 時間：上午10時至下午6時 (平日) 時間：上午9時至下午6時30分 (周末及公眾假期) 地點：香港大嶼山昂平路111號 昂坪市集 詳情：請按此看活動時段 資料來源：昂坪360纜車
