大家近年嚟無得去旅行，唯有去下酒店Staycation 同埋露營，唔知大家平時去露營都帶咩食材去呢？ 想露營整嘢食，又唔知帶啲咩食材？即刻睇內文喇！ 日式水果三文治，呢款食物無論係野餐定露營都一樣咁啱啊~望落好似好複雜，其實超簡單！影相又靚！ 材料：忌廉100毫升、糖 15克、士多啤梨3粒、奇異果1隻、三文治（飛邊） 工具：打蛋器、刀、保鮮紙 製作方法：將啲糖慢慢放入忌廉打至挺身，（如果想食啲輕盈啲都可以買乳酪代替）！首先係麵包搽上忌廉或乳酪，需按呢個方向放置士多啤梨，然後切嘅時候都係按照呢個方向切落去先可以得出呢個形狀！如果大家想個形狀keep得靚啲就記住用保鮮紙包住喇！ Pancake 材料：預拌Pancake粉（麵粉）100g、水 100ml、雞蛋 1隻、生果任意 工具：煎pan、牛油、鑊鏟 預熱煎Pan之後將（水、雞蛋、麵粉混合）逐次倒入煎Pan，前後反轉，拎出放埋啲藍莓、士多啤梨一齊食就可以喇！ 芝士漢堡扒 材料：漢堡扒（各類超級市場） 工具：煎pan、鑊鏟 超級市場買定呢啲就最方便，擺落保冷袋度！去到營地直接拎出嚟煎再放上芝士片非常方便！ 香煎鴨胸肉意粉 材料：即食鴨胸肉、意粉、蒜頭 工具：刀仔 將啲鴨胸肉切片炒香，再將意粉過水煮7至8分鐘就可以喇，將意粉同鴨胸肉炒香調味就食得！ 圖片來源：@campleout、@xphoebeskitchenx
