Open Tour
Furla 最近同 LINE FRIENDS 推出咗聯乘別注系列！ 以三位 LINE FRIENDS 主角為設計主題，推出與一系列手袋、小皮具 當中包括︰熊大Brown、Cony、Sally 三個人氣魚色，款款都好得意！ 限定別注系列配上白天同埋黑夜嘅圖案，造型生動可愛 其中一款圖案印上Brown 同埋 Sally 喺花草之間漫步嘅畫面，非常動人 亦另一款則有 Brown 同 Cony 喺藍色夜空下嘅畫面，好搶眼 今次系列有多個Furla經典設計款式，包括圓形迷你斜揹袋、水桶袋、超迷你手袋、信封包、化妝袋套裝同埋銀包等等 仲有卡片套同埋零錢包，全部都實用又美觀 系列產品全部均以 Ares 小牛皮匠製而成，品質有保證！ FURLA LINE FRIENDS 特別限定系列將於2021年4月5日率先登陸香港特別行政區及澳門特別行政區以及多個地區 其後4月底於全球指定 Furla 旗艦店發售，大家記得留意啦
The Tiffany Blue Box Cafe 一向都係人氣打卡餐廳 除咗下午茶之外，佢哋嘅「The Blue Box Celebration Cake」禮物盒子蛋糕亦都非常出名 一直只限堂食嘅Tiffany Blue Box 禮物盒子蛋糕首度供應外帶服務，終於可以外賣返屋企啦！ 呢個蛋糕係 The Tiffany Blue Box Cafe 最具標誌性嘅蛋糕， 餐廳將女生夢寐以求嘅 Tiffany Blue Box 禮物盒子幻化成美味蛋糕，打卡一流 四方盒子造型嘅蛋糕內層係海鹽焦糖味同白芝麻味嘅慕絲，相間杏仁朱古力醬同埋朱古力海綿蛋糕， 質感軟滑而味道豐富，又好睇又好食 而且呢款係香港限定口味， 大家一定要試下！ 除此之外，佢哋亦有供應「Tiffany 四件裝甜品盒」畀大家外賣返屋企 你可以一次過試到 The Tiffany Blue Box Cafe 精心製作嘅四款招牌甜點， 包括由佛手柑玫瑰慕絲同紅桑子士多啤梨內餡製成嘅迷你 Blue Box 蛋糕、焦糖爆谷朱古力撻、栗子忌廉蛋糕同埋紐約芝士蛋糕， 四款唔同口味可以一次過滿足你嘅味蕾 賣甜品由即日起接受預訂，只供自取 客人須於最少48小時前致電餐廳預訂，記得留意啦！ The Tiffany Blue Box Cafe 外賣自取甜品 預訂電話︰2362 9828 自取時間︰每日中午 12 時至晚上 8 時 ( 請向餐廳查詢最新營業時間 )
各位扭蛋迷要注意啦！ 時代廣場同BANDAI GASHAPON 合作推出嘅《Capsule Lab》即將登場啦 入面有過百部扭蛋機，係限定期間場內仲會為大家帶嚟唔同款式嘅限定扭蛋， 有多款更係香港首次推出，極珍貴！ 除咗有大熱動畫扭蛋之外，Capsule Lab 會定期為大家換上唔同嘅扭蛋系列，確保大家每次嚟到都有驚喜 場內共有四大區域，分別係動物專區、動漫專區、可愛專區同埋兒童專區 你可以根據你嘅心水而揀返自己鍾意嘅專區，減低搵扭蛋嘅時間 當中仲有好多大熱之選，好似鬼滅之刃、高達、鐵甲萬能俠、蠟筆小新、寵物小精靈、迪士尼等等嘅扭蛋系列 快啲約埋朋友去行下啦！ 時代廣場《Pop-up Capsule Lab》 日期 ： 2020年11月21日（星期六）至2021年1月3日（星期日） 時間 ： 早上10時 至 晚上10時 地點 ： 香港銅鑼灣時代廣場5樓517-519號舖 交易方法 ： 只接受八達通交易
香港7-Eleven 聯同Sanrio 推出限定嘅Sanrio characters「隨身Ｍini Pouch」 一共有8款人氣角色齊齊化身做可愛實用嘅「隨身Mini Pouch」，色彩繽紛勁得意，11月25日早上7點起就可以去7-Eleven換購！ 8款人氣Sanrio characters 包括咗Hello Kitty、My Melody、Pompompurin布甸狗 、Kerokerokeroppi、Little Twin Stars、AP鴨、XO 同埋Cinnamoroll 玉桂狗 佢哋推出咗一套8款矽膠物料嘅「隨身Mini Pouch」 矽膠質地柔軟，容易清潔，又靚又實用 今次呢個系列仲用咗夢幻糖果配色，真係令人少女心爆發 「隨身Mini Pouch」高約12厘米 x 闊約8.5厘米，背面設有拉鍊，方便大家收納唔同小物，好似鎖匙、耳筒、零錢等等 而且仲附有掛帶連啪鈕，可以勾喺手腕/手袋上，勁方便！ 而且呢一系列Mini Pouch 係香港限定款式，粉絲一定要收藏！ Sanrio characters「隨身Mini Pouch」換購詳情︰ 推廣日期：由2020年11月25日早上7時起至2021年1月5日 顧客於7-Eleven分店*購物滿$20#即可享印花1張，其後每$10可獲多1張印花，如此類推 推廣日期：由2020年11月25日早上7時起至2021年1月8日， 儲齊8張印花加$65，即可隨機換購「隨身Mini Pouch」2個；或儲齊5張印花加$38，即可隨機換購「隨身Mini Pouch」1個。 yuu 獎賞計劃會員專享優惠 -以7,000 yuu積分加$1，隨機換購「隨身Mini Pouch」 1個。 推廣日期：由2020年11月25日早上7時起至2021年1月5日止 獎賞有效期：由2020年11月25日早上7時起至2021年1月8日止。
