Open Tour
最近日本環球影城（USJ）同《鬼滅之刃》合作～ 除咗開放主題園區之外，另一個亮點就係推出限定商品——禰豆子爆谷桶， 等粉絲可以化身炭治郎，將號稱「國民妹妹」帶返屋企～ [instagram photo=”CVNH7R9PvX6″][/instagram] 可愛嘅禰豆子爬出木箱，好可愛呀！ 本來呢個木箱係一個爆谷桶嚟 ~ 但作為一件擺設其實亦都好適合㗎！ [instagram photo=”CVNfhVwv6-7″][/instagram] Photo Credit: Instagram (@seno2753) 由禰豆子嘅髮型、咬著嘅竹筒， 到身穿羽織上嘅皺褶、布料， 每個細節位都做得好仔細～ Photo Credit: Instagram (@seno2753) Photo Credit: Instagram (@seno2753) 產品仲特別以蜂蜜梅子味作為鮮紅配色～ 以呼應禰豆子咬人嘅角色設定～ [instagram photo=”CVXl9qJP-I_ “][/instagram] [instagram photo=”CUF5qWEPFmp”][/instagram] 今次爆谷桶一推出之後就瞬間賣清光！ 就算喺拍賣網站都已經炒到熱烘烘～ 睇嚟大家都好心急將國民妹妹帶返屋企收藏！ [instagram photo=”CUCqlWqJTQT”][/instagram] 來源：Instagram
最近台北便利店有新搞作！ 7-ELEVEN文忠門市以動漫主題登場， 今次主角係動漫作品《鬼滅之刃》！ 動漫裡面嘅畫面同人物都出現喺便利店～ 主角群竈門炭治郎、竈門禰豆子、嘴平伊之助、我妻善逸等喺齊度！ 當然唔少得周邊商品區～～ 睇中啲咩？唔洗諗，買啦！ 店內仲有炭治郎背嘅特製禰豆子木箱， 「開箱」後有咩發現？係禰豆子啊！ 相信粉絲一定會慢慢融入動漫世畀之中～ 2樓以主公家為場景，座位上都係經典角色人物啊！ 牆上更加出現九柱成員大集合， 等你可以一次過集郵！ 鬼滅之刃主題店 地點：台北市文山區忠順街二段10號1樓（7-ELEVEN文忠門市） [map url=”https://www.google.com/maps/embed?pb=!1m18!1m12!1m3!1d3616.459113049153!2d121.56018581495745!3d24.984510883995476!2m3!1f0!2f0!3f0!3m2!1i1024!2i768!4f13.1!3m3!1m2!1s0x3442aa757f5f6039%3A0x35ccb89585be48f5!2s7-Eleven!5e0!3m2!1sen!2shk!4v1625930087563!5m2!1sen!2shk”][/map]
《鬼滅之刃》劇場版上個月喺香港上映，人人為之瘋狂， 而喺日本，除咗電影、漫畫、周邊大賣之外， 連故事類似場景都成為旅遊聖地！ 位於福島會津嘅「蘆之牧溫泉—大川莊」就被傳激似「無限城」取景地~ 一踏入大川莊，會見到大廳嘅浮舞台， 而舞台後錯綜複雜、無限延伸嘅階梯及趟門設計， 正正與《鬼滅之刃》動畫第26集中出現嘅反派據點「無限城」不謀而合！ 充滿和風氣息、有住層層機關，甫踏入旅館就令人覺得兩者簡直係難以置信地相似！ 更令人不寒而慄嘅係每逢下午4點至6點，呢到都會舉行三味線現場演奏 身穿和服嘅女子彈奏三弦琴，不期然令人聯想起《鬼滅》無限城中手拿琵琶嘅「鳴女」， 雖則鳴女，但 無限城與大川莊嘅場景、裝修、氛圍、人物設計都相似得太過份， 不過團隊就指一切真係只屬巧合， 都難怪一班粉絲要特登嚟朝聖！ 除咗呢個一炮而紅嘅大廳，其實大川莊嘅溫泉同樣出名， 位於會津若松地區嘅「蘆之牧溫泉」，被稱為美人湯XD！ 而呢到另一個吸引之處就係佢環抱山水嘅靚景致， 不論係嚟朝聖、度假、浸溫泉，都非常值得！ 大川莊 地址：福島縣会津若松市大戶町大字芦之牧字下平984 網址及資料來源：http://www.ookawaso.co.jp/
全港最大 NAMCO「The LOHAS 康城店」即將喺 11 月 26 日正式開幕！ 新店佔地約10,000呎，場地夠大遊戲機夠多，可以畀大家大玩特玩 NAMCO康城店會係全港最多公仔機嘅分店，場內設有超過100部公仔機，絕對可以滿足一眾夾公仔迷！ 當中佢哋更推出多款全新獨家機種， 好似有全港首見可以「夾」雪糕嘅「Gemini Ice」同埋「推」飲品嘅「Dream Castle 2」 將食物元素放入遊戲入面，感覺好吸引！ 而一眾復古迷 亦唔可以錯過懷舊遊戲「Magnet Crane」同埋「Tuskan de Ponoko」等 款款都好經典！ 新店更推出多款人氣限定景品，第一彈包括有Star Wars景品、Shibashiba Gohan公仔掛飾同埋Cyber Formula跑車模型等， 遲下仲會有鬼滅之刃同比卡超公仔等，全部都好值得收藏 佢哋仲宣佈，來自日本嘅互動數碼遊樂場 「室內・冒險之島DOCODOCO」將於2021年初首度登陸香港， 會作為全球首間海外分店，好期待呀！ 除咗NAMCO分店即將開幕之外，The LOHAS康城為咗迎接聖誕 亦以「Unveiling the Christmas Joy」為主題，用咗超過2,000個聖誕掛飾同近300個聖誕禮物盒、機動裝置嚟打造有滿滿聖誕氣氛嘅場景 室外有由600支夜燈形成嘅神秘浪漫星海，相信一定會成為打卡熱點！ NAMCO The LOHAS康城店 開幕日期：2020年11月26日 地址：將軍澳康城路1號The LOHAS康城L4 403-405號舖 DOCODOCO The LOHAS康城店 開幕日期：預計2021年年初
最近爆紅嘅日本動漫《鬼滅之刃》終於要開期間限定店啦！ 今次佢哋會喺尖沙咀K11購物藝術館入面同大家見面，Fans一定唔可以錯過 到時會有過百款人氣精品發售，當中全部都係官方授權貨品 當中嘅造型抱枕、主題T-shirt、Tote Bag 等等全部都好精美 除咗買嘢之外，其中達10米長嘅鬼殺隊九「柱」1:1 打卡牆齊集「岩、戀、風、蟲、炎、水、蛇、霞、音」九柱角色 一定會成為打卡熱點！ 依家只要購買兩款Tamashii產品，更可隨即獲贈燙金Postcard，機會難得 款款都收藏價值極高 好想帶哂佢哋返屋企！ 快啲去朝聖啦！ 《鬼滅之刃》期間限定店 開放日期：2020年11月27日至2021年1月10日 開放時間：上午11時至下午10時 地點：香港九龍尖沙咀河內道18號K11購物藝術館
日本動漫經典神作《新世紀福音戰士》開播25周年啦， 各位Fans今個聖誕可以去朗豪坊將參觀全港首個大型《新世紀福音戰士》展覽 「TAMASHII FIGURE FES 2020」 朗豪坊4樓通天廣場將會首次展出2.4米高超強人氣 EVA 機體初號機、重現初號機衝破絕對領域一刻的半身頭像，同埋EVA嘅武器朗基努斯槍！ 同場仲設有《鬼滅之刃》展區，而7樓就會有《One Piece — 和之國篇》展覽， 大家可以好似置身喺日式小巷入面欣賞一系列香港率先曝光嘅和之國篇章造型Figuarts ZERO Figure 首度登場Figure展品包括有即將推出嘅400mm 「超巨大x超可動」嘅DYNACTION《新世紀福音戰士》初號機 同時亦會首次展出多款從未亮相同埋公開發售的商品，真係機會難得！ 早前賣斷市嘅METAL BUILD《新世紀福音戰士》 EVA 初號機同二號機亦會喺期間限定店限量發售！ 大家記得BOOKMARK 11月18日去朗豪坊啦！
