「燒雞翼～我自細鐘意食！」講到大家最愛嘅食物，雞翼一定榜上有名！ 一隻睇落平平無奇嘅雞翼，只要用上唔同醃料、唔同煮法，就可以變化出唔同味道！ 今次就教大家炮製以下五款雞翼，一齊試吓整喇～ 韓式柚子雞翼 [instagram photo=”Bv_iihEHpeD”][/instagram] 材料：雞翼8隻、柚子蜜2湯匙、生抽1湯匙、紹興酒1/2湯匙、生粉1/2湯匙、麻油1/4茶匙、鹽適量、胡椒粉適量 將雞翼洗乾淨抹乾 用生抽、紹興酒、鹽、胡椒粉、麻油及生粉醃30分鐘 用中火燒熱平底鑊，加少少油 加入雞翼，煎至兩面金黃色及熟透 將柚子蜜同1湯匙水攪勻，加入平底鑊中炒勻即成 水牛城雞翼 [instagram photo=”B-_icuNjTDr”][/instagram] 材料：雞翼6隻、麵粉適量、冰水適量、牛油一小片 調味料：墨西哥辣椒粉1湯匙、辣椒仔2湯匙、茄汁2湯匙、蒜蓉1茶匙、鹽1茶匙、糖1茶匙、喼汁1湯匙 雞翼解凍洗乾淨，抹乾備用 將調味料全部攪勻 將雞翼加入調味料攪拌，然後醃最少2個鐘（建議最好醃過夜） 將醃好嘅雞翼拎出嚟，先沾第一層麵粉，調味料留用 將沾好麵粉嘅雞翼再浸一浸冰水，然後沾第二層麵粉 平底鑊加入油，燒至插入木筷子起泡泡，就可以加入雞翼 細火將雞翼炸至金黃色，大概8-10分鐘，撈起備用 將之前留起嘅調味料加入平底鑊，牛油煮溶，淋上炸好嘅雞翼攪勻就OK 明太子雞翼 [instagram photo=”CAK0QnbgBsY”][/instagram] 材料：雞翼連雞翼尖8隻、明太子60克、蝦膠150克、生抽1茶匙、紹興酒1茶匙、麻油1/2茶匙、鹽適量、胡椒粉適量 明太子切半，用匙羮輕輕勺出魚子 將雞翼去骨，加入生抽、紹興酒、麻油、鹽及胡椒粉醃10分鐘 將明太子同蝦膠攪勻，然後將蝦膠釀入雞翼 用中火燒熱平底鑊，加少少油 加入雞翼煎至兩面金黃色及全熟就搞掂 黃金雞翼 [instagram photo=”BvI70oFHhyh”][/instagram] 材料：雞翼10隻、鹹蛋黃5隻、牛油20克、蒜頭3粒、指天椒1隻、生抽1 湯匙、玫瑰露1湯匙、生粉1湯匙、黃糖1茶匙、麻油1/4茶匙、鹽適量、胡椒粉適量 將蒜頭切成蓉；指天椒切粒 雞翼洗乾淨抹乾，用生抽、玫瑰露、黃糖、鹽、胡椒粉、生粉及麻油醃至少1個鐘 將鹹蛋黃蒸4-5分鐘，然後壓碎 用中火燒熱平底鑊，加少少油，加入雞翼將兩面煎至金黃色及熟透 用中火燒熱另一個平底鑊，加入牛油煮至溶化，再加入蒜頭同指天椒炒香 加入鹹蛋黃炒至起泡 最後加入雞翼拌勻就完成 醉雞翼 [instagram photo=”CBwnFZCAR5N”][/instagram] 材料：雞翼12隻、水300毫升、清酒150毫升、玫瑰露150毫升、香糟露30毫升、魚露20毫升、杞子20克、薑片適量、蔥適量 杞子用暖水洗乾淨備用 煮滾一鍋水，加入薑、蔥及雞翼，煮至雞翼熟透 撈起雞翼浸喺冰水入面，直至完全冷卻 將清酒、玫瑰露、水、香糟露及魚露混合 最後加入雞翼及杞子泡浸一晚即成
