今個禮拜六日大家諗好去邊未呢？不如參加荔枝角嘅白紙市集，今期仲會聯乘本地人氣插畫家「東尼電機」，佢將為大家帶來各款新奇有趣嘅精品！
市集除咗售賣東尼電機插畫家多款個人精品之外，仲有其他特色小店同場。
例如：本地小店PBJ手工果醬售賣，用上新鮮水果同冰糖製作，利用法式confiture同marmelade做法。
鐘意戴首飾嘅你，一定要嚟睇下Paper Theory《綺花紙品》，小店使用日本製和紙，希望能把擁有綺麗花紋的紙張，製成紙品，每款耳環、髮夾、頸鏈都非常精緻。
DORQUARE都唔可以錯過啊，主打天然石手工繞線首飾，而「手繞工藝」是最古老嘅手作技法之一，完全不需要焊接金屬便能組成一件首飾。
SAURORA就係售賣令人感到溫暖嘅蠟燭，蠟燭製作由然大豆蠟及白蜂蠟而成，由店主全人手製作，精油經IFRA認證，對任何人士同埋寵物無害，溶化嘅蠟油可以用作護膚油使用。
《白紙市集 X 東尼電機 – 激安の電機》
日期：2021年5月1-2日
時間：13:00-20:00
地點：D2 Place一期2樓The Space | D2 Place二期地下The Garage