海洋公園推出全新「與動物親上加親」活動！大家可以近距離同小動物接觸，機會難得
兩大全新活動包括「約會小狐獴」同埋「約會大象龜」，會同時於4月1日正式推出，大家記得留意啦！
訪客可以同精靈活潑嘅小狐獴家族見面，平時鍾意「排排企」嘅狐獴家族真係好可愛
小狐獴喺非洲西南部乾旱嘅大草原或灌木叢生活，包括南非、納米比亞和博茨瓦納等地
活動中，參加者仲可以餵小動物，真係超近距離接觸呀
好多時我哋都會喺卡通電影入面見到佢哋，個樣勁精靈
除咗小狐獴，你亦可以有機會同世上其中一種體型最大嘅陸龜「亞達伯拉象龜」近距離互動！
巨型亞達伯拉象龜平時鍾意慢慢食、慢慢行，你都可以感受下佢哋嘅優悠生活
活動中，護理員會分享動物護理小知識同埋趣事
參加者仲可以餵飼動物同埋拍照，真係好難忘嘅體驗！
場內更特設非洲民族色彩嘅佈置，仲有激發五感嘅互動遊戲可以玩
好似有幫狐獴挑選食物、同非洲動物鬥快賽跑等等，聽到都覺得有趣！
不論係小朋友定大人都可以喺活動中了解保育知識，學習同動物、大自然和諧共處，好有意義
海洋公園「與動物親上加親」活動詳情︰
日期： 2021 年 4 月 1 日起
時段：
「約會小狐獴」時段： 1. 下午 2 時至 2 時 40 分 （每日，非公眾假期之星期二除外） 2. 下午 4 時至 4 時 40 分（星期六、日及公眾假期）
「約會大象龜」時段： 1. 上午 11 時至 11 時 40 分（逢星期二、三、五、六、日及公眾假期）
對象： 3 歲或以上（未滿 12 歲之參加者須由已付費的成人陪同參與）
名額： 每個時段最多 8 人
地點： 小狐獴與大象龜之旅
費用： 每位港幣 380 元（大小同價）
智紛全年入場證會員優惠： 金卡及銀卡會員港幣 304 元（8 折） 優越卡會員港幣 285 元（75 折）
報名詳情：https://www.oceanpark.com.hk/
（2021 年 3 月 25 日起接受報名）