【香港】MOKO新世紀廣場夢幻春櫻光影打卡區！同場加映全港首間迪士尼櫻花季期間限定店｜香港購物｜放假去邊

為咗迎接春天嘅來臨，MOKO新世紀廣場將於2021年3月25日至5月19日期間打造「MOKO春の花見」

到時會有三大夢幻春櫻光影打卡區，等大家喺香港都睇到同日本櫻花美景！

為咗打造更似日本嘅感覺，商場特設逾15米長嘅「幸福鳥居櫻花路」，

還原日本著名賞櫻景點，等大家好似去咗日本一樣！

櫻花配上紅色鳥居嘅場景，緊係要著住浴衣影相打卡啦

商場將設簡易和式浴衣體驗服務，現場租借簡易和式花見浴衣，不論係大人定小朋友都可以喺櫻花樹下感受日本風情

商場2樓更設有「櫻の茶屋」打卡區，以夢幻少女粉紅色系打造日本傳統茶屋，

場內各景點仲會不時飄來陣陣甜美花香，令人少女心爆發！

商場由即日起至4月16日更會推出「旺角Dining Delights」，加推「AFTER 6」晚市現金賞

活動期間於場內參與食肆消費滿指定金額，即可換領餐飲贈券、免費泊車優惠同埋會員積分，勁多著數！

除咗影相同購物優惠，商場仲設有全港首間「迪士尼櫻花季期間限定店」

整個期間限定店以粉紅為主色調，配上櫻花圖案，粉絲見到一定心心眼

現場會發售一系列迪士尼櫻花季主題精品

當中更包括獨家發售嘅櫻花季主題經典迪士尼角色茶具套裝、迪士尼角色櫻花形咕臣、迪士尼櫻花幻彩水晶球等等

一眾「迪士尼經典」系列人氣角色更會驚喜登場，

大家可以去3大櫻花主題打卡同心水角色合照，當中包括鋼牙與大鼻「浪漫櫻花步道」、米奇與米妮「光幻櫻花小屋」同埋小熊維尼「櫻花甜蜜派對」

咁多打卡位，大家記得唔好錯過啦！

活動詳情：
MOKO新世紀廣場呈獻「MOKO春の花見」櫻花主題打卡區
日期：2021年3月25日至5月19日
時間：上午10時至晚上10時
地點：MTR樓層中庭、L1走廊及L2

迪士尼櫻花季期間限定店
日期：2021年3月25日至5月19日
時間：中午12時至晚上8時
地點：MTR樓層中庭

簡易和式花見浴衣體驗及花見小物借用
日期：2021年3月27日至5月19日 (逢星期六、日及公眾假期)
時間：中午1時至下午5時
地點：L1樓層MOKO POP內
換領方法：The Point 會員憑積分，可於線上換領「簡易和式花見浴衣預約證」或「花見小物預約證」，於選擇時間內親臨MOKO POP攤位出示預約證，即可借用簡易和式花見浴衣一套或花見小物2小時以供場內拍照之用。

「旺角Dining Delights」換領詳情
日期：即日起至2021年4月16日
時間：上午10時至晚上10時
地點：MOKO 新世紀廣場 L1顧客服務中心
換領方法：
·      The Point by SHKP會員於場內指定食肆即日以電子貨幣消費滿指定金額*，即可賺取MOKO新世紀廣場餐飲贈券、2小時免費泊車及會員積分。
·      「AFTER 6」晚市額外獎賞：*當中若包括滿HK$100之晚上6時後發出的即日發票，可額外獲得HK$50指定食肆贈券。
*發票數量不限，惟每張發票金額需達HK$100。禮品數量有限，先到先得，換完即止。