台灣飲料品牌”珍煮丹”同全家便利商店合作推出便利店中開設手搖飲店！
手搖飲店會喺指定嘅2間便利店開設，頭3日消費仲可以有指定飲品買一送一優惠添！
限定發售飲品有芒果、草莓、咖啡、紅茶同黑糖5款口味～真係好想試哂佢！
嘩！5款味都好吸引啊！
紅茶珍奶係用斯里蘭卡紅茶茶葉製成，茶味香濃實在。
草莓珍奶有草莓嘅酸甜加上牛奶嘅香滑，女仔一定好鍾意！
芒果珍奶用台灣地道香甜芒果製成，最啱夏天飲～
咖啡珍奶係用阿拉比卡咖啡豆調配，俾你一種高級嘅享受～
黑糖珍奶更加唔使特別講啦，絕對係”珍煮丹”嘅經典！
珍煮丹 x 全家便利商店嚴選珍珠系列
日期：2020年5月13日起
地點：台灣全家林慶店、全家台鐵北店
開幕優惠：凡購買嚴選珍珠系列，可享有指定飲品買一送一優惠
優惠期間：2020年5月13日 – 2020年5月15日