相信Game boy係唔少八、九十後嘅童年回憶，
而最近就有一款外型似足Game boy嘅「IG摺疊式遊戲機」喺各大媒體爆紅，
唔通係Instagram想推出聯名遊戲機？
其實呢款「IG摺疊式遊戲機」係由法國3D藝術設計師Julien Rivoire所設計～
而目前係未正式上市，但概念圖一Po出，
唔少網友睇到都大讚，更希望設計師可以將遊戲機實體化！
迷你「IG摺疊式遊戲機」由機身到螢幕，都充滿Instagram夢幻彩虹嘅元素。
打開機身之後會有九個按鍵，
其中四個紫色鍵係IG用家最常會用到，分別係畀心心、收藏、轉寄同埋留言。
機身細細，但係功能都超齊全㗎～
雖然以上功能用手機就做到，
但用掌上遊戲機玩IG，就特別有懷舊味道！
相信實體機一推出，肯定掀起搶購潮吖！
圖片來源：Julien Rivoire