日本有一位插畫師ぽん吉（PonkichiM），
近年好鍾意結合動物同蔬菜，創作一系列嘅圖鑑～
最近呢位插畫師仲同玩具品牌 dodowo 合作，
推出以蔬菜動物精靈為主嘅實體公仔版，
真係超可愛㗎！
將柴犬、貓咪、狐狸等動物，結合白菜、香菇、花椰菜等蔬菜，
合共七款＋一款隱藏版嘅公仔～
真係睇見都覺得療癒啊！
小編最鍾意呢款蔬菜精靈，
肥嘟嘟嘅柴犬結合翠綠白菜，
令人感覺好清新，心情都自然變好啊！
眼神呆呆，神情憨厚，仲伸埋舌頭～
真係好可愛，連心都融埋喇！
仲有大蒜貓、大頭菜豬、香菇鼬、花椰菜鼠、白蘿蔔狐狸、蓮藕狐狸，
呢幾款公仔都一樣受網上熱論！
呢一系列蔬菜精靈公仔 將會喺2021年7月正式發售，
有興趣買嘅朋友記得密切留意喇！
（圖片來源：Twitter@PonkichiM)
INFO
預計發售日期：2021年7月