魔法系列小說《哈利波特》係唔少人嘅童年回憶之一，
除咗作家J·K·羅琳所出版嘅小說之外，
華納兄弟影業亦喺2001年推出真人版電影，結果一樣大受歡迎！
韓國Megabox為咗紀念電影20周年紀念，
宣佈重映第一集電影《哈利波特：神秘的魔法石》，
仲推出埋獨家訂製版電影票尾！
各位韓國粉絲有福喇～～～
今次嘅電影票尾設計絕對有睇頭！
燙金版「霍格華茲特快車車票」票尾，絕對高質！
仲有仲有～以「神秘的魔法石電影」海報為設計嘅票尾！
一樣咁有收藏價值！！
難怪受到哈利波特英國粉絲嘅關注～
韓國Megabox真係好有誠意呀！
其實Megabox之前都推出過相關嘅電影票尾紀念品，
就好似早前重映第三集《哈利波特：阿茲卡班的逃犯》嘅巴士票尾同電影票尾～
背面仲寫上電影簡介，相信冇人會捨得隨手掉落垃圾筒～
小編好期待香港嘅戲院嚟緊都可以推出咁高質設計嘅電影票尾呀！
圖片來源：Instagram (@megaboxon)、Wiki