平時壽司放題、火鍋、雞煲放題大家就食得多喇，元朗呢間小店連餃子都做放題，個價錢真係超級平，只需$58就食到，仲要係全場任食5款餃子。即刻睇有咩餃子食先~
$58餃子放題，學生及長者再可享8折優惠，隨餐奉送足料養生靚湯一晚，罐裝汽水任飲，限時30分鐘。
有網民就話呢個餃子放題有驚喜！仲推薦牛尾湯俾大家，更表示有：「有幾舊牛尾，好濃，有質感」，小編睇到呢位網民食咗一大棟碗碟喺度，相信對於佢嚟講味道真係唔錯嘅。
而另外一位網民就唔咁睇喇，唔知係佢唔好彩定店舖當時太忙呢？呢位網民就奉勸大家如果趕時間就唔好入去食。 我地即刻睇下佢究竟食咗啲咩先~
網民表示，呢碟得3粒煎到燶晒嘅餃子，先唔講味道，見到咁嘅樣都已經唔想食；另外果碟就係烚到爛曬嘅水餃，睇見都真係有啲唔開胃。
相信網民對於呢間店舖嘅評語好壞參半，其實小店寫明30分鐘，都唔一定要你夠時間就即刻走，起碼係可以食飽先離開，希望大家如果去到店舖幫襯時都唔好浪費食物。唔知大家去到又可以30分鐘挑戰幾多隻餃子呢？
獨當一麵
地址：元朗鳳攸北街5-9號順豐大廈地下3號舖
營業時間：星期一、星期三至日 12:30-21:00
圖片來源：FB@食在元天屯、食在元朗、Paul Chung、Dacheng Yip、章志文