麵包超人喺奧海城開設期間限定店，場內售賣超過200款麵包超人BB用品、玩具、精品、服飾等，更設有大型麵包超人、細菌人嘅影相打卡區、扭蛋專區等等。
大家入到嚟可以門口打卡先，呢度又大型麵包超人同細菌人嘅影相打卡位。
於場內購買任何產品就有機會玩＜自駕遊呠呠車＞，小朋友可搖身一變成為小車手。
扭蛋專區，多款唔同造型嘅麵包超人！
大家記住唔好錯過春日祭會場限定嘅麵包超人集印活動，只要於場內不同區域集齊四個角色印章，即可憑集印卡換領麵包超人春日祭立體卡乙枚！
玩具試玩區可以俾小朋友試玩各款唔同類型嘅麵包超人玩具。
備註：
麵包超人見面會
將於4月18日(星期日)到場同各位大朋友小朋友見面，作為粉絲更加不容錯過，準備好同麵包超人於櫻花樹下嘅約會啦!
麵包超人春日祭
地點: 奧海城２期地下主題中庭
時間: 12:00-20:00
日期: 2021年4月12日至5月2日