LIFETASTIC 旗艦店正式登陸銅鑼灣希慎廣場！
今次品牌喺開銅鑼灣設全新Hip & Chic 嘅西餐廳，大家可以試到品牌經典創意甜點同埋西式美餚
以全新推出期間限定「LIFETASTIC 二人下午茶」，皇牌「明太子蟹肉帶子意粉」同埋希慎店限定嘅「藍色蝶豆花芝士蛋糕 」打頭陣
LIFETASTIC 銅鑼灣店除咗會供應超過十三款人氣蛋糕之外，
更將早年西環原祖店限定嘅熱食帶進新店，等大家可以食到更多LIFETASTIC 出品嘅美食！
新店以神秘夜幕藍併優雅玫瑰金為主調，環境高貴
而牆身粉刷上更有獨特紋理，質感極好，加埋波浪彎曲造型嘅特色牆同假天花，一定吸引到好多人嚟打卡
咖啡吧採用開放式設計，用餐區非常寬敞，仲放置咗藍色沙發座椅，令人諗到星空嘅意境，環境好舒服！
除咗環境好，大家一定要試吓新店限定嘅「LIFETASTIC 二人下午茶」
可以一次過嚐盡品牌大熱蛋糕同埋特色飲品，配上精緻三層架盛載五款鹹點加六款甜點，好豐富！
下層有源自意大利嘅青瓜卷、辣椒青檸烤蝦同埋一口三文魚，
而就有中層多款獨特水果口味蛋糕、無麩質英式鬆餅，聽到都覺得吸引！
同時亦可以飲吓「LIFETASTIC果茶」，果茶以西瓜、士多啤梨同埋洛神花製作而成，勁清新
最後當然唔少得品牌人氣最高嘅草莓西瓜蛋糕，一定夠哂滿足
另外，小編非常推介大家試吓「明太子蟹肉帶子意粉」
大廚選用新鮮空運原條阿拉斯加蟹肉同埋日本明太子，加埋北海道刺身級帶子，
每條意粉上都掛滿鮮味，而且口感煙韌，值得一試
為咗慶祝新店開幕，新店更獨家推出蛋糕新品「藍色蝶豆花芝士蛋糕 」
蝶豆花有抗氧化作用，而天然色素抹紫藍色勁唯美浪漫，女士們見到一定心心眼
蛋糕以蝶豆花汁製成啫喱上層，藍莓口味嘅層式蛋糕夾雜新鮮藍莓，
同芝士忌廉層層相間，口感豐富又好味，大家記得唔好錯過啦！
LIFETASTIC Patisserie 銅鑼灣希慎廣場店︰
地址︰銅鑼灣軒尼詩道500號希慎廣場3樓330-331及326號舖
電話︰2420 8851
營業時間︰11am – 11pm