夏天雖然好熱，但都帶來好多美食！
台灣誠品生活文創平台「expo」因為近日推出「貓咪與海」主題展，於是趁機亦推出了期間限定超治癒的「萌貓刨冰」、「萌貓甜品」等一系列貓咪主題美食~
呢個萌貓造型嘅手拿刨冰內含QQ晶球、芝士，仲淋上咗由台灣水果製成嘅天然糖漿，加埋個超可愛嘅貓掌果凍做點綴，簡直係完美！
刨冰仲有四種口味任你選擇，大熱天時食返杯刨冰真係夠哂爽！
想試下其他款式嘅刨冰都絕對無問題，呢個「靜岡抹茶喵喵」手拿刨冰由香醇嘅抹茶製成，包保濃郁，而且上面同樣有可愛嘅貓掌窩夫裝飾！
冰品甜食以外，亦可以選擇「喵喵野餐盒」，內裏嘅飯糰、菜式都會整成貓咪嘅圖案，可愛到唔捨得食！
「貓肉球手工乳酪」有成個貓掌果凍喺面，勁得意，作為飯後甜品係一流！
一系列嘅「貓咪主題美食」真係又萌又多款式，小編見到都唔捨得食，真係啱哂貓奴嚟呢到朝聖試食！
「夏日療癒插畫季」
地址：誠品生活南西店 – 台北市中山區南京西路14號