點解咁多人都鍾意食米線？
小編都答你唔到～
只能說如果要日日食麻酸辣米線都冇問題㗎！
今次為所有米線控搵嚟六間雲南米線店～
想食好味嘅麻酸辣米線，香港最大連鎖店以外亦有其他選擇～
一齊睇吓有邊幾間啦！
(排名不分先後～～)
===========================================
長沙灣 – 雲南風味館
由一對夫婦經營嘅雲南米線店～
佢地嘅米線充滿米香又爽滑！
濃郁嘅湯底，辣味仲好有層次添！
真係愈食愈開胃呀～
值得一提係佢地嘅炸醬辣勁十足！必食！
其他地方都食唔到呢種味道～正啊！
[instagram photo=”BlXOfr4g-Pw”][/instagram]
INFO.
地址：長沙灣興華街27C
===========================================
天水圍 – 麗江雲南米線
米線控一定要食呢間！食過嘅天水圍人都激讚～
試過佢個麻酸辣，肯定你上癮！
飲完湯嘴唇仲感覺到有少少痲痺，好過癮啊！
聽講有人會飲晒啲湯…真係勁！
連配料都激好食，搞到小編都忍唔著想嚟食返碗！
[instagram photo=”CU1hYzIB6vA”][/instagram]
INFO.
地址：天水圍天湖路1號嘉湖新北江商場一期1樓C45A號舖
===========================================
鰂魚涌 – 樂林小鍋米線
打工仔平時食lunch都有高質酸辣米線？
係呀！呢度嘅米線一樣充滿米香～
湯底酸中帶辣，相當惹味！
基本配料有炸醬、半隻滷水蛋同芽菜～
如果想額外加餸亦有好多選擇～
大碗又抵食，難怪午飯時間門外總係企滿人等位啦～
想食就記得早啲去排隊喇！
[instagram photo=”BNmHoIdAOLg”][/instagram]
INFO.
地址：鰂魚涌濱海街11號地下
===========================================
荃灣 – 老闆娘雲南米線
荃灣一向多嘢食，但千祈唔好數漏呢間～
勁多米線！口感上偏腍身～
麻辣味真係好突出！
飲完嘴唇仲感覺到有少少痲痺，好過癮啊！
啱晒鍾意食辣嘢嘅朋友！
至於招牌酥炸雞球食落亦外脆內軟，大家可以順便試埋～
[instagram photo=”BkB8VxtnRFL”][/instagram]
INFO.
地址：荃灣曹公街8號香車街熟食中心3樓28-29號舖
===========================================
屯門 – 雲貴風正宗雲南米線
一碗好食嘅麻酸辣米線屯門都有！
酸菜、芽菜、韮菜同肉碎，樣樣有齊！
夾埋一齊食真係好好味～
米線份量亦好多！
嫌唔夠豐富仲可以自己加餸～
連麻辣豬耳/豬肚/豬腸/雞肉等都有，夠哂特別！
[instagram photo=”By5Rt8QnPVT”][/instagram]
INFO.
地址：屯門井財街15號金銘大廈地下
===========================================
葵涌 – 雲南小鍋米線
傳說中係香港最好食嘅米線？到底係咪咁正？
一上枱已經俾佢啲雞絲吸引到！全部都撕得超超超幼細，仲堆到座山咁！
配埋湯底一齊食，簡直就係爽啊！
小編特別推介腩肉！
唔會太過太膩，而且好夠淋！辣辣地仲幾惹味～～
[instagram photo=”BTGaXM0joB1″][/instagram]
INFO.
地址：葵涌梨木道112號葵寶大廈地下5號舖
===============