去台灣，唔可以唔去夜市掃街？！
小編今次去到台南，帶大家去食台南最大夜市：花園夜市！
快啲睇下有咩好食啦～～～
===============
1. 碳烤香雞扒
即叫即烤！超級大塊！
皮脆肉厚，配埋醬汁勁Juicy~~~
件件都好大嚿，雞肉好嫩滑！
===============
2. 臭薯條
薯條嘅外型，臭豆腐嘅味道！
炸得好脆，配埋調味粉食一流～
===============
3. 火焰骰子牛
牛柳粒勁淋勁好食！
帶少少肥膏，幾香口～
份份都係即叫即燒，仲加咗紅酒！
牛肉嘅生熟程度啱啱好！
===============
4. 一口煎餃
全部餃子都皮薄餡多，好多肉汁啊～～～
唔怪得之大大盤都好快賣晒！
雖然係一口餃子，但其實都幾大粒！
===============
5. 大腸、香腸
係食尚玩家都推介嘅大腸、香腸啊！
糯米腸好有米香，仲加咗花生粒，食完又唔膩喎！
仲可以自己加酸配菜，連埋有好多肥膏嘅香腸一齊食，啱啱好！
===============
6. 麻糬
麻糬全部即叫即整，超級好食！
煙煙韌韌，仲要粒粒有餡！
有好多款口味揀，有啲仲幾特別！
小編推薦抹茶、黑糖、花生味～
===============
7. 蚵仔煎
蚵仔煎絕對係台灣必食！呢間超多人排隊，因為好足料啊～～～
蚵仔煎外皮香脆，蚵仔新鮮肥美！
===============
8. 厚切牛扒
去夜市都要食意粉？呢間嘅意粉出奇地入味！
仲要配埋太陽蛋、好淋好濃味嘅厚切牛扒，幾飽都要食！
===============
9. 麻辣鴨血、 魚蛋湯
花園夜市必食鴨血！勁嫩！
仲要有麻辣湯底，食到超爽！
一碗有齊鴨血、大腸、魚蛋！份量係超多，好抵食！
===============
10. 炸雞扒
台灣啲炸雞扒真係特別好食！
皮脆肉嫩，仲要大大嚿，食肉獸不能錯過！
快啲去轉台灣，衝去夜市掃街啦！
===============
花園夜市
營業時間：每周四、六、日
地址：台南市北區海安路三段（和緯路口）
===============