未諗好聖誕假做咩好？想過個好有Feel嘅繽紛歐陸聖誕？咁小編有好介紹喇！ 海洋公園今年破天荒推出全新入場制，等你可以自選方式入園過聖誕！真‧由你話晒事！ 喺2021年12月18日至2022年1月2日期間，$10就買到聖誕小鎮入場門票！可以喺2pm至8pm內單次進入「夢幻水都人工湖」及「海濱樂園廣場」，入面有由溫馨木製小屋組成嘅歐洲風聖誕市集可以盡情遊逛、浪漫醉人嘅「閃亮聖誕派對」同榮 獲獎項嘅多媒體光雕投影匯演「光影都會」，仲有巨型聖誕樹、雪花玻璃球等佈置俾你瘋狂打卡！真心抵到爛啊～想一次過玩將山上山下嘅精彩體驗一網打盡，亦有$360聖誕優惠套票畀你揀！用自選方式入園，過「你」想嘅聖誕！ 想感受濃濃聖誕氣氛，就一定要唔可以錯過期間限定嘅「好Chill．歐遊巿集」！ 超過40個特色品牌喺活動期間輪流進駐，帶嚟一系列精緻嘅歐陸美食、北歐風家居擺設、護膚品、精緻飾物、手作精品等等，全部都會喺市集出現！仲有多款節日美酒、麵包、糖果俾你任揀，一於帶晒佢哋返屋企啦！ 每晚6:30pm，喺海濱樂園都會有場盛大嘅「閃亮聖誕派對」～ 聖誕主題燈光匯演，點亮聖誕巷同大型聖誕樹，浪漫氣氛MAX！仲會有聖誕老人驚喜現身，大派聖誕禮物！就連威威都會換埋聖誕裝，出嚟同大家影相！好可愛啊～～ 而每晚8pm都會舉行嘅「光影都會」係小編重點推介！呢個榮獲獎項嘅多媒體光雕投影匯演，啱晒聖誕佳節睇啊～ 你可以去夢幻水都人工湖畔欣賞歷時5分鐘嘅多媒體噴泉水幕及光雕表演！五光十色嘅投射效果，穿梭於香港迷人景色、地標性建築、多元文化中，真心好靚、好震撼啊～～ 未夠喉？仲可以加$180升級^！ 可以欣賞國際著名魔術師Louis Yan嘅「Louis Yan魔法狂想」舞台，一家大細過一個魔幻聖誕！結合幻象、特技和互動元素嘅魔術絕技，加入香港同海洋公園元素，包你睇到唔眨眼呀～ ^持有聖誕小鎮入場門票之遊客需另加$180加購此項目；持有聖誕優惠套票、智紛全年入場證、無限FUN入場證、生日或福利門票之遊客則需另加$80加購此項目。 你除咗可以睇魔術表演，小朋友仲可以參加「魔法學堂 & Chill聖誕動物手作坊」*！ 「魔法學堂」有專業魔術師教小朋友玩紙牌魔術，而所有DIY魔術道具仲可以俾你帶返屋企！咁你就可以喺聖誕Party上show返兩手啦～ 仲有「Chill聖誕動物手作坊」俾小朋友發揮創意，親手製作聖誕限定版手作，同時認識海洋公園保育嘅三大「Chill級物種」：鹿角珊瑚、綠海龜和金裳鳳蝶。最後帶埋DIY聖誕掛飾返屋企，正呀！ *持有聖誕小鎮入場門票之遊客需另加$100加購此項目；持有聖誕優惠套票、智紛全年入場證、無限FUN入場證、生日或福利門票之遊客則需另加$50加購此項目 想製作獨一無二嘅聖誕裝飾，仲可以化身「聖誕花藝師」# ～ 有專人教你整啲簡單又精緻嘅花藝作品，放喺屋企又特別又靚呀！ #持有聖誕小鎮入場門票之遊客需另加$180加購此項目；持有聖誕優惠套票、智紛全年入場證、無限FUN入場證、生日或福利門票之遊客則需另加$120加購此項目 如果想一次過玩轉海洋公園，全園任玩上埋高峰樂園同聖誕老人見面，玩埋刺激好玩嘅機動遊戲，再去埋各個動物展館同動物朋友見吓面say個hi，其實可以買聖誕優惠套票 (成人$360 ; 小童$216)！仲會送園內購物電子現金券，保證你可以過個Happy Christmas呀！ 仲等咩呀？快啲約埋朋友仔、屋企人，去海洋公園過「你」想嘅聖誕啦！ 詳情：https://bit.ly/3yiCMuZ
