《新世紀福音戰士》(EVA) 一直受多人追捧，
被堪稱為動畫界上數一數二嘅經典之作，
官方商店「EVANGELION STORE」最近就推出兩款「初號機／貳號機 頭部造型馬克杯」！
「初號機造型馬克杯」將較有特色嘅頭角、眼睛同埋突起嘅下顎作為亮點，
配合埋最經典嘅紫綠襯色，一望落去都覺得啲回憶返晒嚟~
帶返辦公室用一定會係焦點所在！
而「貳號機造型馬克杯」，
則重現咗《福音戰士新劇場版》入面，頭部有皇冠造型嘅貳號機~
橙紅色嘅杯身上配合埋銳利嘅四對眼睛，相當吸睛XD!
兩個嘅參考售價為各2,200日圓，
目前已經可以喺官網開放訂購，
預計會喺2020年10月下旬發售，粉絲快啲去搶啦！