Open Tour
《新世紀福音戰士》(EVA) 一直受多人追捧， 被堪稱為動畫界上數一數二嘅經典之作， 官方商店「EVANGELION STORE」最近就推出兩款「初號機／貳號機 頭部造型馬克杯」！ 「初號機造型馬克杯」將較有特色嘅頭角、眼睛同埋突起嘅下顎作為亮點， 配合埋最經典嘅紫綠襯色，一望落去都覺得啲回憶返晒嚟~ 帶返辦公室用一定會係焦點所在！ 而「貳號機造型馬克杯」， 則重現咗《福音戰士新劇場版》入面，頭部有皇冠造型嘅貳號機~ 橙紅色嘅杯身上配合埋銳利嘅四對眼睛，相當吸睛XD! 兩個嘅參考售價為各2,200日圓， 目前已經可以喺官網開放訂購， 預計會喺2020年10月下旬發售，粉絲快啲去搶啦！ 網站：EVANGELION STORE
日本靜岡御殿場OUTLET推出「EVANGELION×御殿場premium outlet 御殿場補完計畫」！！ 喺OUTLET嘅遊樂場有一個3公尺高嘅EVA初號機，以拋射朗基努斯之槍嘅姿態俾大家打卡， 當然附近仲有一把朗基努斯之槍插喺地下～而且OUTLET接駁車會廣播明日香同美里嘅聲音， 身為EVA嘅fans真係聽到都興奮！ [instagram photo=”CEYPcNSBOBN”][/instagram] 嘩！好型啊～ [instagram photo=”CEeLK37HT7P”][/instagram] 非常有光澤嘅設計！ [instagram photo=”CEqGGkln_YW”][/instagram] 實物都幾大隻！ [instagram photo=”CEmQG2dg8o7″][/instagram] 夜晚竟然仲識著燈！！ [instagram photo=”CEgU0a-hwhr”][/instagram] Outlets另一邊嘅西區廣場插著一把3公尺高嘅朗基努斯之槍～ [instagram photo=”CEVwGdgBxu8″][/instagram] 哈～睇嚟係初號機拋過嚟～ [instagram photo=”CEqQ8KdBl_B”][/instagram] 連接駁車都貼滿幾位駕駛員嘅貼紙～ EVANGELION×御殿場premium outlet 開業20周年 御殿場補完計畫 地點：靜岡縣御殿場市深澤1312 活動日期：至2020/9/30為止 網址：evangelion
