Author: yip kat

今次介紹呢間糖水店係九龍城老字號，另外喺屯門，將軍澳都設有分店。 糖水店主打港式糖水，質素唔錯加上都幾足料，深受街坊歡迎。 店內有多達二十幾款糖水，多款懷舊傳統糖水都有得食，包括桑寄生蛋茶，星洲靚喳喳。 仲有多款口味湯圓，豆腐花，杏仁茶，同埋芒果系列甜品。 桂花薑湯芝麻湯圓 豆花腐竹薏米  合桃露 紅豆馬豆糕 花旗參燉雪梨 地茂館甜品 地址：九龍城福佬村道47號地舖 圖片來源：@littlefoodiejojo、@hkpiggies_foodie

By yip kat

March 3, 2022August 4, 2022

今次介紹旺角小食店，可以食到香脆泰式香蕉餅~另外仲有11款煎餅口味，款款都咁正~ 鹹味甜味都有，包括麻辣雞絲煎餅，芫茜火腿煎餅~ 甜味除咗原味香蕉煎餅，都推介Nutella榛子醬香蕉煎餅，榛子醬配香蕉餅係絕配~當然都好邪惡~兩個人一齊share食就無咁膩啦~ 芝麻麻薯煎餅都係人氣之選~ Foodie 泰式煎餅 地址：九龍旺角廣華街1號潮流地域地下G23號舖 圖片來源：@cherb.space、@foodie_mongkok

By yip kat

March 3, 2022August 4, 2022

台灣過江龍牛肉麵段純貞x日出茶太登陸旺角，主打眷村風味牛肉麵~ 去台灣幾乎每日食牛肉麵嘅小編真係好掛住台灣正宗牛肉麵～ 必試原味牛肉麵，湯底比較濃藥膳味，直接飲味道都唔錯，牛肉軟嫩入味～麵可揀手工麵，煙韌掛汁～ 另外店內主打嘅燉濃湯雞麵都係必試～湯底濃郁香甜，雞肉都幾嫩滑～ 仲有日出茶太嘅台式飲品～ 段純貞x日出茶太 地址：旺角太子道西193號MOKO新世紀廣場3樓360號舖 圖片來源：@hungryy_fatty、@food_fatjai、@4waieat

By yip kat

March 2, 2022August 4, 2022

今次介紹呢間冰室主打蛋包飯同石燒牛~，因為性價比高都頗有人氣~ 香煎奈良車打芝士牛肉餅咖喱蛋包飯：擺盤精緻，分量充足~好飽肚，咖喱調味就唔夠辣。 個蛋都幾滑~ 另外石燒都係店內主打，推介300度火山燒聖安娜安格斯封門柳，肉質比較嫩~ 午餐還附送小餐湯 火山燒 (荃灣) 荃灣大壩街75號地舖 圖片來源：@nofoodnolife030、@852foodiegram

By yip kat

March 2, 2022August 4, 2022

身為一個抹茶控+麻糬控，抹茶加麻糬呢個組合真係好難抵抗～ 今次介紹一間網店，主打忌廉戚風蛋糕同巴斯克芝士蛋糕～兩款蛋糕都有抹茶麻糬嘅組合！ 抹茶麻糬蛋糕仲會灑上金箔，送俾朋友大方得體又啱打卡！5吋售價$350～價錢合理。 隔住mon都聞到一陣抹茶味，蛋糕好誘人，抹茶忌廉係用小山園抹茶，食落甘甜香濃，配上麻糬同朱古力脆脆，口感豐富～ 仲有抹茶麻糬巴斯克芝士蛋糕都好吸引呀～ 網店可選擇荔枝角交收～荔枝角返工嘅朋友仔可以留意下～ 網店：IG @lesfilles.hk 圖片來源：@food_fatjai、@lesfilles.hk

By yip kat

March 1, 2022August 4, 2022

港島區好似周圍都係高樓大廈同商場，行到好厭？不如去行下公園，睇下綠植，散下步放鬆下心情啦~ 估唔到公園入面仲有咁壯觀嘅瀑布~ 建築物都好有特色~ 假日悠閒漫步都幾放鬆~ 公園內仲有彩虹橋都好靚呀~ 仲可以參觀茶具文物館~（需要留意開放時間） 香港公園 地址： 香港中區紅棉路 19 號 注意事項： 1.由於疫情關係，茶具文物館暫停開放直至另行通知。 2.香港公園部分設施都暫停開放，敬請留意。 圖片來源：@ thehkcouple、@hrll

By yip kat

March 1, 2022August 4, 2022

今次介紹呢間豆漿大王一共有三間分店，不過得新蒲崗分店得到米芝蓮推介~ 必試招牌正宗上海粢飯配鹹豆漿！ 其他食物味道都唔錯，推介祕滷肉碎拌麵，五香肉骨麵~ 小食都有多款選擇，包括炸饅頭、煎餃子~整體食物質素都唔錯~ 豆漿大王 地址：新蒲崗大有街34號新科技廣場地下9號舖 圖片來源：@venus_foodholic、@kckmfoodie

By yip kat

February 28, 2022August 4, 2022

今次介紹呢間小店受到雞蛋仔關注組大力推介，其中小店首創嘅豬柳蛋雞蛋仔係人氣之選！ 豬柳蛋漢堡就成日食，豬柳蛋雞蛋仔估唔到都係一個好夾嘅組合！ 粒粒飽滿，外脆內軟~ 鹹味嘅雞蛋仔食落唔會太膩，但都幾飽肚~每一粒都會食到豬柳同蛋，仲鋪滿芝士，食落好滿足！ 每底雞蛋仔都係即叫即整，熱辣辣食先最好味！ 另外仲有多款口味，包括手撕雞，抹茶，蘋果玉桂等~有興趣都可以試下呀~ 除咗雞蛋仔，當然唔少得格仔餅~推介抹茶紅豆格仔餅~ 潮食 地址：沙田乙明邨街9號地下乙明邨街市2-3號舖 圖片來源：@ joyfull_foodstagram、@lummmdou.eatwhat

By yip kat

February 28, 2022August 4, 2022

油麻地呢間小店主打爆餡三文治，每款都好足料！仲有多款口味~特別推介香蔥芝士咸牛肉滑蛋同芋泥肉鬆~ 除咗三文治，仲有蛋餅都值得一試！三文治平均都係三十幾蚊，幾抵食！ 香蔥芝士鹹牛肉滑蛋三文治：蛋好滑，配上鹹牛肉同芝士，口感豐富。 芋泥肉鬆都係人氣之選，滿滿嘅芋泥，仲有芋泥粒，配上肉鬆，鹹甜搭配唔會覺得膩~ 另外都有創新口味，香濃沙嗲牛肉滑蛋三文治~呢款就比較適合重口味人士，比較濃味~ 招牌勁芫茜餐肉滑蛋都係大大份，芫茜控唔可以錯過啦！ 大吃大喝  地址：油麻地窩打老道9-11號榮德大厦西翼地下A2-A3號舖 圖片來源：@poorjjfoodie、@wodafoodieb、@foodlover_food

By yip kat

February 25, 2022August 4, 2022