精品咖啡好多香港Cafe都有，但精品朱古力大家唔知飲過未呢？今次介紹呢間Cafe主打精品朱古力~ 店內有唔同產區嘅可可豆，包括泰國、台灣等等，每個產區各有風味，可以試到同平時飲嘅朱古力完全唔同嘅味道。 配上甜品歎杯精品朱古力~暖笠笠~ 另外推介冷泡可可茶都值得一試~ 搵日假日去嚟一場精品朱古力之旅啦~ Chokohood 地址：大坑銅鑼灣道90-96號地下92(E)號舖 圖片來源：@littlefoodiejojo、@manman.hygge
平時去昂坪搭纜車幾分鐘就到，唔知大家有冇試過行上去呢？ 昂坪棧道行山路線係屬於中上難度，唔太適宜新手去。因為全程需要較多體力，完成時間需要四小時以上。 沿途風景好靚，企喺棧道，被樹林包圍嘅感覺好似置身於古裝情境～行過有種大俠feel~ 仲可以喺纜車下影相～ 全程梯級比較多，部分路段係木板搭建～ 前往方法：乘搭新大嶼山巴士38號於東涌逸東邨落車 路線：逸東邨 – 東涌侯王古廟 – 昂坪棧道 – 昂坪市集 回程可選擇於昂坪市集搭巴士 注意事項： 1.部分木板不太穩固，需小心扶著扶手上落。 2.全程不設補給站和廁所。 3.需預留足夠時間登山，避免天黑時上山。 4.留意天氣狀況，避免雨天上山，亦要注意雨天後地板濕滑避免上山。 5.需帶備足夠食糧。 圖片來源：@tibby_chiu
長洲咁多嘢食，食完嘢就要運動下啦～去參觀下長洲嘅鳥居，欣賞港版函館壯麗景色啦！ 沿途景色優美～由長洲渡輪碼頭，沿著長北路行，路程大概一個鐘就會行到鳥居～位於長洲配水庫附近公園入口～ 再行三分鐘左右就會到達北眺亭～入夜後景色優美，有不少網民冠以港版函館之稱～ 喺北眺亭可以俯瞰長洲，遙望南丫島、喜靈洲。景色壯麗～ 可以睇到長洲小島嘅全貌，原來長洲係咁靚～ 下次長洲除咗食嘢都可以去行下～ 長洲北眺亭 路線：長洲渡輪碼頭-長北路（行上山）- 長洲配水庫-長洲北有蓋配水庫公園（鳥居）- 北眺亭 注意事項： 1.影相需注意安全。 2.入夜後冇街燈，需帶備電筒或其他照明設備。 3.需量力而為，結伴同行。 圖片來源：@ngaicathui、@j__o__j_j、@foodiary.hk
