Open Tour
最近百年古跡和昌大押新開咗一間懷舊粵菜，餐廳環境特具古典氣息，亦不失華麗氛圍~ 好似灣仔呢個新舊融合嘅地區，和昌飯店都係主打老菜新做~用創新嘅方法演繹經典粵菜，仲會加入茶嘅元素。 墻身係墨綠碎花紋，好啱打卡~ 座位亦好舒適~餐廳有兩層，二樓係包廂，適合家庭聚會。 分別有綠色、黃色、粉紅色三色廂房，每間包廂都連埋露台~ 店內一共有20多款高級茗茶，推介白蘭花茶，有淡淡嘅白蘭花香氣，清新解膩。 雙囍富貴鴿：以鳥巢嘅方式呈獻非常吸睛，乳鴿皮薄香脆，肉汁豐富，配上茶燻鴿蛋，幾有特色。 鳳梨咕嚕肉：外脆內軟，中間仲保留到豐富肉汁，配上爆炸糖好特別。 和昌炭燒叉燒：口感鬆軟，帶有炭燒味，炭燒做法令到叉燒更加香口，減少甜膩嘅感覺。 富貴牡丹花：將蝦肉切成牡丹花嘅形狀，睇得出師傅精湛刀工，賣相精緻，蝦肉爽彈清甜，配上龍蝦汁特別惹味~ 點心拼盤（桂花香桂花魚餃、蘿蔔手作千絲酥、三文魚釀茶香豆腐）：尤其推介桂花香桂花魚餃，有清香桂花味，皮薄彈牙。 薑蔥鮑魚汁蝦籽撈麵：食落鮮美惹味，麵嘅口感彈牙。 松茸白菜：呢道菜非常考究師傅刀工，睇到賞心悅目。 羊肚菌燉螺頭：湯汁清甜香濃，螺頭都好鮮甜，用料講究。 甜品拼盤（百利咖啡蛋撻，山西棗黃椰汁糕、公利蔗汁卷） 特別推介公利蔗汁卷，食落清甜~ 另外棗黃椰汁糕都好出色，棗香味香濃，唔會好甜，口感煙煙韌韌，好味。 整體而言，食物味道出色，擺盤精緻，用料講究，值得一試！ 和昌飯店 地址：灣仔莊士敦道62號1至2樓
今個2月，為期2個幾月嘅RAZE 銅鑼灣限定店以“Across the Universe of Art & Fashion”作為結幕主題。今次pop-up store聯乘潮流服飾品牌、藝術家及科幻藝術館舉行一系列展覽及活動～ RAZE 銅鑼灣限定店係有三層～ RAZE x Billionaire Boys Club @限定店G層 今次限定店佈置主要係以BBC代表性太空人標誌同宇宙作為主題~ RAZE聯乘知名潮流服飾品牌Billionaire Boys Club推出咗限量版「星塵藍」口罩，口罩中間含帶有光觸媒溶噴布層，顏色有個性得嚟又易襯衫。 RAZE x Billionaire Boys Club限定版「星塵藍」口罩全球限量1,500盒，2月19日於RAZE銅鑼灣限定店及BBC中環限定店獨家發售，更多詳情請留意RAZE及 BBC社交媒體公佈。 另外G樓都會有一個太空主題嘅花園可以入去打卡影相～ RAZE x Lingmuki – Supernova 超新星藝術展覽@限定店1樓 一樓係RAZE聯乘新晉藝術家Lingmuki嘅畫展，利用RAZE+光觸媒抗菌漆畫咗12幅作品。而作品中用到嘅10隻顏色亦係10款RAZE出過嘅口罩顏色。 除咗畫作，仲有太空人主題雕塑和佈置～ 呢個雕塑係外星人同太空人一齊camping～好得意呀～ RAZE x TELEPORT – 科幻藝術體驗館@限定店2樓 2樓就係RAZE 聯乘TELEPORT嘅科幻藝術體驗館，體驗館會轉換唔同圖案，仲有多個互動元素。 感覺好夢幻呀，打卡一流！ 只要行過或者揮動手臂畫面都會轉變～ 當然唔少得自拍啦～ 想去就要快啦！限定店做到2月21號～ RAZE銅鑼灣限定店 地址: 銅鑼灣啓超道16號地下至2樓 （地鐵站F1出口，希慎廣場對面） 開放日期：2022年2月10日至21日 詳情：https://bit.ly/3uSorFF
