Open Tour
今次小編推介呢間位於佐敦嘅文青咖啡店，小店售賣各款輕食、小食、咖啡同茶類，連食物都好特別㗎~嚟到一定必試呢個招牌龍蝦湯配烏冬或飯，因為係用個金色茶壺裝起啲龍蝦湯，門口仲有兩張長凳俾大家打卡，門面裝修以木系同白色為主調，兩旁更擺放大棵植物，令人感覺非常放鬆，大家不妨假日過嚟放鬆下！ 招牌龍蝦湯配牛油果大蝦稻庭烏冬，平時出街食麵最怕啲麵浸到軟腍腍，今次呢個set就好貼心~用茶壺將龍蝦湯另上，真係好IGable~ 入面仲有牛油果、新鮮蝦球、木魚花同雜菜。 味增蟹醬蟹籽蟹肉扁意粉，食落忌廉味道好香濃，啲意粉煮到Al dente口感，啱好可以掛住啲忌廉汁。 主食方面，仲可以揀呢個梅子素麵配吉列蝦。 野莓梳打，酸酸甜甜好開胃，好啱夏日炎炎整番杯。 Mocha，嚟到見到個咁靚嘅拉花，即刻心情都靚晒。 除咗咖啡之後，都有玫瑰茉莉花茶、菊花茉莉花茶可以俾大家選擇。 甜品方面，有法式焦糖香蕉西多士。 不籽是咖啡 地址：油麻地彌敦道450號文豪閣地下D號舖 電話：2322 2849 營業時間：11:00-21:00 圖片來源：@foodaholicbunny、@_not.just.coffee
一年一度嘅「鹽田梓藝術節2021」開始喇，知道大家假期都係鐘意去郊外，小編就推介大家可以去擁有香西貢後花園之稱嘅「鹽田梓」探索下，呢度有多款藝術品俾大家參觀，例如大型玻璃屋、竹藝作品、藝術屋，早前因限聚令關係一度關閉，宜家終於可以開放參觀，仲有幾個時段可以選擇，即刻睇有咩玩！ 碼頭附近嘅風鈴作品，《歸家》歡迎每一位訪客來臨參觀鹽田梓。 鹽田梓玻璃屋，《鹽光之所》展示鹽結晶嘅藝術形態，探討鹽嘅各樣可能性。 行入小小，大家可以見到呢個作品，由藝術家許嘉雄結合竹以精煉嘅竹藝及紮作技巧創造出。 嚟道鹽田梓，又點少得嚟到打卡必到地方-玉帶橋，好多遊客都會喺呢度影相打卡，因為水面波平如鏡般嘅水，大家低炒影相時候可以影到天空之鏡嘅感覺。 宜家開放鹽場俾公眾參觀，大家可以根據自己時間選擇。 嚟到本地鹽場，當然可以選擇買番一樽本地鹽，支持本地鹽業持續發展。 鹽場開放時段：詳情查詢 星期一至六：三節 1130, 1430, 1530 星期日及公眾假期：四節 1130, 1330, 1430, 1530 圖片來源：@yimtintsaiartsfestival、@maau.jyu 資料來源：鹽光保育中心
創立於1970年代嘅日本京都昭和喫茶店，將於旺角新世紀開始全新海外第一間分店，新店設計充滿復古設計，更設有自家焙煎嘅咖啡豆、虹吸咖啡，仲有必試嘅招牌原味鬆餅（Hot Cake）、香港海外分店限定及每日限量嘅忌廉焦糖吉士布丁、以及一系列日本喫茶店輕食及自家製甜品。 招牌原味鬆餅（Hot Cake），呢個舖頭招牌，大家嚟到都一定係必試嘅。 忌廉焦糖吉士布丁，呢個只限香港分店有售賣，同埋每日數量限定。 多款和洋風輕食，包括全日早餐、糖心蛋沙律吐司，蝦肉牛油果醬日式牛角包等等。 招牌虹吸咖啡，香港少有咖啡店設有虹吸咖啡，大家都不妨過嚟試下。 昭和雪糕梳打，設有三款口味，包招巨峰葡萄、白桃及甘王草莓。 Sonia Coffee （試業期間） 地址：旺角新世紀廣場MTR層M52舖 營業時間：08:00-22:00 電話：2398 8835
香港港麗酒店Conrad Hong Kong聳立於金鐘高端購物娛樂中心太古廣場之上，樓高61層，是地處香港商業樞紐的豪華酒店。又有超豪華住宿酒店優惠！人均$1210起入住豪華山景客房（特別日子免費升級至豪華海景客房），可於咖啡園享用「環球海鮮及燒烤自助晚餐」、雙人自助早餐、春夏外攜下午茶，仲可以住足24小時，生日月份或週年紀念仲有特備禮遇，酒店仲24小時開放健身室及戶外恆溫泳池讓客人享用。 豪華山景客房。 自助晚餐供應多款環球鮮美海鮮 ，包括: 波士頓龍蝦 、琵琶龍蝦 、法國麵包蟹、阿拉斯加雪蟹腳 、澳洲青口 、凍蝦等。 池畔燒烤區，供應超過十款燒烤美食，如：羊架、豬肋排、雞翼同自家製迷你漢堡等。另設戶外烤爐現焗正宗意式Margherita薄餅。 Garden Café咖啡園，用餐環境。 雙人自助早餐。 樂聚廊，外攜精緻下午茶禮盒。 生日月份/ 週年紀念享特別禮遇（請於訂購時備註）。 入住送港麗小熊、小鴨，小童入住可獲準備其專屬配套，如：洗漱用品配套。 戶外游泳池。 香港港麗酒店 Conrad Hong Kong 地址：香港金鐘道88號太古廣場 預訂日期：即日起至2021年年5月28日 住宿日期：2021年5月23日至2021年7月10日 電話： 2521 3838 訂購網址： 立即訂購
夏日炎炎，相信大家都唔想出門，大熱天時有咩好做，梗係歎冷氣喇！小編推介呢個治愈系藍色精靈下午茶，餐廳環境都幾闊落，中間有一棵藍色大樹，影相打卡好IGable，即刻睇有咩食喇！ 全個環境都好有feel~藍色燈光配上啲樹木，猶如置身童話咁。 木製層架真係好特別嘅，下午茶共有8款食物，包括日式炸豆腐、芝士年糕、鬆餅、軟心布朗尼、乳酪杯、雲卷同埋蘋果撻。 頂層：香芋雲卷、朱古力Brownie、蘋果撻、鬆餅。 中層：意式番茄蝦多士、芝士年糕，底層：明太子玉子燒、法式檸檬撻。 至於抹茶蕨餅，紅豆白玉抹茶布甸（圖：右），係需要另外加錢order嘅。 Golden Mist 飲品，由桂花、茉莉茶同茶混合而成。 Sensu 地址：荃灣楊屋道1號荃新天地一期UG樓78號舖 電話：2885 0968 營業時間：12:00-22:00 圖片來源：@urfoodbuddies
唔知大家對香港字嘅歷史了解有幾多呢？香港字嘅歷史源遠流長，經歷過百年嘅演變，成為日常生活中各具特色嘅中文字，當中不同大小、形狀、設計亦蘊藏豐富嘅字藝文化，香港字藝展覽由即日起至6月9日，將透過一系列工作坊同香港字專家，為大家結構香港字嘅歷史。 「拾字看城」展覽中香港字藝展覽3米闊打卡牆蘊藏新式合體字。 「活字印刷」用作印刷報紙、發票、戲票等，稱得上是當年不可或缺嘅字藝。隨著科技進步及時代變遷，越來越少人使用人手印刷，因此活字印刷面臨失傳嘅危機。在懷舊和文化保育嘅熱潮下，碩果僅存嘅手搖照鏡印刷機及經典技術將在展覽中的重現大家眼前。 「手寫字」嘅招牌、標語及告示在香港隨處可見，包括舊式茶餐廳、海味店等。更是獨特嘅字藝，充滿人情味嘅一橫一撇，都是字匠和招牌師傅嘅心血結晶。 「膠牌招牌字」遍佈舊區街頭，最經典嘅莫過於白底紅字招牌，由亞加力膠片製造。 「馬路字」可謂道路使用者的「指路明燈」，顧名思義出現在香港街道、高速公路及停車場等。 「霓虹光管字」外型吸睛，色彩繽紛的霓虹光管晩上豎立在街道兩旁，為熙來攘往的街道點綴。 「拾字看城」香港字藝展覽 展覽日期：即日起至2021年6月9日 展覽時間：11:00-20:00 地點：將軍澳廣場一樓中庭 （地址：將軍澳唐德街1號）
今次推介去呢個Cafe非常特別，位於花園道纜車站側邊嘅咖啡店，仲可以零距離同纜車影相打卡，除咗室內位置之外，呢度仲有個花園仔可以俾大家坐。 咖啡店最佳打卡位，絕對係坐係窗邊，有纜車經過時候即刻影番張。 坐係窗邊食番個All day breakfast，仲配埋個龍蝦火腿忌廉通粉，真係超醒神。 菠蘿幻彩新地。 出邊個小花園仲擺放幾張座椅，仲有個小鞦韆都可以坐㗎。 玫瑰Latte同抹茶Latte都唔錯，大家都可以嗌嚟試下。 大家假日不妨都過嚟呢度放鬆下，同朋友嚟番個輕旅行~ Tram View Cafe 地址：半山䌫車徑2號地舖 電話：2323 6873 營業時間：星期一至五 11:00-19:00 ｜ 星期六至日 10:00-18:00 圖片來源：@vanessafooddiary、@melody.eathard
今次介紹嘅呢間Bagel小店，數月前由網店轉戰實體舖，喺IG售賣時創下最高記錄每日100個，平時上網買就要等交收先有得食，今次有實體舖就唔同啲喇~大家可以現場食到新鮮嘅Bagel，口感更加煙韌，實體店除咗有Bagel食，仲有提供多款輕食、甜品同飲品，即刻睇有邊幾款！ 近年紫薯口味嘅食物大熱，連Bagel都有紫薯口味，超級多爆餡紫薯，鐘意食紫薯嘅你一定唔可以錯過。 焙茶奶酥麻糬口味，呢個食落口感都幾豐富，麻糬同Bagel都係煙韌口感，再配埋焙茶奶酥，都幾特別。 仲有個芝士粟米口味。 韓式辣醬豚肉口味，味道小辣偏甜，都時候大多數港人口味嘅。 黑芝麻肉鬆口味，啱番鐘意食肉嘅朋友，適合一啲偏好食咸包人士。 小山園抹茶卷蛋卷，夏天整番件綠茶蛋糕超爽，嚟梗仲會推出多款新口味添，包括仲有好多新口味想出街 京都焙茶、芒果熱情果、皇家伯爵茶、焦糖可可。 BAGE by 404LOTFINE 麻糬貝果專壳Cafe 地址：旺角豉油街10號地舖 電話：6252 8812 營業時間：10:00-18:00 圖片來源：@bforbagel_404lotfine
平時大家去Cafe係咪去到厭晒呢？不如試下啲惹味星馬菜喇，呢間小店位於大角咀，主打星馬菜嘅，小店店面雖然夠大，但非常旺場，都建議番大家預留時間排隊~即刻睇有咩好嘢食。 嚟度梗係必試佢嘅招牌厚切8安士厚切咖喱豬扒飯，豬扒分量好足，仲配有印度咖喱送飯，印度咖喱微辣偏甜，送飯一流~豬扒都炸得幾鬆軟，入口軟嫩。 爐燒豬頸肉叻沙，正宗喇沙通常都係油麵同米粉兩溝，有芽菜、溏心蛋同魚蛋等等。 焗咖哩雜菜農夫包，一家人或者朋友share食呢個就最啱，上檯時候超大份，上面啲雜菜、豬扒擺到滿瀉。 星加坡咖央多士，多士烘得都幾鬆脆，如果咖央味道可以多番些小咁就完美啦！ 必試呢個馬拉肉骨茶，絕對係馬拉西亞名物，味道鮮甜，同埋好濃嘅藥材味。 唔知食咩好？大家嚟道門口可以見到佢地手寫是日精選餐單，已經寫好啲招牌菜俾你揀！ 星洲總廚 地址：大角咀大全街57號地下 電話：3590 3326 營業時間：12:00-22:00 圖片來源：@_magneat、@girlsfoodies
香港朗廷酒店推出咗專為海鮮迷而設嘅住宿優惠！人均只需HK$944 (含10%服務費）起，平日入住仲可免費升級城市景豪華客房(公眾假期及前夕除外)，一泊四食，享自助早餐、下午茶美點、黃昏雞尾酒、小食，同埋可以喺米芝華指南推介之Bostonian Seafood & Grill享用二人【生蠔．龍蝦．頂級熟成牛柳 Surf & Turf】4道菜晚餐，入住送紅酒、迎賓果盤，生日紀念日保證獲贈驚喜禮遇。 城市景豪華客房（DELUXE CITY VIEW ROOM） 城市景豪華客房 – 浴室 城市景高級客房（SUPERIOR CITY VIEW ROOM） 於Bostonian Seafood & Grill 享用二人「生蠔．龍蝦．頂級熟成牛柳 Surf & Turf」4道菜晚餐，Bostonian Seafood & Grill為米芝蓮指南推薦港澳5 家不可錯過的扒房之一，設計糅合復古船塢元素，現代化工業風格。 餐廳全面選用頂級食材及可持續海鮮，致力提供薈萃多國美食精髓的優質時令海鮮及烤肉美饌。 入住翌日於The Food Gallery享用自助早餐。 入住送紅酒、生日月份及週年紀念可享精選禮遇。 於酒店頂層的室外泳池中暢泳、享受日光浴。池邊亦備有豪華舒適的躺椅和水力按摩池。 樓高2層的健身中心，配備先進齊全，設有各類有氧運動設備，以及力量和重量訓練器材。 香港朗廷酒店「生蠔．龍蝦．頂級熟成牛柳」詳情︰ 銷售日期：2021年5月17日22:00至5月24日23:59 入住日期：2021年5月18日至7月31日 酒店地點：香港九龍尖沙咀北京道 8 號 訂購網址： 立即訂購
