Open Tour
日本名古屋人氣過江龍班戟店登陸荃灣！呢間班戟店上年已於九龍灣落地開舖，今次終於跳出九龍區，新界嘅朋友仔都有得食喇！今次仲有新店限定口味，沖繩紫薯梳乎厘班戟、夏威夷牛油果大蝦班戟漢堡、夏威夷芝士班戟漢堡，三款口味各有特色。 沖繩紫薯梳乎厘班戟，由2mm嘅日本沖繩紫薯蓉條冚實梳乎厘班戟，面層鋪上栗，食落口感層次非常豐富，口感軟綿綿，鐘意食紫薯嘅你切勿錯過喇！ 夏威夷牛油果大蝦班戟漢堡，厚身版嘅班戟代替漢堡包，入面有大蝦、牛油果、蜜糖芥末醬，食落清新開胃！ 夏威夷芝士牛肉班戟漢堡，呢款創意漢堡同牛油果大蝦漢堡果款，都係日本總店早前先推出，中間係用上牛肩肉製成嘅漢堡扒，食落肉感都幾扎實。 Hoi Hoi Lemonade（圖：前），香桃茶（圖：後）。 大家嚟到荃灣分店記住一定要試限定口味啊！ Pancake House HoiHoi 地址：荃灣楊屋道1號荃新天地1樓117號舖 營業時間： 星期一至五 12:00-22:00 星期六至日 11:30-22:00 電話：2383 3860 圖片來源：@eat.rice.see
位於大埔靈顯法院入面嘅樹屋，靈顯法院由海法師於1953年師建立而成，而樹屋就係隱藏於小靈山（靈顯法院）入面，大家前往時候切勿大聲喧嘩，始終呢個地方係屬於寺廟擁有，切勿阻礙他人參拜。另外，小編都建議大家去嘅時候穿著長衫長褲，因為附近比較多樹木，蚊蟲都會非常多。 小靈山顯靈法院。 樹屋周邊全部都係樹木。 大家可以見到樹屋已經荒廢咗好耐，剩餘幾枝柱都被樹根緊緊包住，可想而知應該好多年了。 建議番大家都係企係呢啲位置影相打卡就好喇，另注意切勿亂拋垃圾，自己垃圾自己帶走，切勿破壞環境。 雖然側邊有條小樓梯，不過都唔建議大家上去，因為荒廢多年嘅房屋可能涉及安全隱患。 全個樹屋都係比一顆大榕樹包圍。 前往樹屋地址比較複雜，大家可以根據以下呢幅地圖去搵下。 交通： 太和火車站A出口→太和廣場→錦和橋→錦石新村→沿著路牌往「蓮澳」方向→露天停車場→左邊有條小路行到最入→「咩咖探嘩哪一林寺」果度就係泰國寺→泰國寺行入去左手邊樓梯下去，就會見到樹屋。 圖片來源：Facebook@HKD、@tibby_chiu、xiaohongshu@weilthatter 資料來源：靈顯法院
金鐘區人氣五星酒酒店奕居豪華住宿優惠，一晚房價$2860起包兩大一細（12歲或以下）免費早餐同埋加餐服務，一家大細嚟玩真係十分超值啊！入住可享雙人早餐連下午茶仲可以免費升級至Studio 80 豪華房，星期六日仲可以及參加健康班，生日或週年紀念日尊享禮遇。 Studio 80 豪華房，入住期間仲可以可享免費享用房內Maxi-Bar（酒除外），無限點播客房高清電影及爆谷。 下午茶將於入住當天3:30pm至5pm雙人享用。 於4月剛開幕的全新頂層餐廳 Salisterra 享用雙人早餐。 於星期六及日參加團體健康班，免費享用24小時健身室。 The Upper House 奕居酒店住宿連餐飲優惠 銷售日期：即日起售完即止 入住日期：2021年6月1日至2021年8月1日 酒店地點：香港金鐘道88號太古廣場 訂購網址： 立即訂購
疫情下無得飛，大家係咪都好掛住台灣呢？小編就最掛住台灣美食、台灣風景，真係頂唔順喇！宜家Kkday聯乘台灣觀光協會(香港辦事處)於推出「想見你，台灣!」推廣活動，等大家安坐家中一樣可以遊覽台灣新景點，記住要搶5折預購台灣旅遊產品現金劵，梗係唔少得享用埋獨家優惠訂購台灣美食。 重點推介一：重遊神劇《想見你》拍攝場景 台灣神劇《想見你》於台灣推廣活動中邀請駐台香港Youtuber 狄達 TiKToK及Oscar 奧斯卡係帶大家遊走台南。 多個拍攝場景，包括鳳南高中（鳳和高中）、莫奶奶冰店（龍泉冰店）、漁光島、安平老街等等﹐俾大家眼睛去旅行。 仲有唔少得嘅台南美食，包括：蚵仔煎、阿財牛肉湯、啞巴麵線等，睇見都垂涎三尺，更加掛住台灣味道。 重點推介二：必搶5折台灣旅遊現金劵 5折預購未來台灣旅遊現金券，以HK$ 50購買價值HK$ 100 的台灣旅遊現金券(限量500張，售完即止)。日後，台灣旅遊現金劵碼可於KKday平台上選購各式台灣商品，包括：民宿住宿、水上活動、在地體驗、一日遊活動、餐飲美食等等 (景點門票、交通車票、Wi-Fi、SIM Card及伴手禮商品除外)。於2022年12月31日或之前出發，即可於預訂時即時抵扣HK$ 100。絕對係為未來嘅台灣之旅作好準備，以震撼價預先選購 KKday 台灣旅遊現金券，提早計劃未來的旅程。 於2022年12月31日或之前出發，即可於預訂時即時抵扣HK$ 100。絕對是為未來的台灣之旅作好準備，以震撼價預先選購 KKday 台灣旅遊現金券，提早計劃未來的旅程。即睇以下詳情！ HK$100現金券銷售價格：HK$50 (限量500張，售完即止) 適用之台灣產品：民宿住宿、露營、水上活動、在地體驗、一日遊活動、餐飲美食等 (景點門票、交通車票、Wi-Fi、SIM Card及伴手禮商品不適用) 現金券兌換期限：2021年7月1日至2022年12月31日(出發日於2022年12月31日或之前) 搶購現金券鏈結： 立即訂購 優惠受條款及細則約束，詳情請參閱現金劵頁面。 重點推介三：偽遊台灣 線上之旅 KKday仲準備咗多款線上旅行團讓大家安坐家中，都可以隨時欣賞台灣實時美景、了解當現風土民情、參與活動。線上旅行團包括：平溪放天燈，可代許願、艋舺龍山寺，參觀台灣寺廟建築藝術之美等等。 重點推介四：台灣手信直送香港 可獲贈額外100 KKday Points當錢洗 KKday 平台上過百款台灣手信，由糕點、麵食、當造水果到期間限定禮盒，以至工藝品、小手作均一一為大家搜羅。於2021年6月20日或之前，「想見你，台灣！」推廣活動期間，首100位購買精選台灣手信的KKday 港澳會員，可額外獲贈100 KKday Points。邀請朋友齊齊下單，又可賺取600 KKday Points。所獲贈之KKday Points 有效期一年，可用於下次消費時當錢抵扣訂單金額。 台灣高雄必買手信： 1.武松殿 台灣50 年老味道混合綠豆沙及滿到炸出來的手工肉鬆，使用的是台灣本土豬肉鬆，皮薄餡多。 HK$155/盒（九龍灣自取） HK$160/盒（2盒起訂，順豐直送） 預訂連結： 立即訂購 2.江記華隆豬肉紙/豬肉乾/牛肉乾 迪化街上嘅江記華隆商行老字號的招牌，是許多台北人過年過節或是贈送親朋好友伴手禮的第一選擇。 HK$112/包（2包起免運費）｜杏仁豬肉紙(180g)/原味豬肉紙(220g)/原味豬肉乾(300g) HK$118/包（2包起免運費）｜原味牛肉乾(300g)/黑胡椒牛肉乾(300g) 預訂連結： 立即訂購 3.陽光菓菓台灣水果乾水果酥牛軋糖 台灣產當季水果原料製成的台灣水果乾，利用低溫乾燥，呈現口感，將水果的美味香甜保留在每一片果乾中。 HK$180/盒（2盒起免運費）｜陽光菓菓愛文芒果酥 HK$80.2/包 （1 組5包，總價HK$401）｜陽光菓菓台灣水果乾：1組包含愛文芒果乾、無添加鳳梨乾、草莓乾、無添加火龍果乾、情人果乾各 1 包 預訂連結： 立即訂購 […]
平時大家食刨冰就食得多啦，今次呢個係由北海道老闆開設嘅刨冰店，由多款刨冰選擇，不時更會推出期間限定口味。呢度嘅刨冰份量大，仲可以配住唔同嘅醬料或配料食，呢度連冰都係日本進口純淨水製造嘅，事源呢度嘅北海道老闆希望將刨冰還原有日本食嘅感覺， 當然要試店內最招牌嘅抹茶忌廉焦糖味日式刨冰加白玉，呢度嘅刨冰口感好軟綿綿，抹茶食落仲有陣回甘添。 仲有呢個櫻花款綠茶味，入面暗藏抹茶味，雙重口感。 夏日炎炎，最好就係食番個芒果味。 焙茶黄豆粉忌廉味，好香濃嘅焙茶味，上面既黃豆粉蕨餅都煙韌，帶有淡淡黃豆粉味，再配埋黑糖漿。 店主萬聖節時候更會推出北海道南瓜味嘅刨冰，非常之有創意。 店主都好貼心咁喺門口放置幾張凳仔，俾大家排隊時候可以坐下。 SHARI SHARI Kakigori House 氷屋 地址：銅鑼灣希雲街14號地舖 營業時間：12:00-21:00 電話：2529 1223 圖片來源：@sharishari_hk
疫情下大家無得飛泰國，不如嚟元朗呢間餐廳感受下泰國風情喇！小編覺得真係好似去咗泰國咁啊，餐廳由村屋改建而成，採用半開放玻璃設計，空間感十足！噴水池、大象石雕、佛像都係泰國買番嚟，仲有太陽傘、帳篷、藤椅之類，感覺真係好似去到泰國咁~ 周圍都俾樹木包圍住，各位揸車人士呢度仲有個超大停車場，中午時分係免費停泊。 大家日頭過嚟影相真係超靚，呢度半開放玻璃屋影相好有feel~ 因為日頭都比較少人嚟，任你影都得。 噴水池入面嘅大象都係嚟自泰國。 泰國餐廳當然唔少得要嗌番個泰式生菜包。 仲有串燒、椰青同泰式豬頸肉。 旦黃花-泰越鍾情 地址：元朗錦上路148號地下 電話：2488 3263 營業時間：12:00-23:00 圖片來源：@dinosaurs_foodie、@rockyso0831、@mrs.sarahwong、@celinaaamc
韓國有壁畫村、台灣有彩虹眷村，香港亦都有光板田村！位於荃灣大帽山山腳嘅光板田村，一條普通嘅村落變成彩虹壁畫村，街道上嘅筆畫由小朋友、義工同村民共同創作出嚟嘅，令到冷冰冰嘅街道倍添溫馨。 先沿著樓梯級上，大家影相過程中，謹記保持安靜，呢度始終係一條有人居住嘅村落。 仔細啲睇，每隔幾級樓梯，就會有個玻璃球出現喺樓梯級嘅側邊，而且每一級都唔同顏色。 繼續沿樓梯上繼續上，唔難發現其他鄉村味更濃嘅筆畫。 呢度嘅筆畫多數反映村民嘅居住生活，樸實無華。 好多筆畫都係由天主教慈幼會伍少梅中學嘅學生設計+繪畫，有心思得嚟又靚～為光板田村增添不少生氣！ 繼續行上去都會發現關於大樹菠蘿嘅壁畫，因為光板田村盛產大樹菠蘿！ 光板田村有好多段小路，呢度都係其中一段，大家可以自由喺村落到穿梭，大家依然記得保持安靜，切勿破壞呢度嘅壁畫。 交通： 荃灣地鐵站→51號巴士/80號小巴→光板田村二段落車 圖片來源：@rockyso0831
位於大圍嘅雞蛋主題吐司專門店，近日已遷至新址重新開張，店鋪位置比舊店更開揚，門口設有幾張凳可以俾有寵物人士坐，店舖最受歡迎嘅盒子吐司有多款口味選擇，有軟殼蟹、煙三文魚同芝士滑蛋，滿滿餡料，食落超滿足。 焦糖雞蛋布丁盒子吐司，中間係雞蛋布甸，外皮係麵包捲住，食落口感Q彈，仲有好香嘅焦糖味。 金沙軟殼蟹牛油果滑蛋盒子吐司，大家對個軟殼蟹唔洗咁期待，中規中矩，唔會脆口。另外，蜜糖芥末醬味道濃烈，如果鹹蛋黃醬個味道可以再突出啲就更好喇，加分位就係佢用嘅甜番薯薯條。 吉列大蝦芫荽醬珍珠堡，如果唔想食三文治之類，大家都可以揀番呢呢個飯Burger都得，鐘意食芫荽嘅你唔好錯過，芫荽醬汁味道好重，夾層有兩隻吉列大蝦，不過食起上嚟都幾狼狽，因為啲飯壓得唔夠實淨。 飲品方面，大家可以揀番招牌奶蓋咖啡（圖：前），竹碳黑芝麻鮮奶（圖：後）。 E for Egg 地址：大圍城河道19-25號E號舖位 電話：5347 0262 營業時間：09:00-18:00 圖片來源：@linggholic_、@igfoodtaste
吊鐘洲屬於香港地址公園範圍景點，位於西貢滘西洲南端，由於長期受海浪拍打侵蝕，使岬角與岩體分離，形成海蝕柱名為「吊鐘岩」，亦因形狀與金魚外形相似，故此稱為「金魚擺尾」。 大家可以選擇從西貢碼頭坐快艇出發，約15分鐘船程，島上沒有碼頭，需踏海岸岩石登島。是日行程先步行到山上從高往下觀看金魚擺尾，然後再往下走到吊鐘拱門。 近睇，整個形態與金魚外形非常相似，因此而得名。 大家如果想坐係同一位置影相，必須注意安全。 由高空位置睇，原來海蝕柱「吊鐘岩」就係位於金魚尾巴之中，中間形成一條水路，同時吸引很多人前來玩獨木舟或潛水。 如果想落洞底，就必須徒手攀爬介乎75°至90°嘅山崖。 因為「金魚擺尾」長期被海浪侵蝕，岩中逐漸形成一個高30米嘅長形海蝕拱「吊鐘洞」。 被譽為香港最美嘅海蝕拱，並與橫洲、火石洲、沙塘口山齊名香港「四大海蝕拱」。 「吊鐘洞」形狀像寺廟嘅大鐘；當金黃色的陽光照射入內時，就會出現有如金鐘淩空倒懸畫面，「吊鐘」之名正是由此而來。 交通： 西貢碼頭→吊鐘洲→登島後沙灘右邊有一條小路（有絲帶為準）→約40分鐘路程→到達「金魚擺尾」 如想到達洞睇欣賞需要徒手攀爬介乎75°至90°嘅山崖（約40分鐘），或參加以下水上體驗之旅前往參觀，建議由專業人士陪同或直接放棄。 注意事項：愛護環境，自己垃圾自己帶走。注意安全，切勿高估個人能力。 如果大家都想嚟番個吊鐘洲半日輕旅行，體驗下私人水上體驗之旅行，啱晒一班朋友嚟玩喇！揸車人士仲可以免費過夜泊車（兩輛），咁就唔洗煩周圍搵車位啦~又可以玩過夜。即睇以下詳情！ The Pier 度假住宿優惠，四人入住都係人均$2000起，可以揀兩間兩間豪華露台房／海景露台房／尊貴海景房／尊貴海景露台房。 包4位早餐連水上運動套裝（含運動飲料、快乾毛巾、能量棒同防水背囊），仲包你4位水上體驗之旅（約3.5小時，於白沙灣上船同落船）。 夏日水上體驗詳情：行程約3.5小時 10:45 於白沙灣碼頭集合 11:00 出發往滘西洲 11:15 到達滘西洲及準備裝備 11:30 出發前往吊鐘洲 12:30 影相時間 12:45 返回滘西洲 13:45 收集裝備及更衣返航 14:30 到達白沙灣碼頭及解散 銷售日期：即日起至2021年8月31日 購買網址： 立即訂購 圖片來源：Facebook@HKD、@tibby_chiu 資料來源：西貢旅遊網
