Open Tour
位於大埔汀角山寮路嘅咖啡店，由白色貨櫃改裝成人氣打卡咖啡店，店舖周圍種植多款植物，戶外檯凳位置就好多，不過要喺室內歎冷氣影相打卡就真係一位難求~只係得一個位！而且呢度只係開星期六日，所以奉勸大家如果都想過嚟chill下真係要早啲嚟排隊等位！ 室內唯一一張餐檯，大家想坐喺度歎真係要提早嚟排頭位。 或者大家都可以揀呢張，戶外檯凳都一樣咁靚。 自家製蘋果批，呢度嘅蘋果批真係一定要試，酥皮帶有點焦糖香、內餡有滿滿嘅蘋果肉，帶有些少嘅肉桂香味。 千層蛋糕，口感同外形上都係不過不失，味道略顯有點淡。 紅石榴梳打（圖：下），巨峰提子梳打（圖：上），大家記得早啲嚟，因為啲食物賣晒就冇。 提提大家如果想坐某個位，就記得入座前要諗定啦~因為坐底之後就無得轉。 Mr Cardigan 地址：大埔汀角山寮路 營業時間： 星期六、日 14:00-18:00（ walk in only） 交通 ：大埔墟火車站～20C小巴(山寮)站 圖片授權：@eat5ting_foodie、@nicolemakk
香港康得思酒店推出超抵住宿優惠，雙人入住只需HK$1,888，即可入住1晚貴賓客房，貴賓會專享禮遇，可享用不同時段供應嘅小食、早餐、下午茶、開胃小食同埋各種款待，晚上6時至8時更可享用氣泡酒，入住當晚享用The Place 「味遊海陸世界」雙人自助晚餐，翌日於The Place 享用雙人自助早餐。 高級客房。 The Place 「味遊海陸世界」雙人自助晚餐，翌日於The Place 享用雙人自助早餐。 入住期間更可免費享用首輪房內迷你吧（不設補充，以及不適用於酒精類飲品及小食）。 贈送精選紅酒一枝。 而且於5月10日至5月31日入住時，每房可額外獲得「LUSHLUSH純素香氛皂試用裝換領券」兩張，享受完staycation後還有禮物帶回家，相當超值。 套餐包括： 1晚兩位高級客房住宿 LUSH浸浴產品一個 兩位享用The Place早餐 (每人價值 HKD233+10%) 氣泡酒一瓶 酒店客房內及公眾地方尊享免費寬帶上網服務 免費使用24小時健身中心及室外恆溫游泳池 (視乎政府政策) 免費享用PressReader閱報服務 香港康得思酒店快閃住宿套餐 銷售日期：2021年5月8日至14日 入住日期：2021年5月10日至7月31日 價錢︰港幣$1888/2人 地址: 香港九龍旺角上海街555號 訂購網址： 立即訂購
近年興踩單車，唔知大家又鐘意去邊度踩呢？嚟梗沙田新城市廣場推出單車加「友」站，多個免費單車車位，大家到時候喺沙田踩單車就唔洗擔心單車泊邊喇~又可以幫單車做自助保養。 單車加「友」站，設DIY 自助維修保養。 沙田本來就擁有完善嘅單車徑同設施，大家即日起去沙田新城市廣場1期1樓西翼，即享免費單車停泊位，仲可以幫你心愛嘅單車DIY自助維修保養。 小編今次為大家介紹呢個約30公里長嘅「新．沙田單車路線」，讓大家踩著兩個轆發掘沙田、大圍至馬鞍山附近嘅秘景。 包括沙田歷史最悠久嘅圍村同廟宇。 水泥橋底。 蘊藏深厚文化、文青氣息嘅博物館。 林蔭大道。 超IGable打卡嘅橙色天橋。 被CNN 評為「香港欣賞夕陽的最佳海灘」等景色，烏溪沙沙灘。 泥涌石灘。 大家仲看而已憑新城市廣場任何電子消費單據即可換領「龍記單車」租用全日單車即減$20！
香港愉景灣度假酒店Staycation快閃優惠，入住可升級全落地玻璃海景客房 Ocean Front 連雙人自助晚餐、美酒、自助早餐，只需HK$874/位(含10%服務費)起，星期日至四劃一價格發售。今次係KKday獨家禮遇，5月31日或之前入住每房送河馬毛絨玩具，大家記住把握機會~生日入住更可獲贈驚喜禮遇。 全落地玻璃海景客房Ocean Front。 【悠閒度假之旅】賓客於Cafe bord de Mer & Lounge豐盛環球美食自助晚餐，餐廳供應多款海鮮，包括蟹腳、大蝦、八爪魚等等，仲有日式刺身、凍肉拼盤、港式燒味等環球美食，另設多款口味MOVENPICK雪糕及精緻甜點、蛋糕任食。 如果想食埋自助早餐及野餐下午茶體驗，另設【離島野餐體驗】住宿套票，只需HK$659/位(含10%服務費)起。 香港愉景灣酒店內設兒童天地，賓客可以與小童一同免費使用兒童設施。 香港愉景灣酒店位於風光如畫的大嶼山，世外桃源，近在咫尺，由中環乘搭豪華客輪前往愉景灣，只需 25 分鐘，便可到達帶有歐陸度假風情，有如置身外國般，離開繁囂都市，享受一個恬靜寫意的假期，立即把握快閃優惠預訂愉景灣酒店 來個周末小旅行！ 香港愉景灣酒店【悠閒度假之旅】 價錢︰二人港幣$1748起 地址：香港大嶼山愉景灣海澄湖畔路88號 優惠期 (預訂期) : 2021年5月10日22:00至5月16日23:59 可選擇入住日期：2020年5月11日至2021年6月30日 訂購網址︰ 立即訂購
元朗有商場推出全新運動主題打卡裝置，仲有多款運動品牌大打折扣，場地分為足球、籃球、游泳、跑步、單車同滑浪，六大運動打卡位，場景超逼真阿~最佳親子打卡好去處！ 籃球場，喺商場出入口當眼處設置籃球場，並換上亮麗色彩，配合星形等圖案，增添活力氣氛。 游泳，讓訪客釋放活躍潛能，感受清涼快感。 跑道，大家著上運動衫，裝作起跑姿勢即可Chok出靚相。 最後，於YOHO MALL II八大打卡運動場景影出有趣相片，上傳到個人社交平台 (Facebook或Instagram帳戶)，標籤#YOHOMOVE及標記@yohomallhk即可參加，最有創意嘅50位參賽者可獲贈HK$100 YOHO MALL II購物贈券。 即日起至5月16日，於場內即日以電子消費滿HK$1,000，更可換領HK$50 YOHO MALL II 購物贈券！贈券可於指定參與商戶使用，涵蓋多個運動品牌。 YOHO MALL 地址：元朗朗日路8-9號及元龍街9號 創意打卡比賽 日期：即日起至2021年5月30日
今日，倫敦首屈一指嘅創意日式餐館aqua kyoto於「大館」內嘅Statement開設第二間期間限定店。這個全新餐飲概念透過創新的日式料理和Statement別致時尚嘅氛圍，為香港賓客帶來別樣滋味體驗。 三文魚紅菜頭沙棘果卷，經典卷物嘅大膽變奏版，沙棘係一種獨特嘅植物，原產於北歐山區和喜馬拉雅山，一直被用於醫藥同護膚產品之中，今次卻以此入饌。 三文魚煙燻大根卷，反卷以壽司飯包裹著三文魚、牛油果、煙燻大根同飛魚子蛋黃醬，面層再鋪上櫻桃蘿蔔、紅菜頭魚子醬。 黑松露鯛魚刺身，嫩滑白魚肉包裹著青瓜、細香蔥和西瓜蘿蔔，以切片醃製大根墊底，然後淋上香濃柚子醬，再刨上新鮮黑松露。 和牛餃子，創新嘅傳統菜，形狀像意式餃子，內裡盛滿和牛，佐以番茄、納西梨味噌醬，然後加上橘子珍珠作點綴。 味噌醃海鱒，鱒魚首先以味噌醬料醃製12小時，然後用烤昆布、羊栖菜粉調味，再以低溫慢煮方式烹調，香港首次亮相，堪稱最受期待菜餚之一。 鯛魚燒，魚形窩夫餅外層金黃酥脆，內裡鬆軟，備有朱古力、抹茶和雲呢拿三種吉士餡料可供選擇。 東京香蕉蛋糕，海綿蛋糕內包裹著香蕉醬，並配搭紫蘇青檸、椰子雪葩以及梅酒泡沫。 Aqua Kyoto@Statement 地址：中環荷李活道10號「大館」1座1樓 營業時間： 晚餐：星期二至日18:00-22:00 輕盈版早午餐：星期五：12:00-16:00 早午餐：星期六日及公眾假期：12:00-16:00 訂座電話：2848 3000
呢間位於紅磡嘅漢堡小店，主打外賣漢堡，菜單上嘅創意漢堡搭配經常會轉，今期新產品-「海膽吉列蠔羽衣甘藍」會每日限量發售50個，售完即止。仲有珍寶帆立貝雞肉口味、龍蝦口味同埋三重黑松露粗薯條，絕對滿足你口腹之慾。 海膽吉列蠔羽衣甘藍漢堡，用上新鮮嘅海膽刺身，所以都建議15分鐘內享用。另外，提提大家呢個限定版嘅口味將供應到2021年5月31號，平日供應量最遲去到夜晚9點正，而星期六日就供應到夜晚6點正。 NOMAD 聯乘 CHILL LAB 原隻珍寶帆立貝雞肉辣蒜漢堡，辣椒醬用上潮州秘方特製嘅「蒜蓉辣椒蛋黃醬」，配上超大粒珍寶帆立貝、手打雞肉餅同炸脆羽衣甘藍，絕對啱晒嗜辣之人。 之前都有推出過「波士頓龍蝦安格斯漢堡」，亦都非常吸引。 仲有「牛油果蓉燒烤大啡菇漢堡（配焦糖洋蔥）」素食漢堡，可供素食或健康人士選擇。 三重黑松露薯條，黑松露醬汁味道濃郁，配上鮮炸脆口嘅粗薯條，簡直絕配~ NOMAD BURGER 地址：紅磡德民街29號德民大廈地下F3號舖 時間：12:00-21:00 只限外賣，沒有堂食 圖片來源：@nomad_burger、@hkfoodkiller、@foodiegogoooo、@foodieyanyann
大家平時係咪去慣啲文青咖啡店呢？今次小編介紹呢間都幾特別，擁有超過75年歷史嘅唐樓，搖身一變成為港式玩味打卡Cafe！呢度有條迷幻彩虹樓梯，由紅橙黃綠青藍紫顏色組合而成，絕對係熱門大空位之一，仲有店鋪隨處可見嘅抵死語錄，好有港式味道！ 彩虹樓梯，樓梯兩側放滿塗鴉同畫幅，同時通往2樓至3樓，大家影相打卡時候記得唔好阻住他人上落。 頭先就講到呢幢唐樓有75年歷史嘅，大家可以睇下佢個門面，鮮藍色外墻撞上白色尤其醒目，外形仍保存中式樓宇建築特色。 「大聲喧嘩，正一人渣」呢啲抵死語錄，喺餐廳入面都可以隨處可見。 提供多款輕食、蛋糕。 仲有咖啡同沙冰。 Mamaday Studio 嘛嘛地 地址：油麻地白加士街105號地舖 營業時間：10:00-19:30 電話：6792 2612 圖片來源IG：@missding_kitchen
位於荔枝角D2 Place嘅室內遊樂場，PowerPlay Arena將開設全新區域The Battlefield分為3個玩樂區，包括競技遊戲、團體活動同埋合家歡攤位遊戲，即睇內文有咩玩啦！ 區域A有以下4個區域，即刻睇有咩玩~ 超級笨豬跑，扣好腰帶，拿著計分貼，向前直衝！以全身嘅力量與彈力繩較勁，喺極限一刻將計分貼在中間距離尺上，大家可以同朋友嚟鬥下睇邊個跑得最快！ 暗黑潛行，在黑暗嘅房間中，多條光線會不時閃爍，玩家要看準時機，以靈活嘅走位避開光線，到達終點！ 腳尖上嘅桌球，足球版嘅桌球你又試過未？玩家於巨大桌球桌面上，用適中嘅腳力將白色球踢向其他顏色球，只要顏色球入洞即可獲得相應分數！ 瘋狂擊球手，自問反應和運動神經超卓的你又怎可錯過「瘋狂擊球手」？網球會自動從機器飛出，玩家需要揮動球拍將網球撃中顏色燈板，即可得分！ 區域B以團體遊戲為主，「攻防箭」室內wargame、「泡泡足球」同「左閃右避」都十分講求團隊溝通及互相合作，想加強團隊凝聚力或者一大班朋友齊齊玩返餐就最適合。 區域C設有合家歡嘉年華攤位遊戲，「球球當入樽」和「讓豆袋飛」讓大朋友小朋友都可以享受遊戲樂趣，輕鬆贏走豐富禮品！ Power Play Arena – The Battlefield 地點：D2 Place 二期 3 樓 306 至 308 號舖 營業時間：星期日至四及公眾假期11:30-21:30 | 星期五六及公眾假期前夕 11:30-22:30 電話：3165 1628 收費詳情： 平日首30分鐘/HK$60、其後每30分鐘/HK$40 週末及公眾假期首30分鐘/HK$80、其後每30分鐘/HK$60
平時放假唔知去邊好？不如一家大細去尖沙咀藝術館睇展覽喇~可以陶冶性情同埋增加個人藝術修養。 呢個絕對係香港藝術館近期大熱展品-《雲》 亦都可以行上一層，用另外一個角度欣賞呢件作品。 呢度仲有個落地玻璃窗可以俾大家打卡，由高空望落去舊雲頂。 仲有個位置都可以向海打卡。 而呢覆滿佈12個圓球嘅畫作係來自劉國松創作嘅《動耶？靜耶？》。 除咗以上呢啲，仲有個時裝藝術展《NOT a fashion store！不是時裝店》 仲有個書齋同庭園場景，文青必到打卡位，現場更設有文房四寶俾大家欣賞下。 大家都可以透過AR技術，身臨其境，感受文人生活。 香港藝術館 地址：尖沙咀梳士巴利道10號 圖片來源：@bellaismeow、@hkmoa、@secret_kdiary
