Author: Kelly Kwok

母親節將近，今次小編推介呢個城中名人熱捧嘅Vive Cake Boutique以鮮花為主題嘅蛋糕，大家可以以蛋糕代替鮮花，睇得又食得啊！蛋糕製作方式更採用少糖低脂配方，令各位媽媽都可以喺節日盡情享受~即睇有邊幾款喇！ 「Queen’s Meadow」（港幣1,200元，1.5磅），外形一方形禮盒設計，並喺盒子裡插滿粉紅玫瑰，寓意最純潔得愛。有兩款口味可以揀，有伯爵茶蛋糕配伯爵茶忌廉，或紅絲絨蛋糕配忌廉芝士。 「Madame Citron」（港幣880元，1.5磅）外層以漸層鮮黃色忌廉包裹住全個蛋糕，上層就鋪上黃玫瑰、白玫瑰、糖漬檸檬做點綴，再搭配黃色或粉紅色嘅「dear mum」插牌，蛋糕口味係檸檬味戚風蛋糕、檸檬吉士同埋蛋白脆餅作內餡。 「Rose Penelope」（港幣400元，0.5磅）以粉紅色設計，面層以鑽石造型嘅插牌做裝飾，選用雲呢拿海綿蛋糕搭配玫瑰丶荔枝、紅桑子忌廉，口味清新帶酸香。 「The British Roses」（港幣730元，1磅）以知更鳥的藍色為主調，在牛油忌廉蛋糕上，有粉紅玫瑰花蕾、圓點圖案。口味可選紅絲絨蛋糕配忌廉芝士丶伯爵茶蛋糕配伯爵茶忌廉丶香蕉蛋糕配朱古力牛油忌廉和脆珠丶雲呢拿海綿蛋糕配芒果柚子慕絲丶或朱古力蛋糕配朱古力甘納許。 Vive Cake Boutique 地址：中環皇后大道中80號H Queen’s 1樓3號舖 營業時間：11:00-20:00 電話：9602 2869 網頁：www.vive.hk

By Kelly Kwok

May 7, 2021August 5, 2022