Open Tour
生完BB真係好攰，又要照顧BB，又要照顧自己！盧太太月子餐就幫到咁多位媽媽嘅膳食啦！ 疫情期間，工人姐姐難請，陪月亦難請，盧太太月子餐就幫到咁多位坐月媽媽嘅一日三餐了！除咗每日五餸兩飯、早餐同湯水之外，仲有唔少於七日嘅糖水。 月子餐真空包裝，翻熱就食得！餐單天天不同，有營養得嚟又好味，媽媽們一定有食慾！ 等小編直擊試食俾大家睇吓啦！ 早餐有皮蛋瘦肉粥同饅頭～ 有五款新鮮餸菜同2個飯，媽媽們可以自由配撘午飯同晚餐。 意式蕃茄香草上湯豬柳扒，超濃蕃茄味勁開胃！ 南瓜炒雞絲，南瓜肉配雞絲清淡得嚟又唔會好寡。 煎蓮藕餅，香口得嚟又唔會油膩 仲有兩款新鮮蔬菜 盧太太嘅皇牌上奶湯水都會包含埋喺月子餐入面，鮮甜得嚟又可以調理身體，幫助上奶！ 盧太太月子餐有唔同嘅組合，方便唔同媽媽嘅需要。仲有26天同13天月子餐組合！ 咁多位媽媽同準媽媽記得訂餐喇！ 盧太太上奶湯水 https://www.facebook.com/mslosoup/ Whatsapp 查詢: 9094 9585
今次介紹嘅酒店式度假村就用盡馬爾代夫靚爆嘅環境，用上極簡設計但不失豪華！ 呢間酒店式度假村今年6月先開幕~位於北馬列環礁東北，呢個地方嘅環境都冇乜污染同破壞，海水超藍有好多海洋生物~ 全島以環保料材打造出100間極簡風格設計，呢個咁有現代感嘅吸睛圓形就係酒店別墅喇~ 別墅中間嘅建築就係SPA水療中心~ 別墅都係極簡設計~全部房間都有私人無邊泳池同無敵大海景！冇遮掩嘅藍色大海好正呀！ 餐廳區 都係對海㗎~ 仲有好多互外公共設施~ 度假村仲提供一系列體驗行程同手作坊等比客人報名~ 好想去度假呀~ 圖片來源: 馬爾代夫麗思卡爾頓 The Ritz Carlton Maldives Fari Islands
有鹿神社係神奈川最古老神社，已經有五千年歷史㗎喇！但呢間神社一啲都唔古板，仲出奇招吸客！講緊嘅就係呢個大蔥造型喇！ 大蔥唔係惡搞，真係神社職員嚟㗎~至於點解係蔥呢其實係有段故㗎！ 有鹿神社雖然係神奈川最古老神社，但一直都冇乜名氣~神社職員為咗吸引更加多遊客，就諗到戴上吉祥物熊貓嘅頭套跳舞，仲成功爆紅~ 就係呢隻熊貓~ 之後神社就出現埋大蔥造型，原因係日文中大蔥嘅讀音同神職職員「禰宜」同音。 [instagram photo=”CDUlKTkjYl7″][/instagram] 如果正值儀式期間，遊客仲會見到祭司戴住大蔥頭套進行『茅の輪くぐり』祭祀儀式~ [instagram photo=”CDyX91ZH2vo”][/instagram] 超大棵~！！ [instagram photo=”CFUxpB5Dg1G”][/instagram] 大蔥頭祭祀~ 搞怪造型奇招吸客真係估你唔到~有機會一定要去睇下~ 圖片來源: 【公認】有鹿神社 ネギ 有鹿神社 地址: 1 Chome-4-41 Kamigo, Ebina, Kanagawa 243-0434日本
又有新餐廳登陸佐敦喇！今次要介紹嘅新店仲係區內少見嘅居酒屋~hare晴舍座落於佐敦全新日本小社區，由專業咖啡師同埋唎酒師共同創立，主打精品咖啡、清酒同手工啤酒配搭和洋食同炭火串燒，而午餐時段就有多款和洋定食，啱晒約埋班朋友去放鬆下~ hare晴舍請咗有豐富日本菜經驗嘅廚師坐鎮用上時令食材~ hare 沙律配油醋汁，作為開胃菜就啱晒~ 多款炭火串燒~其中免治雞肉棒仲係自家製！仲有市面少見嘅雞皮蝦~ 啤酒煮大蜆~ 燒飯團茶漬飯~ 午餐嘅吉列廣島蠔定食~廣島蠔好大隻！ Sake Flight清酒體驗旅程~清酒由唎酒師親自挑選，按清酒薰、爽、醇、熟四大特色配搭唔同菜式等客人可以試唔同特色嘅清酒。 除咗酒類，仲有一系列茶同飲品，茶類全部都用咗本地「瑜茶舍yú teahouse」嘅茶葉，而圖中嘅Mocha latte就用宇治抹茶。 hare 晴舍 地址：佐敦德成街2號本木1樓
荃灣悅來酒店今個夏日舉行熊貓夏日祭！在場有日本屋台美食，四大祭典打卡位同日本主題市集。市集個個星期都有唔同内容～今個星期8月20-22日，就有九州主題市集！ 現場仲有宮崎吉祥物「宮崎犬」同埋熊本縣吉祥物「熊本熊」嘅大型紙牌俾大家一齊打卡添啊！ 日本唔同地方嘅觀光局都有贊助是次活動，預備咗唔少禮物俾到場嘅人士添！毎個星期都有唔同觀光局提供嘅免費旅遊資訊，未飛都可以做定功課先！ 悅來酒店房客會送出清酒試飲券，會場仲有神秘遊戲，嚟現場打卡就有機會嬴取悅來酒店豪華客房同餐飲卷等豐富獎品！ 熊貓夏日祭 日期：2021年7月16日 至 9月5日 (*逢星期五、六、日) 時間 : 11:00 – 20:00 地點：荃灣悅來酒店 （熊貓酒店）三樓大堂連接港鐵站行人天橋
今次要介紹嘅係烏克蘭建築設計公司Archimatika打造嘅「Comfort Town Housing」~ Comfort Town Housing係一個由廢棄工廠改建而成嘅住宅區，區內建築全部都用咗唔同嘅顏色，超似巨型LEGO！ [instagram photo=”B9qmQ5bBfeU”][/instagram] Comfort Town位於烏克蘭首都基輔左岸，前身係一間廢棄工廠。建築設計師改建成180棟住宅。 [instagram photo=”B_rbQPgntXN”][/instagram] 建築設計師受到LEGO積木啟發用上大膽嘅顏色，玩味十足~ [instagram photo=”CR9ijnKsbFX”][/instagram] Comfort Town以「街區開發」為概念規劃，劃分為街道及庭院，當中庭院區域除咗緊急車輛之外嘅車輛係唔可以入去~ [instagram photo=”CG2LEzuHGwn”][/instagram] 好Colourful！ [instagram photo=”B8lj35FHDq9″][/instagram] 呢個彩色嘅設計仲令昔日嘅工業區係2019年獲得WAF最佳色彩運用作品榮譽！ Comfort Town Housing 地址： Reheneratorna St, 4, Kyiv, 烏克蘭02000
海鮮相信大家都好鍾意食~今天次小編就帶大家去到上環試一間充滿歐陸風情嘅餐廳Meat The Sea~ Meat The Sea主打荷蘭傳統風味嘅菜色，最特別嘅地方係同時有餐廳+食材店，有各種新鮮空運嘅歐洲時令食材提供。 食材店有各種歐洲食材~ 樓上就係餐廳喇！餐廳係開放式廚房設計可以睇住主廚煮嘢食~ 克勒斯荷蘭生蠔。荷蘭生蠔比起一般常見嘅生蠔細隻小小，但海水味更濃，仲帶有淡淡果香味。 龍蝦海鮮濃湯。超足料~！ 熱門菜式白酒蒸荷蘭鮮青口配雜菜。鮮青口帶有海水味唔使特別調味都夠晒鮮甜~ 時令鮮魚用上牛油簡單烹煮，簡單唔花巧反而更加帶出魚嘅鮮味，魚肉軟嫩多汁好出色~ 當然唔少得甜品啦~ 鍾意食海鮮嘅朋友就記得Book Mark 定喇~ Meat The Sea 地址: 上環荷李活道108號聚賢居地下D號舖
今年美食展有啲乜嘢優惠？等我哋重點精選啲介紹俾大家啦！ 益昌號 早排嘅《大叔的愛》大家一定有睇過！唔知大家對佢哋一齊遊大澳嘅片段又有冇印象呢？呢款就係田田牧牧一齊你一啖我一啖爭住食嘅「很大啊」蝦乾啦！會展價: $190/半斤;$370/斤 (原價：$440/斤) 仲有5款益昌號醬料。全部都係自家大澳製作，冇防腐劑同添加劑，純手工誠意製作㗎！會展價:所有醬料 1樽9折 ；2樽8折 永生堂 主打靚靚燉湯嘅永生堂，以嶄新嘅燉煮科技製作湯包，常温保存就OK，翻熱就飲得，超方便！仲非常足料！幾忙都有得滋潤～會展獨家優惠: 燉湯2盒 $100 (原價：$136) 燉湯4盒 $170 (原價：$272) 會場買滿$100，仲可以以$50加購濕疹潤手霜，或者以$40加購野蜂蜜冰添！ 額外優惠： 買滿$100，即可以$50購買濕疹潤手霜(原價$98)，或以$40購買 野蜂蜜冰(原價$60） ；滿$250, 更可免費獲贈「燉素湯」乙盒。 鴻星食品 鴻星食品嘅即食「星級佳餚」係由鴻星大廚精心炆製嘅海味，份量勁多，安在家中翻熱就即刻品嚐到星級滋味！ 小編推薦「海味盛薈」，有齊鮑魚、花膠、海參、雞腳、鴨掌、花菇同古法炆豬手！用料十足，仲有齊哂咁多款海味！ 「原隻鮑汁花膠筒」花膠筒肉厚，超腍滑！啱哂女孩子養顏！ 會場限定優惠 202 :「星級佳餚」系列 買滿$300，即送紅燒一口鮑 (4頭) 1罐 (價值$98)；月餅系列買四送一 (月餅劵） 介紹咗咁多樣精選推介，大家記得唔好錯過啦！ 大澳益昌號 HALL 1C；C15攤位 永生堂 HALL 3D；B33攤位 鴻星食品 HALL 1C；D10攤位 香港貿發局美食博覽2021 日期：2021年8月12至16日(星期四至一) 地點：香港灣仔港灣道1號香港會議展覽中心 開放時間：8月12至15日 10:00-22:00 / 8月16日 10:00-18:00 (尊貴美食區8月16日不開放)
康煇盈專營澳洲、日韓等地嘅優質美食品牌，今年佢哋都有參與美食展！等我哋精選幾種產品介紹俾大家，到時用會場價超抵掃貨！ 首推呢三款100% 花生製成嘅澳洲無添加花生醬！無任何化學成份同防腐劑，無添加糖同鹽，好味得嚟又冇負擔！(會展價$100/2；原價 $79/1) 花生醬總共有三款口味，分別係粗粒花生醬、幼滑花生醬，仲有黑朱古力海鹽粗粒花生醬。 粗粒花生醬，勁多花生粒粒，鍾意有口感嘅朋友就至啱！另一款幼滑花生醬，非常SMOOTH，兩款原味花生醬都冇加糖同鹽，口味勁RAW勁天然！ 而另一款黑朱古力海鹽粗粒花生醬，口味勁特別，粒粒花生仲有勁香濃朱古力味，但唔算好甜就咁食都唔會覺得漏！ 呢幾款尾張日本手拉麵，喺屋企就可以食到熱辣辣嘅日本手造麵條，無論係可喜麵、烏冬麵定係冷麥麵，都有得食！唔洗飛去日本！(會展價$120/3；原價 $60/1 ; 買任何3包手拉麵， 即送一包 250g 日本麵 (冷蕎麥麵/素麵/烏冬麵)) 香港勁少有嘅可喜麵，係一種超闊又扁身嘅烏冬，幾款麵條都係用尾張製粉嘅麵粉製造，係超過百年歷史嘅日本老字號麵粉廠嚟㗎。口感超滑，勁煙韌！ 仲有同樣來自澳洲嘅100％天然純正無添加蜂蜜！全部都係單花採集，有獨特嘅口味，有尤加利鐵木、茶樹、雅普亞樹三個味道。種植花樹嘅環境都係天然，冇化學藥品或者抗生素！(會展價$60(250g) $100(450g)；原價 $78(250g) $125(450g) ) 口感清甜，仲有啖啖花香，買返啲一齊黎滋潤吓啦！ 康煇盈SOL HALL 1C；C31攤位 香港貿發局美食博覽2021 日期：2021年8月12至16日(星期四至一) 地點：香港灣仔港灣道1號香港會議展覽中心 開放時間：8月12至15日 10:00-22:00 / 8月16日 10:00-18:00 (尊貴美食區8月16日不開放)
