Open Tour
連紅綠燈公仔都要放閃！？ 屏東「小綠人」求婚成功喇！！ 單身咗18年嘅紅綠燈「小綠人」，今日喺屏東脫單！ 「求婚版」紅綠燈喺紅燈亮起時，「小綠人」跪低向女友求婚；求婚成功後，企喺身手拖手，緊接著綠燈，兩人甜甜蜜蜜拖手過馬路～ 點解會俾「小綠人」脫單呢？其實係想鼓勵生育～ 全世界嘅「小綠人」都係形單影隻，但係為咗呈現細膩嘅求婚動作，屏東縣用多10倍嘅LED燈令「小綠人」成功脫單～ 繼年初情人節推出愛情紅綠燈後， 喺母親節前夕又再推出「懷孕版」嘅紅綠燈～ 一家三口過馬路，真係創意十足！ 小綠人經歷懷孕、生小朋友嘅階段添～ 一齊共組家庭，望著呢個「家庭版」紅綠燈，真係覺得好幸福喔！ 目前屏東縣景點同路口加加埋埋已經有超過6、70處唔同版本嘅進階版小綠人～ 連紅綠燈公仔都成功脫單… 如果冇咩嘢，都係俾我面壁反省下先… (其實仲有個長輩版，個孫拖住長輩過馬路，場面非常溫馨~) =============== 放假去邊 更多好介紹: 快啲like我哋Facebook 同follow我哋Instagram啦!
又到情人節喇~ 見到街裡愛人一對對， 自己都想快啲告別單身T_T 一齊睇下2018年， 咩星座脫單機率最高啦！ 射手座(22/11~21/12) ——– 99% 射手座脫單機率超級高，就算喺呢個寒冷嘅冬天，桃花運真係擋都擋唔住要破冰而出！今年要脫單冇難度啦~~ 金牛座(21/4~20/5) ———- 90% 蓄勢待發嘅金牛今年桃花大爆發，可能轉角都會遇到那個他/她「但係要小心注意唔好一開始就攞哂全部嘅愛出嚟，對方好容易會唔珍惜~ 水瓶座(20/1~19/2) ———- 88% 水瓶座今年超有異性緣！只要丟掉矜持，放開自己，溝到男神女神都唔係夢！ 天蠍座(23/10~21/11) ——– 72% 雖然天蠍一副高竇樣，但係就係冷冰冰嘅特質更加吸引人~ 雙子座(21/5~21/6) ———- 65% 今年雙子座會將重心放喺事業多啲，但係桃花降臨嘅時候試下唔好抗拒，或者可以事業愛情雙收呢~~ 處女座(23/8~22/9) ———- 55% 處女座戀愛同單身嘅可能各佔一半，想脫單都係有希望嘅，最重要視乎自己點睇，如果唔想咁快投入戀愛，爛桃花都不會纏著你~ 獅子座(23/7~22/8) ———- 40% 獅子座今年脫單機率唔算太大，但係要多參加朋友聚會同party，話唔定好快會遇上那個他/她~ 雙魚座(20/2~20/3) ———- 33% 雙魚今年唔洗急住脫單，反而會容易讓自己陷入感情嘅困擾中，趁住單身嘅機會，好好反省自己曾經喺愛情入面犯過嘅傻，成為更好嘅自己接受下一段戀情~ 山羊座(22/12~19/1) ———- 26% 山羊今年嘅感情之路會有啲坎坷，因為深受前任嘅羈絆，久久不能放下前任。要先放低呢一切，先有可能會脫單~ 天秤座(24/9-23/10) ———- 13% 過咗一年，天秤依舊不停掙扎，想愛又怕受傷，唔愛又怕寂寞，糾結完先好諗要唔要談戀愛啦~ 白羊座(21/3~20/4) ———- 13% 白羊喺今年其實會遇到好多令自己心動嘅人，但可以談戀愛嘅基本上冇，就算真係談戀愛都維持唔到太耐~ 巨蟹座(22/6~22/7) ———- 1% 嗯‥戀愛嘅嘢都係隨緣啦~ 今年冇都仲有出年，都係諗下點搵多啲錢或者去邊旅行實際啲~ =============== […]
期間限定！ 一年一度北海道「冰屋村落」， 好似置身喺Forzen 超夢幻場景~ 用全天然冰同雪製成嘅夢幻村落，今年會1月27日至3月21日對外開放~ 成間都係用冰堆積而成嘅冰吧，吧檯上擺滿各色酒樽，更加襯托出冰吧嘅晶瑩透徹~ 連酒杯都係用冰雕刻而成~ 仲有得現場自行打造出屬於自己嘅玻璃杯添~ 週末就有冰屋音樂會，有各種各樣嘅弦樂器、民俗音樂、流行音樂等， 唔知去到會唔會聽到Elsa唱let it go呢？XD 好多人夢想中嘅雪地婚禮可以喺度實現喇！ 因為真係有一間冰製成嘅冰屋教堂，喺度結婚一定超浪漫~ 仲可以浸全世界唯一喺冰上搭建嘅露天溫泉，連更衣室都係用冰打造， 夜晚可以一邊睇天上數之不盡喺星星一邊浸溫泉~ 驚太凍？仲有足湯區可以選擇~ 想再難忘啲？試下冰屋露營啦！ 從枱到床都係用冰整㗎~ 另外仲有冰雕、滑雪、雪上電單車等活動可以玩~ 去北海道記得體驗呢個超夢幻嘅冰雪世界喇~ Source ﹕然別湖kotan【官網】 【kotan冰屋村落】 地址 ﹕北海道河東郡鹿追町然別湖畔 開放期間 ﹕2017年1月28日(六) ― 3月20日(一) 費用﹕參觀免費 / 其他活動需另外收費 交通 ﹕從JR「帶廣車站」搭乘北海道拓殖巴士(1小時40分鐘)前往 [map url=”https://www.google.com/maps/embed?pb=!1m18!1m12!1m3!1d2905.2268417240634!2d143.09872321569227!3d43.26762328529531!2m3!1f0!2f0!3f0!3m2!1i1024!2i768!4f13.1!3m3!1m2!1s0x5f7319d4a5a674e7%3A0x77cbc7c97b2c7824!2z54S25Yil5rmW55WU!5e0!3m2!1szh-TW!2shk!4v1518170788213 “][/map] =============== 放假去邊 更多好介紹: 快啲like我哋Facebook 同follow我哋Instagram啦!
又要去日本旅行~ 記住買手信喇喂~ 唔知買咩好？ 一齊嚟睇下2018年東京有咩必買零食啦~ =============== 神戶R.L「窩夫蛋糕」 「神戶R.L窩夫蛋糕」外皮綿密鬆軟，帶著微甜淡淡奶香。內餡有20幾款口味可以選擇，但係東京車站限定嘅十種口味組合得呢度可以買到咋！ 選擇困難症唔洗煩喇~ 神戶R.L「Suica企鵝一口鬆餅」 喺同一間店入面，仲有一個必買人氣商品，就係一年就可以賣超過100萬個嘅「一口鬆餅」！今年仲有東京車站限定Suica企鵝特別版，企鵝食住鬆餅個樣超可愛~ INFO. 商品名稱：東京駅限定 ワッフル 10 個セット 價格：￥1,300 地址：東京都千代田区丸の内1-9-1 JR東日本東京駅構内B1F =============== Fromage Terra「滑嫩烘烤芝士杯」 利用咗大量芝士製作嘅「滑嫩烘烤芝士杯」，啱啱出爐嘅塔皮香酥，芝士內餡超軟嫩，滑順得到好似芝士蛋糕咁，就算凍咗都好好食！ INFO. 商品名稱：トロトロ焼きカップチーズ 價格：￥216 地址：東京都千代田区丸の内1-9-1JR東日本東京駅八重洲南口改札内 京葉ストリート内 =============== VANILLABEANS「ショーコラ 朱古力夾心餅乾」 「VANILLABEANS」人氣NO.1嘅招牌商品，以高級奶油製成嘅酥脆餅乾夾入口即化嘅厚片生朱古力，朱古力迷大愛！ 基本上有「Mild cacao」、「Rich milk」、「Café premium」、「Pralinenoisette」同「Rum raisin」五種味道，依節日仲有可能推出限定口味~ INFO. 商品名稱：ショーコラ朱古力夾心餅乾 價格：￥1,890 地址：神奈川県横浜市中区海岸通5-25-2シャレール海岸通1F =============== The MAPLE MANIA「楓糖奶油夾心餅乾」 一年熱銷600萬片以上！餅乾加入咗加拿大楓糖，所以一打開就可聞到濃濃嘅楓糖味，內餡夾住奶油巧克力，包裝設計走可愛復古男孩路線~ INFO. 商品名稱：メープルバタークッキー18枚入 東京駅限定パッケージ 價格：￥1728 地址：東京都千代田区丸の内1-9-1 JR東京駅構内B1F グランスタ内 =============== Colombin「原宿朱古力燒菓子」 號稱就算天氣好熱都唔會融嘅神奇朱古力~ 由於提高咗可可比例，所以苦澀味偏重，偏向大人口味，係連續三年都有得獎嘅甜品！ INFO. 商品名稱：原宿焼きショコラ12個入 […]
超澎湃嘅巨無霸肉丼飯啊~ 啲肉多到瀉出嚟！！ 仲要一次介紹四間！ 嗚呀~ 好幸福嘅畫面啊~~ =============== 烤牛肉 大野(ローストビーフ 大野) 呢間店用嘅牛肉係國產和牛，將粉嫩嘅牛肉一片一片堆成小山，再喺山頂放上雞蛋，側邊仲有似係火山噴發流落嚟嘅沙律醬，畫面超澎湃啊~~ [instagram photo=”BLkaR2UD21t”][/instagram] [instagram photo=”BaEcVTIFFkX”][/instagram] INFO. 營業時間：星期一至六 11:00～ 22:00 星期日及公眾假期 11:00～21:00 地址：東京都千代田区外神田1-2-3 土屋ビル 地下1階 =============== 東京力量飯(東京チカラめし) 講到明係力量飯，為左補充力氣，梗係要有滿滿嘅肉啦！ 仲要係即叫即烤，一上枱就散發全現烤牛肉嘅焦香味，叫人點忍口啊~~~ [instagram photo=”BW6L4UuAvKW”][/instagram] 「東京力量飯」另外仲有豬肉丼同炸雞定食等套餐等選擇， 每款都超大份量！驚食唔囇仲有唔同份量俾你揀， 重點係！最貴都唔洗1000円，CP值超高~~~ INFO. 營業時間：05：00～隔日凌晨03：00 地址：東京都新宿区歌舞伎町1-17-2 戸谷ビル 1F 【更多分店位置】 =============== 炭焼豚丼 豚野郎 「炭焼豚丼 豚野郎」店入面只有炭燒豚丼一種丼飯可以選擇，份量有小、中、大三種。烤得焦香豬肉加上香甜嘅醬汁，滿滿嘅烤肉鋪喺熱騰騰嘅白飯上面，肉汁同醬汁滲入白飯入面，份量十足超滿足~ [instagram photo=”Bdl9iKAlUZ3″][/instagram] INFO. 營業時間：11:00～23:00（星期日公休） 地址：東京都千代田区神田駿河台2-6-15 =============== 御曹司 松六家 每日中午限量30份！ 超高級「國産A5黒毛和牛蓋飯」，而且價錢只要2000円咋~ [instagram photo=”Bec5JZnhlWp”][/instagram] […]
日本午後紅茶又出新公仔啦~ 今次唔係米奇米妮同Winnie the pooh， 而係超可愛嘅Chip n Dale啊~~ 2月6號起喺日本開賣啦~ [instagram photo=”Be3HS-tFzR-“][/instagram] 奶茶色嘅Chip n Dale真係超適合做午後紅茶代言人啊~ [instagram photo=”Be2_fX9BJiO”][/instagram] 困喺奶茶樽嘅Chip n Dale睇落去又可憐又可愛， 佢地仲要攞住茶杯㗎！超療癒~~ [instagram photo=”Be4IUEig_dg”][/instagram] 兩隻都咁可愛，買邊隻好呢？ 計小編話，一於買囇兩隻番屋企~ [instagram photo=”Be38HlYBN_w”][/instagram] Chip n Dale迷衝啊！ 快啲拯救佢地出嚟啦~ [instagram photo=”Be22ddiHxAe”][/instagram] 一罐1000円都勁搶手！ Chip n Dale嘅魅力真係抵擋唔到！ [instagram photo=”Be2bBFLAoBm”][/instagram] 如果最近有去東京嘅朋友， 要趁早下手啦！ INFO. 價錢：1000円 購買地點：JR東日本首都圈內JR各線車站站內NewDays便利商店、KIOSK小賣店 =============== 放假去邊 更多好介紹: 快啲like我哋Facebook 同follow我哋Instagram啦!
好凍啊~ 香港終於有冬天喇~ 小編準備買定睡袋， 過我嘅暖笠笠冬眠生活喇~ 炸蝦睡袋 小編最鍾意食炸蝦㗎喇！ 鍾意到…想自己都變做條炸蝦啊~~ 重點係！呢個睡袋可以伸兩隻手出嚟食嘢~ 仲有蝦腳可以著埋，又暖又方便~ Pizza睡袋 有冇諗過Pizza嘅形狀都可以做睡袋？ 上面嘅蘑菇栩栩如生，仲以為係人訓喺真 · pizza度啊~ 角煮饅頭睡袋 唔鍾意pizza？ 仲有角煮饅頭睡袋俾你揀！ 枕頭係五花腩； 白色饅頭部分係睡袋， 訓喺入面一定好軟稔稔！ 鯊魚睡袋 兩米長嘅鯊魚~ 俾鯊魚食咗依然咁開心~ 鯊魚睡袋有柔軟蓬鬆喺身體， 打開鯊魚嘅血盆大口將自己塞入去， 就可以享受暖笠笠又蓬鬆嘅鯊魚懷抱~ 仲有殺人鯨同魷魚俾你揀~ 黑熊睡袋 有尖銳牙齒嘅黑熊睡袋， 鑽咗入去實冇人敢打擾你訓覺啦~ 鬆弛熊睡袋 鬆弛熊迷必定瘋狂！！ 2.5米超大型鬆弛熊睡袋， 訓兩個人都仲得~ 訓咗入去真係會唔捨得出嚟， 小編想訓喺入面冬眠一個月啊~~ 用超可愛睡袋過暖笠笠嘅冬天， 嗚～幸福感加倍啊～ =============== 放假去邊 更多好介紹: 快啲like我哋Facebook 同follow我哋Instagram啦!
世界首創！ 日清合味道杯麵花專門店開幕啦~ 情人節有冇考慮買番紮俾女朋友賀下佢~ 給最特別嘅人最特別嘅花~ 咁特別嘅杯麵花一共有四款~ 【愛】原味合味道杯麵 最暢銷嘅味道~ 獻給在我心中永遠第一嘅你~ 【優雅】海鮮味合味道杯麵 如同藍色玫瑰一樣的優雅藍色~ 我對你的愛深如大海~ 【華麗】咖哩味合味道杯麵 刺激嘅咖哩味， 如同我對你嘅愛一樣， 一直充滿活力同熱情~ 【多樣】原味、海鮮、咖哩、蕃茄、鹽味、芝士咖哩、冬蔭功味合味道杯麵 最適合追求新鮮感嘅女仔~ 希望我可以日日帶不同驚喜同歡笑俾你~ 杯麵花嘅配件都大花心思~ 樹葉底座設計、麵條絲帶， 仲有為每個味道特別設計嘅花紙~ 每束都係賣2,980円(約港幣200元)咋！ 又有得食又有得收花，CP值高~ 啱囇食貨女友~ 快啲去【NISSIN Bouquet Shop】官網訂， 俾個驚喜女朋友啦~~ Source:NISSIN Bouquet Shop =============== 放假去邊 更多好介紹: 快啲like我哋Facebook 同follow我哋Instagram啦!
銀包準備失守啦TT 韓國Starbucks推出情人節限定超萌貓貓杯， 貓奴有咩可能唔衝啊~~~ 以貓貓為主題嘅情人節商品會喺2月2號開賣， 係超級粉嫩嘅粉紅、粉紫、Tiffany Blue色系， 少女心大爆發~~ 當中最可愛嘅就係呢個倒轉喵喵嘅玻璃杯， 你倒唔同顏色嘅飲品落去貓貓就會變唔同色~ 有透明貓耳杯蓋嘅凍杯都超可愛~~ 仲有貓貓造景杯蓋嘅凍杯， 超浪漫嘅滿天心心， 送俾女朋友實冧死~ 有冇見到喺超多心心背景中暗藏嘅貓面呢~ 粉色保溫杯加上白色貓貓背形同小毛球， 好療癒啊~ 相親相愛黑白貓保溫杯， 今個冬天有你陪我就夠暖啦~ 粉白灰白貓貓情人對杯，情人節一齊用就最sweet啦~~ 超粉嫩貓貓茶杯(壺？)，杯蓋仲係貓頭嚟~~ 仲有貓貓杯墊~ 金銀貓貓餐具都超可愛，一隻羹一隻叉， 就好似情侶要互補不足，但係合埋一齊就會變完美~ 今次嘅情人節限定貓貓杯，除咗好多一雙一對之外， 仲有好多心心元素，無論自用定送用嚟做禮物都超適合~~ Source:istarbucks KR =============== 放假去邊 更多好介紹: 快啲like我哋Facebook 同follow我哋Instagram啦!
日本 Twitter大熱嘅「12星座性格分析圖」， 一齊嚟睇下中唔中你個星座？ 【真面目】白羊座、金牛座、雙子座、山羊座 白羊座(21/3~20/4) 熱情大方、充滿活力、親切而有領導才能，無論同咩人都好容易做到朋友~做事不拘小節、好動、愛好自由、討厭受拘束。但係容易我行我素，同人發生爭執。 金牛座(21/4~20/5) 鍾意動腦、勤奮、腳踏實地、個性都好溫和，經常滿面笑容，所以係可靠嘅大哥哥大姐姐~ 金牛座信念強、可以對抗虛偽同欺詐，唔鍾意多管閒事，唔會咁容易同人反面，所以都係一個高明嘅社交高手~ 雙子座(21/5~21/6) 具有極敏銳觀察力，善於執生同說服人地，會照顧朋友，好容易同人打成一片~ 但係要注意，唔好為咗自己嘅利益而忽略其他嘢啊~ 山羊座(22/12~19/1) 神秘嘅山羊座，做事固執認真，為達到目的，永不放棄。 由於冇咩安全感，所以唔太相信別人，總會充滿疑惑地做事，其他人都好難了解山羊座嘅真心~ 【樂天一族】巨蟹座、射手座、水瓶座 巨蟹座(22/6~22/7) 巨蟹座樂天、有包容力、大方、正直、忠於朋友。仲好識理財儲錢，忠於愛情，重視家庭的溫暖與安定。不過由於追求安定，所以唔想煩惱太多，隨遇而安~ 射手座(22/11~21/12) 射手座係誠實、真心、坦白同值得信任嘅，對朋友好仁慈大方，處事圓滑，但為人比較隨心所欲，所以好容易粗心大意、心直口快、缺乏耐性~ 水瓶座(20/1~19/2) 具有銳利觀察力、推測能力，興趣廣泛、創意十足、富有冒險嘅開拓精神，崇尚自由，但有啲自我中心，好容易缺乏熱情，想法過於理想化~ 【機械式】處女座、天蠍座、獅子座 處女座(23/8~229/) 處女座係一個認真、注重細節、重視秩序、腳踏實地嘅人。但處女座不於表達自己嘅感情，對於善惡正邪有銳利嘅批判力，有時做嘢因為過於講究完美，所以容易對他人過於挑剔~ 天蠍座(23/10~21/11) 熱情而樂天、專情、討厭欺騙。天蠍座望落安靜，但其實好熱心，但係大部分人都覺得天蠍善嫉妒，有強烈獨佔慾，有種不能靠近嘅氣場~ 獅子座(23/7~22/8) 認為自己係最好嘅！對自己好有自信，只要決定做一件事，就唔會接受其他人嘅意見。獅子座不安於命運嘅安排，好努力地希望有朝一日能夠改變自己嘅命運，係一個好有毅力嘅星座~ 【異次元空間】雙魚座 雙魚座(20/2~20/3) 完全脫離其他星座嘅範圍，鍾意發白日夢，天馬行空，生活喺異次元空間，有良好觀察力、領悟力同判斷力，但好容易受人影響而改變自己嘅態度，唔識拒絕別人~ 【平衡型】天秤座（24/9-23/10） 位於性格分析圖正中嘅天秤座，處事中庸，成日做和平嘅協調者。與趣廣泛，過通常冷靜而崇尚調和，對任何事都唔會太狂熱，好識體貼別人，唔喜歡爭執。但意志唔堅定，好容易受人影響~ =============== 放假去邊 更多好介紹: 快啲like我哋Facebook 同follow我哋Instagram啦!
