Open Tour
韓國樂飛利人氣雪糕， 今日開始正式登陸香港喇~ 有黃豆年糕味，紫薯蕃薯味同粟米紅豆味， 任君選擇！ 樂飛利黃豆年糕雪糕 滿滿嘅黃豆粉鋪喺牛奶雪糕同年糕上面，底層仲有紅豆粒粒， 愈食愈有驚喜啊~~ 樂飛利紫薯蕃薯雪糕 紫薯蕃薯二重奏！紫薯雪糕配搭番薯粒粒，加埋紫薯粉同蕃薯糖漿， 多重番薯口感，番薯控大愛！ 樂飛利粟米紅豆雪糕 芝士+粟米+紅豆係咩味？ 咪係好味囉！忌廉芝士粉加上芝士味牛奶雪糕同埋爽口粟米粒， 底層仲有軟綿綿紅豆蓉，忍唔住一試再試嘅全新口味！ 雪糕梗係要趁凍食，計小編話，一於食哂三款佢！ INFO. 韓國樂飛利黃豆年糕/紫薯蕃薯/粟米紅豆雪糕 零售價: HK$21.9 開售日期: 2018年2月22日 零售點:Circle-K獨家發售 =============== 放假去邊 更多好介紹: 快啲like我哋Facebook 同follow我哋Instagram啦!
去日本點會唔行藥妝店啊？ 小編幫你精選十大日本必買藥妝， 又係時候掃貨喇喂~~ =============== 新ルルAゴールドDX 日本家庭常備感冒藥！ 上市超過60年，一家大細小童長者都可以食，有效舒緩感冒症狀，但如果真係好唔舒服，建議都係睇醫生好啲！ 參考價格：30錠／￥1,000、60錠／￥1,700、90錠／￥2,200 =============== NICHIBAN・ロイヒつぼ膏 主要針對肩膀痠痛同腰痛嘅溫熱貼布，一包有156枚圓形貼布，CP值好高，貼喺身體穴位度，會透過藥效提高血液循環，肩頸腰痠背痛一次搞掂！ 參考價格：156片／￥1,200 =============== エスエス製薬・イブメルト 日本好出名嘅EVE止痛藥，對於頭痛或者M痛都有改善效果，係日本家庭常備藥。近期新出嘅「MELT」系列，冇水都可以照食，會喺口中迅速溶解，檸檬味就唔驚難入口啦~ 參考價格：8錠／￥1,058 =============== 山本漢方・大麥若葉青汁 大麥若葉青汁有超豐富嘅營養同植物纖維可以排毒、通便、幫助減肥瘦身，尤其係蔬菜攝取不足嘅時候，一杯青汁就可以解決一天基本嘅攝取量。如果驚草腥味嘅話，配牛奶或者豆漿比較易入口~ 參考價格：22包／￥1,500、280錠／￥1,800 =============== LION・Smile Whiteye 如果容易眼乾、眼睛容易疲勞，出血絲，就可以試下呢款人氣眼藥水，可以幫助解決眼睛不適嘅問題~ 參考價格：￥854 =============== ザ・ガードコーワ整腸錠α3+ 添加咗納豆菌以及多種乳酸菌，搭配漢方成分嘅整腸錠，可以為你的腸道提供良好的好菌環境~ 參考價格：￥1,075 =============== ロート製製藥・メラノCC 樂敦製藥人氣產品！以雙重維他命配方，標榜一滴擊退黑斑痘印，有效抗擊造成皮膚斑點嘅黑色素，要為夏天做定準備喇~ 參考價格：20ml／￥1,180 =============== 第一三共・TRANSINO White C 要美白，有外敷點會少咗內服啊~一日食兩次，可以維持肌膚代謝力，亦都可以控制黑色素細胞產生黑色素，同黑斑雀斑講byebye~ 參考價格：90錠／￥1,600、180錠／￥2,600 =============== 龍角散ダイレクト スティック ミント 喉嚨痛救星！三歲以上小孩都可以食用，專治喉嚨痛同發炎等不適症狀唔洗配水都可以輕易入喉，即刻舒緩喉嚨痛！除咗藍色薄荷版本仲有桃紅色桃味選擇~ 參考價格：16包／￥520 =============== ハウス食品・ウコンの力 薑黃的力量~ 好多日本人喺飲酒前會服用來保護肝脾，有助輕宿醉症狀，而且含有維他命B群，可以幫助提振精神，飲多兩杯都仲得啊！ 參考價格：30包／￥1,625、90包／￥5,100 =============== のどぬ～るスプレー 長いノズル 特長~~噴頭喉嚨噴霧，可深入患處，確保藥液直擊喉痛根源，可以喺短短15秒內殺滅口腔內嘅主要病菌，一噴殺菌，秒殺喉痛！藥液仲可吞服㗎~ 參考價格：￥628 […]
新年食咗咁多糕， 係咪又肥咗幾磅呢XD 養成四個生活小習慣， 準備同肥肉講byebye啦~ 1. 飲水習慣 好多女仔其實本身唔肥，睇落去肥其實係因為水腫，消水腫最好嘅法寶就係紅豆水，試下將飲水改做飲紅豆水啦！可能有意想唔到嘅效果~ 2. 少油少鹽 想要唔戒口都可以減肥？咁就要堅守少油少鹽嘅原則，只要習慣少油少鹽嘅飲食生活，就冇咁易復肥㗎啦~ 3. 多按摩刺激穴道 得閒可以多按摩耳仔下方、眼周同鎖骨邊，刺激穴道，刺激新陳代謝，減肥都易啲啦~ 4. 郁多啲 食飽飯之後一個鐘，係瘦身時機，當然唔係去做運動啦，而係可以飯後散下步，因為脂肪往往就喺飯後一小時累積嘅，唔想要士啤呔記得要郁多啲啦~ =============== 放假去邊 更多好介紹: 快啲like我哋Facebook 同follow我哋Instagram啦!
韓國便利店CU同GS嘅「自助泡麵機」， 近期引進台灣萊爾富啦！ 嗚~ 唔知香港幾時有呢？T_T [instagram photo=”Be-q1Kol4Gj”][/instagram] 有別於傳統用滾水淥公仔麵，只要兩個制，就可以完全控制好水量同烹飪時間，仲可以一邊煮一邊加蛋或者芝士，只要四分鐘就可以食到豐盛嘅公仔麵~ [instagram photo=”BeclYg7ASVY”][/instagram] 有多款日韓公仔麵可供選擇，每個公仔麵都會放喺紙碗入面，揀完之後仲可以加埋蛋或者年糕一齊俾錢~ [instagram photo=”BblYjcnlaWd”][/instagram] 將紙碗條碼刷一下「自助泡麵機」，就可以開始煮啦~ [instagram photo=”BefYK8PlGaD”][/instagram] 一共煮四分鐘，仲可以加埋蛋同年糕，如果想吃軟啲嘅話，仲可以煮多20秒~ [instagram photo=”BfIIcFyhZXc”][/instagram] 由於自助泡麵機幫你計算好水量、溫度同時間，真係手殘都有100%成功率啊~ [instagram photo=”BeX4t3IlSDx”][/instagram] 目前全台有100間萊爾富有引進自助泡麵機，下次去台灣又有新嘢玩喇~ =============== 放假去邊 更多好介紹: 快啲like我哋Facebook 同follow我哋Instagram啦!
特大麥當勞餐同可樂驚現韓國!? 原來係為咗應援平昌冬季奧林匹克運動會推出嘅快閃店， 有得睇賽事之餘，又有得打卡， 又多一個去韓國嘅理由喇！ 超大型麥當勞快閃店， 坐落喺體育場邊嘅「江陵奧林匹克公園」~ [instagram photo=”BfD03QalXpN”][/instagram] 漢堡包設計嘅本店，加上14米高嘅大型薯條同飲品杯， 變身為「巨無霸套餐」，真係見到都已經覺得肚餓喇~ [instagram photo=”BfFQ0dIj3hU”][/instagram] 大型薯條整得超逼真，紅色嘅包裝盒加埋黃色嘅薯條超靚啊~~ [instagram photo=”BfM37NdAHHM”][/instagram] 日頭色彩繽紛，夜晚加埋燈光照明，閃閃發光，原來食麥當勞都可以好浪漫~ [instagram photo=”BfDghHjBurZ”][/instagram] 除咗可以買到經典嘅麥當勞餐之外，仲可以俾選手同觀眾打卡影相，一舉兩得~ INFO. 地址：江陵奧林匹克公園 =============== 食麥當勞點會少咗可樂啊~ 20米高嘅「巨人版」可樂販賣機登陸弘大！ [instagram photo=”Ber5I-gHvFG”][/instagram] 呢間快閃店除咗有好多口可樂周邊商品外，特別嘅係繡上奧運嘅五環LOGO，超有紀念價值啊~~ [instagram photo=”Betna7UHXok”][/instagram] 可口可樂吉祥物北極熊會隨機出沒喺展場，睇下你夠唔夠運撞到佢喇~ [instagram photo=”BestcvnBpyU”][/instagram] 仲可以將自己個名／相印喺可樂樽上面，一齊製作專屬於你獨一無二嘅2018平昌可樂樽啦~~ [instagram photo=”Beu0ehBlzKz”][/instagram] 錯過就沒機會嘅限定活動，仲等咩啊！快啲去韓國瘋狂打卡啦~~ INFO. 活動期間：2018.02.02 – 02.26 地址：首爾市麻浦區西橋洞344-11（弘大正門前） =============== 放假去邊 更多好介紹: 快啲like我哋Facebook 同follow我哋Instagram啦!
每封利是背後， 都經歷過無限個問題嘅洗禮… 新年又到喇~ 今年，你準備好未啊？ 問題1︰（單身時）幾時拍拖？ 我都想知我幾時可以拍拖，你估我想單身㗎咩… 問題2：（有拖拍時）幾時結婚？ 結婚一定俾帖你，唔好再問喇，我唔知arrrrrr~~~ 問題3：讀書讀成點？ 都係咁啦~ 你有冇聽過求學不是求分數~ 問題4：人工幾多？會唔會加人工？有冇花紅？ 人工就夠我洗嘅…至於另外兩個問題，不如你幫我問下我老闆？ 問題5：男/女朋友做緊咩？ 佢正職係佢父母嘅仔女，副職係我情人！ 問題6：讀呢科畢咗業搵唔搵到食？ 都未畢業我點知？我讀嚟都係為咗追尋夢想，人冇夢想同條咸魚有咩分別！ 問題7：打算幾時買樓？ 香港樓價咁貴點買得起，或者你封利是可以包大封啲幫補下~ 問題8：幾時打算生仔/幾時生多個？ 多謝各位姨媽姑姐表叔表嬸，有好消息會再通知你地，唔洗替我著急，多謝關心。 問題9：近排食好多？好似肥咗？ 幻覺嚟㗎姐… 問題10：幾時搵到工？ 其實呢…我都唔想做廢青，但係冇人請，我可以點… =============== 放假去邊 更多好介紹: 快啲like我哋Facebook 同follow我哋Instagram啦!
新年除咗逗利是之外， 仲有好多習俗同禁忌， 你又知幾多呢？ 小編一次幫你盤點年初一至年初九新年禁忌， 好好注意一下，咁就唔會新年流流得罪人啦~ 【年初一有8忌】 1. 忌沖涼同洗頭 年初一沖涼同洗頭會將財富與財運洗走，所以年三十晚要洗定喇~ 2. 忌催人起身 新年流流，唔好催人起身啊，咁會令對方成年都會俾人催做嘢~ 3. 忌訓晏覺 雖然唔會俾人催，但係都唔好訓太晏，會影響事業運~ 4. 忌食粥、肉、藥 年初一食粥會有一整年都貧窮嘅意思，仲有年初一忌殺生，所以都唔好食肉喇。另外，除非生病外，健康嘅人都唔好食維他命丸等補藥喇~ 5. 忌煮新飯 初一要食除夕留低嘅年夜飯，象徵年年有餘嘅意思~ 6. 忌床前拜年 大不吉利！因為會令對方一整年都喺病床上~ 7. 忌掃地同倒垃圾 初一、二為聚財日，如果掃地同倒垃圾會將財神爺送走，亦會掃走財富與好運~ 8. 忌俾單數利是 只有帛金先會俾單數，要小心注意啊~ 【年初二 回娘家】 1. 忌回門禮為單數 好事要成雙，單數唔吉利，所以女婿帶回娘家嘅禮物記得要雙數喇~ 2. 出嫁女兒宜初二、初三回娘家 唔好喺年初一、初四同初五呢幾天回娘家，否則會導致娘家家宅運不好~ 3. 忌洗衫 年初一、二忌洗衫，傳說呢兩日係水神生日~ 【年初三 忌外出、拜年】 初三係赤口日亦稱為「赤狗日」，赤狗係「熛怒之神」，遇到祂會有凶事，所以赤口日不宜外出都不宜拜年。 【年初四 不宜外出】 初四係民間習俗嘅接神日，要迎接眾神明、灶王爺同家神番嚟守護家人，傳說灶王爺會點名，所以不宜外出。 【年初五 破五送窮】 年初五有「破五」之稱，意指之前四天嘅禁忌可以喺呢日破除。初一到初四嘅垃圾為「財氣」，但到初五之後，垃圾就會變成「窮氣」。因此初五要將過年期間所有垃圾清掃乾淨，為之「送窮」，可以帶來好運同財運㗎~ 【年初六 開張大吉】 年初六係「送財神」嘅日子，商舖最好今日啟市營業。舖入面要擺一盆大桔，桔要極多，否則就會「空多桔少」（凶多吉少）㗎~ 【年初七 諸事不宜】 […]
唔洗煩喇喂！ 次次去拜年諗到頭都爆都唔知送咩好~ 無理由兩手空空去逗利是㗎嘛， 係時候要睇睇新年送禮攻略喇~ 老爺奶奶/外父外母 長輩比較唔好生冷嘢同甜嘢，可以考慮下送參茸海味、鮑魚燕窩等補身嘅賀年食品，又或者可以買件新衫俾佢地保暖，見你咁貼心一定會好放心將佢地嘅仔女交俾你照顧~ 初次見嘅男女朋友家長 初次見男女朋友家長，未知佢地鍾意啲咩，最保險嘅一定就係送生果或者直接請食飯/飲茶，仲可以一邊食一邊傾等佢地了解你多啲~ 老細/上司 無論幾熟都好，送俾上司嘅拜年禮都唔好求其送盒朱古力就算， 建議可以送啲體面又實用嘅禮物，例如靚酒、大元貝、鮑魚等等， 話唔定下年升職加薪有望~~ 同事 如果去交情好、平時又有幫過你嘅同事屋企拜年，不妨送一啲大方又得體嘅 品牌新年禮盒，又擺得又食得~ 三姑六婆遠房親戚 每個人都總會有一啲叫唔出名，又或者一年先見得一次嘅親戚，要去呢啲三姑六婆遠房親戚屋企拜年，最好就係送超級市場買嗰啲大大盒嘅賀年禮盒，最緊要記得包花紙！ 好朋友 好朋友就冇所謂送啲咩啦~ 靚酒又得、好食嘅蛋糕、朱古力都得，反正最後都係一齊食XD 準備好賀年禮物就唔驚去拜年啦~ 祝大家逗多啲利是！ =============== 放假去邊 更多好介紹: 快啲like我哋Facebook 同follow我哋Instagram啦!
各位單身嘅朋友， 恭喜你地捱過咗全年最閃但係最黑暗嘅日子！ 唔想再孤孤單單詛咒天下有情人終成兄妹？ 快啲跟住小編去台灣十大靈驗月老廟巡禮啦~~ =============== 台北萬華龍山寺 網友熱議度最高、已經撮合無數對情侶，連日本人都慕名而來，龍山寺因為祀奉太多大神，在拜月老前，記得要先依照順序參拜其他主神啊~ 地址：台北市萬華區廣州街211號 =============== 台北霞海城隍廟 霞海城隍廟嘅月老香火都非常鼎盛，10年來撮合超過5萬對情侶！記得唔好貪心攞太多紅線，以免靈驗過頭反而陷入感情嘅糾葛中啊~ 地址：台北市大同區迪化街一段61號 =============== 台南大天后宮 第一座官建的媽祖廟！大天后宮嘅月老擅長為感情加溫，或者係詢問感情路是否順遂、有無發展機會。適合有對象、有意中人者參拜，成功咗記得嚟還願啊~ 地址：台南市中西區永福路二段227巷18號 =============== 彰化鹿港天后宮 香火超級鼎盛嘅鹿港天后宮，早期係冇供奉月下老人嘅，但係由於太多人嚟求姻緣，所以加開月老廳。天后宮嘅月老據說相當靈驗，求桃花必去！ 地址：彰化縣鹿港鎮中山路430號 =============== 台中慈德慈惠堂 堪稱係台灣最現代化嘅月老廟！全台唯一採取坐姿嘅慈德慈惠堂月老爺爺，仲有Q版公仔俾你帶月老番屋企，另外設有「天界媒神月老郵便局」，幫你寄信俾尚在旅途中的另一半~ 地址：台中市西屯區大墩十九街82號 =============== 台中樂成宮 超過260年歷史嘅國家三級古蹟，香火非常頂盛！廟入面貼住好多求姻緣成功嘅人寄來嘅喜帖，據說月老爺爺嗜甜，善男善女們唔好帶錯供品喇~ 地址：台中市東區旱溪街48號 =============== 正統鹿耳門聖母廟 已經有400年歷史嘅鹿耳門聖母廟，至今已經撮合登記在案嘅情侶超過1萬2千對，唔單止靈驗，拜月老仲可以食糖，非常特別~ 地址：台南市安南區城安路160號 =============== 台南祀典武廟 喺嚴肅嘅關公廟入面，竟然都有主管浪漫愛情嘅月老？呢間月老廟比較嚴肅有原則，如果係感情專一嘅人，據說求姻緣特別靈驗；但如果係感情唔專一嘅求姻緣者，月老可能會幫你清桃花XD 地址：台南市中西區永福路二段229號 =============== 台南大觀音亭祀典興濟宮 大觀音亭中侍奉嘅月老嘴巴特別大，說媒特別會成功！有暗戀對象嘅不妨嚟拜下~據說，如果求來嘅紅線突然唔見，就係月老幫你辦咗急件，嗰兩日遇到嘅異性可能就係你命中註定嘅另一半，要好好把握啊~ 地址：台南市北區成功路86號 =============== 日月潭龍鳳宮月下老人祠 傳說超級靈驗嘅月老廟，好多遊客衝著要去呢間月老廟而去日月潭旅遊，唔止可以求紅線，都可以求籤！如果睇唔明籤詩，可以請廟方嘅人幫忙~ 地址：南投縣魚池鄉中山路292號 =============== 放假去邊 更多好介紹: 快啲like我哋Facebook 同follow我哋Instagram啦!
係蛋黃哥啊~~ 仲要係旅行收納袋~ 帶佢出去旅行一定勁方便， 好想帶佢番屋企~~~ 呢個「懶得打包收納袋」係台灣全家便利店推出嘅換購商品， 2月1號至2月27號全台限量換購8000個~ 正反面都係蛋黃哥痴住個車窗，好似講緊好想出去玩咁~ 一打開就可以見到上下加埋四個收納袋， 同埋中間蛋黃哥嘅懶樣紙巾套~ 喺蛋黃哥個咀度抽紙巾出嚟，畫面好療癒啊~ 可以一次裝囇雨傘、水樽、紙巾等等… 加埋掛帶，揹住又得、掛喺車度或者酒店度都得， 好方便啊~~ 1 元台幣1點，400點+349元台幣換購一款(或2000點+299元台幣)就可以換購喇~ INFO. 全家【官網】 =============== 放假去邊 更多好介紹: 快啲like我哋Facebook 同follow我哋Instagram啦!
