Author: staff1

有好多好多早餐在這裡 在我們最熟悉的早餐店裡～ 西營盤呢間台灣小食店雖然唔係早餐店， 但係有台灣早餐必食名物—芝士蛋餅！ 呢間店嘅蛋餅種類有好多，除咗有芝士蛋餅之外，仲有粟米蛋餅、粟米芝士蛋餅、肉鬆蛋餅同埋肉鬆芝士蛋餅～ [instagram photo=”BgoNlXfnGf5″][/instagram] 身為芝士控梗係要加芝士啦！！ [instagram photo=”BfBNJZel6rB”][/instagram] 蛋餅煙韌嘅口感配酸酸甜甜嘅醬料，加埋拉絲芝士真係冇得輸！ [instagram photo=”Bh_vVtxBbij”][/instagram] 蛋餅最緊要趁熱食，餅皮煎得香口，入面係滿滿既肉鬆，味道超香～ [instagram photo=”Bhb2A-tnPb3″][/instagram] 加埋辣椒醬食就夠哂地道啦！好似去咗台灣當地食咁啊～ [instagram photo=”Bf_P_OCnxDu”][/instagram] 阿元來了 地址：西營盤第三街73號地舖 (港鐵西營盤站B2出口) 電話：3579 2460 地址：觀塘鴻圖道28號地下後座 (港鐵牛頭角站B6出口) 電話：37059848 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

May 1, 2018August 5, 2022

食慣咗澳牛嘅「光速餐」？ 不如試試澳牛三代開嘅茶餐廳， 招牌炭火叉燒飯超好食！ 叉燒X煎蛋X菜心，黯然銷魂飯嘅基本配備～ [instagram photo=”BTN_DdXAoaW”][/instagram] 叉燒入口時既有蜜香，又有炭香，超惹味～ [instagram photo=”BhtfPdXBQRN”][/instagram] 半肥瘦叉燒肉質軟嫩 juicy，充滿油香～ [instagram photo=”BTgIi1rgCDO”][/instagram] 半熟太陽蛋有燶邊效果，戳穿蛋黃拌白飯超正！ [instagram photo=”BnLR1CYhrT5″][/instagram] 加埋絲苗米同豉油撈飯，真係好食到要打包多個返屋企！ [instagram photo=”BhiUYb8g-de”][/instagram] 聯發茶餐廳 地址：九龍城侯王道2-4號地下1號舖 電話： 2718 8832 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 30, 2018August 5, 2022

跨過半世紀嘅茶記美食！ 香蔥碎牛炒蛋厚多士， 蔥同蛋真係絕配啊～～ 麵包上鋪滿葱花、碎牛及炒蛋，五顏六色，睇見到開胃！ [instagram photo=”Bgbh9CNnPUI”][/instagram] 厚多士嘅底加埋牛油，烘到外微脆內鬆軟，真係誠意十足啊～ [instagram photo=”BhGinHhgTy9″][/instagram] 烤得微酥嘅厚多士加上滑嫰嘅炒蛋，口感超豐富！ [instagram photo=”BhvmYNlhQ17″][/instagram] 麵包鋪滿厚厚碎牛肉炒蛋，濃郁嘅蔥香透過黑胡椒提味，蛋汁豐富，又有牛肉鹹香味，一食就停唔到口！ [instagram photo=”Bh0qQ-cHd1r”][/instagram] 香蔥碎牛炒蛋厚多士分量超大，CP值好高啊～ [instagram photo=”Bh24eGOFHxU”][/instagram] 海安咖啡室 地址：上環干諾道西17號地下 電話：2540 6340 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 29, 2018August 5, 2022

特濃沙嗲牛肉麵， 湯底濃到好似打邊爐一樣， 重口味之選！ 茶記經典沙嗲牛肉麵，唔係喺麵上加沙嗲汁，而係整個湯底都係沙嗲～超惹味啊！ [instagram photo=”Bg5NjNRBn_H”][/instagram] 沙嗲湯底夠濃，啖啖麵都係沙嗲嘅香味～ [instagram photo=”st8Nt9j7uD”][/instagram] 牛肉份量超多，勁足料，啱哂大胃王肉食獸～ [instagram photo=”BgvRfrAFei5″][/instagram] 一碗麵都只係賣23蚊，真係得熟食中心先可以食到呢個價錢，性價比超高！ [instagram photo=”Bcwa7lblotA”][/instagram] 誠記 地址：西環堅尼地城士美非路12K號士美非路市政大廈2樓熟食中心 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 26, 2018August 5, 2022

女神劉心悠嘅至愛， 無骨海南雞飯～ 去尖沙咀記得要試試佢！ 每枱必點嘅招牌無骨海南雞飯，淡黃色海南雞表面充滿油滑亮澤，加埋帶油香嘅肥美雞肉，嗚～好想食啊！ [instagram photo=”BRDO4UGgT6I”][/instagram] 雞肉鮮嫩，加埋薄而脆滑雞皮，連皮啱啱好，唔會太油膩～ [instagram photo=”BUb2gwwA9vl”][/instagram] 一碟好嘅海南雞飯，除咗雞之外，飯都係重點！呢度嘅飯係用雞骨熬成嘅上湯煮出嚟，雞香味四溢～ [instagram photo=”BUT_zqUgL2v”][/instagram] 另外配搭供蘸點嘅三色醬：豉油、蔥薑蓉醬、酸辣醬，超級下飯！ [instagram photo=”BTiYWjUFIGy”][/instagram] 每份仲會附上一碗清淡而樸素嘅雞湯，好滿足啊～ [instagram photo=”BN8GE_YhDu2″][/instagram] 好時沙嗲 地址：尖沙咀麼地道63號好時中心144-148號舖 營業時間：11:45 – 22:00 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 25, 2018August 5, 2022

元朗有間街坊餃子店， 唔止有九款餃子畀你選擇， 而且粒粒都好似乒乓波咁大㗎！ 店舖所有餃子都係自家製，一共有九款餃子～ [instagram photo=”BYQY8x3FVaI”][/instagram] 有傳統嘅白菜豬肉餃、菲菜豬肉，都有搭配新奇嘅青瓜餃子、菜脯沙葛餃子、番茄牛肉餃子等等～ [instagram photo=”BfSVAcvhl3X”][/instagram] 選擇困難症可以叫美味雜錦餃子，一次食哂八款口味！ [instagram photo=”BGJ5gwDFRUN”][/instagram] 餃子除了配湯，還可以酥炸～ [instagram photo=”BSyG4FmhbE9″][/instagram] 沙葛菜脯紅蘿蔔豬肉餃子，爽脆嘅沙葛配上甜甜嘅菜脯，加埋其他配料真係超好食～～ [instagram photo=”BdcndDuFs6d”][/instagram] 仲有必試嘅即叫即炸鯪魚球，超彈牙新鮮熱辣，食嘅時候小心辣親個嘴啊～ [instagram photo=”BWxDAvPFKWh”][/instagram] 梁記餃子麵坊 地址：元朗安寧路93-109號富祥樓地下1號舖 營業時間：星期一至六 10:30-00:30 ; 星期日 10:30-22:00 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 23, 2018August 5, 2022

尖沙咀平民地道經典， 必食超香濃豬頸肉芝士撈丁， 芝士迷一定唔可以錯過！ 遠近馳名嘅豬頸肉芝士撈丁，鋪滿芝士嘅出前一丁，再加上鮮嫰嘅豬頸肉，真係超夾啊～ [instagram photo=”Be71qurBp_k”][/instagram] 芝士醬汁係由卡夫芝士配 Emmental Cheese 同忌廉打造而成，超級濃郁～ [instagram photo=”BeNgm2gDT-Z”][/instagram] 芝士滿滿鋪面，多到連麵同豬頸肉都見唔到！ [instagram photo=”BhD8w86A8Ba”][/instagram] 再加上鐵板燒過嘅蜜汁豬頸肉，肉質厚實，香口惹味～ [instagram photo=”BdZtl9pBIfN”][/instagram] 芝士醬Ｘ蜜汁豬頸肉嘅配搭真係重口味之選，食落超過癮！ [instagram photo=”Bczf9qdBqcR”][/instagram] 新記餐廳 地址：尖沙咀金巴利道16-20號香檳大廈地下13-14號舖 營業時間：12:00 – 00:30 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 21, 2018August 5, 2022

假日好去處！「邂逅！山 川 人」公共藝術計劃開始喇！ 提起荃灣川龍村，大家可能諗起飲茶， 但原來村入面仲有好多瑰寶，你又知幾多呢？ 富有社區特色嘅「邂逅！山 川 人」公共藝術計劃已經喺川龍村展開，計劃由藝術推廣辦事處籌劃，邀請了十三組藝術家包括：梁志和、伍韶勁、鄧國騫、黃國才、翟偉良、陳思光、鍾惠恩及吳家俊、黎慧儀、李淑雅、李香蘭、黃振欽、葉啟俊、楊秀卓及歷史教育工作者朱耀光入村入屋，了解川龍歷史同收集村民回憶，為村內廢置學校，茶樓同村公所等角落，創造出不同在地性藝術品，重現川龍村昔日嘅歷史回憶同凝聚社區情感~ 好多人在學時，唔多唔少都會有過喺學校書枱塗鴉嘅經驗，而呢啲經驗卻成為藝術家嘅創作靈感。十三組藝術家走進川龍村內不同空間，如川龍村前川龍貫文公立學校、村公所、茶樓等，感受村鄉生活同傳統，並與村內社區合作，從川龍嘅古今影像、地緣特色、學校回憶、村民的逸事同埋個人對川龍嘅想像出發，創作在地性嘅藝術作品，目的就係為咗畀大眾對本地鄉村文化歷史有更深了解。 黃國才《班房回憶錄》 藝術家黃國才將班房由室內帶到操場，以鋼鐵桌椅，塑造童年嘅苦與樂。將桌面以等離子切割嘅方式熱溶劃破鋼面，刻畫似曾相識嘅塗鴉、字帖，就好似細個嗰陣喺桌面上嘅塗鴉，童年回憶返哂嚟啊~~ 梁志和《攝影者的記憶》 藝術家梁志和將教員室改成展廳，透過窗邊模擬攝影機觀景器的裝置，可窺探一張放大了的舊照片，照片中有一對男女在大埔道望向沙田的景觀。 翟偉良《葉上的精靈》 藝術家翟偉良係一位業餘攝影師，鍾意用相機影底川龍嘅花、鳥、蟲，佢將作品重新放回田野裡，配合川龍水坑及大自然，等佢嘅他作品繼續與環境對話~ 鍾惠恩、吳家俊《山水龍頭栓》 藝術家鍾惠恩及吳家俊以石菖蒲草的形狀製成水龍頭栓，詠嘆川龍水嘅川流不息。佢地將水龍頭鑲嵌喺吧枱上展示，村民日後可用家中嘅水龍頭栓交換呢啲別具特色嘅藝術品，而呢張枱將會集百家水龍頭。 楊秀卓《田間的故事》 楊老師夥同歷史教育工作者朱耀光博士，將川龍菜農羅海東先生嘅口述歷史概括並刻喺木板供遊人閱讀，讓觀眾得知村民當年如何種植西洋菜。懸掛喺涼亭上嘅一副詠川龍嘅對聯，係由對面西洋菜田嘅主人羅國生先生親筆書寫。 展品會喺川龍村唔同嘅空間展出，畀參觀者遊走川龍村，親身感受鄉村生活同埋客家文化~ 展覽期間仲會舉辦多個配套活動，例如工作坊、分享會等，畀公眾認識昔日嘅村校教育同鄉村生活。另外逢星期六、日及公眾假期的上午11:30及下午2:30設有免費公眾導賞團服務，歡迎大家即場報名參加~ 展期至八月十二日，有關計劃和活動詳情︰ 展覽Facebook專頁及Instagram: apo.hihill 展覽網頁：https://www.lcsd.gov.hk/ INFO. 展覽日期：即日至12.8.2018 地點：前川龍貫文公立學校及荃灣川龍村 開放時間： 星期一、二、四至日：上午10時至下午6時 逢星期三休息 費用：全免 =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 10, 2018August 5, 2022