Author: staff1

壽司迷最愛~ 以低廉價錢都可以食到高質壽司， 迴轉壽司簡直係本世界最大嘅食貨福音， 邊個話窮遊唔可以食好嘢？ 等小編一次推介四間大阪高質迴轉壽司畀你啦！ =============== 磯野漁太郎 難波店 交通超級方便！從大阪難波站步行約5分鐘就到嘅「磯野漁太郎 難波店」，由於店內非常寬敞，等候嘅時間都唔會太長~ 重點係！1碟都係100円，但係壽司食材鮮度超群，CP值極高！真係食多幾碟都唔心痛啊~~ [instagram photo=”BcoRNNFjmBr”][/instagram] [instagram photo=”BZlHARmh81E”][/instagram] INFO. 地址：大阪府大阪市中央區難波千日前12-35 吉本大樓2F 營業時間：11:00〜23:00 =============== 無添くら寿司 梅田店 無添くら寿司位於「中津站」，同「梅田站」只有一站車程，大部分每碟只係100円起！雖然價錢平，但食材一啲都唔馬虎，使用嚴選食材、無添加調味料等，所以質素一啲都唔差。天婦羅壽司都係必點推介，即叫即炸勁酥脆~~ [instagram photo=”BbwEXl3hsM3″][/instagram] INFO. 地址：大阪府大阪市浪速区敷津東1-8-23 營業時間：11:00～24:00 =============== 大起水產迴轉壽司道 頓堀店 大起水產都是日本人氣嘅迴轉壽司店之一，喺難波、梅田、道頓堀、天滿橋等都有分店，每碟壽司都只是100円起，如果想吃軍艦同拖羅等就要貴啲，約500円。「大起水產迴轉壽司」所提供的壽司，品質好到你無法想像佢只係迴轉壽司，去大阪必試啊~~ [instagram photo=”BIM0_OED9Fg”][/instagram] [instagram photo=”BTbG4nagyir”][/instagram] INFO. 地址：大阪府大阪市中央区道頓堀1-7-24 四海樓道頓堀ビル 1F 營業時間：11:00～22:00 =============== 函太郎 大阪店 講到壽司嘅話總會想到新鮮海鮮豐富嘅北海道！呢間「函太郎 大阪店」係以“來捏北海道函館”為概念嘅迴轉壽司店。所使用嘅都係啱啱捕上岸嘅新鮮食材！配合新鮮海鮮嘅就係軟硬度恰到好處嘅白飯！咁高質嘅食材，每碟都係賣130円咋！好抵啊~~ [instagram photo=”BgM28cchcej”][/instagram] INFO. 地址：北区大深町4-20, ｸﾞﾗﾝﾌﾛﾝﾄ大阪ｼｮｯﾌﾟ＆ﾚｽﾄﾗﾝ南館7F 營業時間：11:00～23:00 =============== 放假去邊 更多好介紹: […]

By staff1

April 4, 2018August 5, 2022

小編幫你盤點激嬲12星座嘅一句話， 小心踩地雷啊~~ 白羊座（21/3-20/4） 「你有啲耐性好唔好？」 心直口快嘅牡羊座，本身沒咩耐心係公認嘅，但係其實只係佢地思緒快、手腳俐落，想快啲做好工作，往往係佢已經諗到一個鐘頭後嘅事，但手邊工作都未做完… 金牛座（21/4-21/5） 「你唔好咁小氣好唔好？」 金牛絕對唔係孤寒，喺佢認為值得嘅事上面，佢地會非常大方，但係嗰種花錢消災等冇必要嘅事，又或者係逞一時面子請客，金牛就肯定唔做~ 雙子座（22/5-21/6） 「你好八卦，關你咩事？」 雙子座係團體中嘅開心果，邊度有熱鬧聽佢就去邊，其實佢係鍾意同大家分享，想令氣氛活躍啲，但係就成日被認為係八卦… 巨蟹座（22/6-23/7） 「你唔好咁敏感啦」 心思細膩嘅巨蟹，你叫他你唔好咁敏感，就係為難他，而且有時佢都唔係真係真係咁緊張，只係想叫佢在意嘅人，多注意佢多啲~~ 獅子座（24/7-23/8） 「邊個邊個做得好過你」 總係眾人焦點嘅獅子，點忍受有人好過佢，獅子座雖然有天生天生王者風範，但並唔代表佢地唔努力，自尊加上自負，聽到有人話邊個做得好過你，有咩可能唔爆炸！ 處女座（24/8-23/9） 「你唔好咁執著好不好」 處女座嘅一板一眼，眾所皆知到都變成刻板印象，處女座做事時有超乎常人嘅執著，與其批評佢，不如放手俾佢做，唔理佢係最好嘅~~ 天秤座（24/9-23/10） 「講咗等於冇講，問你真係嘥氣」 天秤因為善於溝通，成日做調解者，優點係唔會講令人唔開心嘅說話，缺點就係佢地實在太中立客觀，如果想叫佢地畀建議，佢地可能會講A唔錯但係B 都有優點，問完你都唔知佢嘅建議係咩，不如問其他人好過~ 天蠍座（24/10-22/11） 「你唔好咁記仇」 正所謂：「真野唔片得」，缺點被講出嚟，冇人會開心，特別係天蠍。外冷內熱嘅蠍子，平時可以好cool唔出聲，但係一踩到雷點就會瞬間爆發，好多野當下唔講，唔代表佢唔嬲，只不過係先記住，所以少得罪天蠍~ 射手座（23/11-22/12） 「你可不可以成熟啲」 自有一套人生哲學嘅射手座，常畀人玩世不恭、對咩都唔在意，甚至有啲幼稚嘅印象，其實佢地知道自己做緊咩，只係唔鍾意苦悶嘅生活，所以好叻搵生活樂趣~ 山羊座（23/12-20/1） 「你有冇帶腦番工」 呢一句應該係每一個人嘅雷點，但係山羊座對工作上嘅批評反應最大，因為佢地一定都係恪守本分，對工作盡心盡力嘅人。如果有人唔知佢為工作付出幾多，又隨意批評嘅話，唔好以為山羊平時安靜內向，爆起上嚟可能隨即辭職唔做！ 水瓶座（21/1-19/2） 「你可唔可以唔好咁自私」 水瓶座有著理性嘅性格，做嘅決定有時令朋友都覺得自私，但係其實佢地並冇唔關心其他人，而係佢地覺得每個人都有自己選擇嘅權利，佢地唔想干涉其他人，都唔想俾其他人干涉~ 雙魚座（20/2-20/3） 「社會就係咁現實」 雙魚常被認為不切實際，單純善良嘅雙魚，眼中嘅世界係充滿美好嘅，如果你硬要佢接受呢個殘酷嘅世界，即使係一直溫和嘅雙魚，都會有嬲嘅時候，唔好逼雙魚面對現實啊~~~ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 3, 2018August 5, 2022

韓國人最鍾意飲燒酒， 鍾意到… 想將佢變做耳環每日戴住走XD [instagram photo=”Bgu0ylmH1rw”][/instagram] 真露燒酒係韓國燒酒經典品牌，迷你綠色瓶身搭配真露標籤，完全係縮小版酒樽，帶上耳仔超可愛~~~ [instagram photo=”BgJi_gBncof”][/instagram] 唔止有經典燒酒款，仲有啤酒系列，咖啡色同黃色嘅啤酒瓶身都好搶眼，有邊款酒係你最愛呢？ [instagram photo=”BgtXoDGg0ct”][/instagram] 買一對仲有酒杯送啊，戴住燒酒耳環飲住酒，係人望到都知你係酒鬼啦XD [instagram photo=”BgsTeB6gj0C”][/instagram] [instagram photo=”Bx1oP-jl76I”][/instagram] 好想一次過買哂三款啊~~ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 2, 2018August 5, 2022

反斗奇兵迷注意！ 上海迪士尼第七個園區， 迪士尼·皮克斯玩具總動園， 已經喺2018年4月26號將全新登場～ 園區入面各個景點同埋玩具擺設都已經安裝完成，遊戲項目嘅測試都嚴密進行中，好快胡迪、翠絲、泡泡龍同玩具朋友就可以同大家見面喇～ 迪士尼·皮克斯玩具總動園係上海迪士尼開幕後第一個擴建項目～ 新園區將會喺4月26號下午1點正式對外開放，上午就會舉辦一場特別嘅開幕慶典，好想去啊～ 迪士尼·皮克斯玩具總動園將會呈現精彩嘅景點同表演，準備好同玩具總動員玩遊戲未啊？ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

April 1, 2018August 5, 2022

無印粉絲準備尖叫！ 全世界最大「無印良品」喺大阪正式開幕， 一齊嚟行下呢個最文青嘅超市啦~~ [instagram photo=”BgiM36CBB2o”][/instagram] 呢間全球最大嘅「無印良品花田店」位於AEON MALL堺北花田店內，經過一年時間重新改裝之後喺3月20日正式開幕。 [instagram photo=”BgiIsOEFdAq”][/instagram] 無印良品花田店面積廣達4300平方公尺，淨係行到行到成日，仲要係首次以「食」為賣場主題，食貨必到啊~~~ [instagram photo=”Bgl30KKFHIv”][/instagram] 話到明係「最文青嘅生鮮超市」，產地直送嘅新鮮蔬果，鄰近岸和田漁港同泉佐野漁港直送嘅漁獲當然唔少得！每日都有達人駐場為處理即食海鮮魚生，即買即食，超新鮮~~ [instagram photo=”Bg3G2GEFIta”][/instagram] [instagram photo=”Bg29mIllJVU”][/instagram] 店入面仲有Café&Meal MUJI 提供精緻嘅日式熟食，無論新鮮出爐嘅麵包、丼飯、壽司咩都有！真係行超市都可以大飽口福！ [instagram photo=”BgkQGLUlune”][/instagram] 而且無印良品仲設置「MUJI SUPPORT」空間，等你可以一邊飲咖啡，一邊諮詢無印風嘅家居設計，真係好貼心啊~~ [instagram photo=”BgvmVwGDyYq”][/instagram] 交通仲非常便利，無印迷去日本記得去朝聖呢間全世界最大「無印良品」喇~~ INFO. 地址：大阪府堺市北区東浅香山町4-1-12　イオンモール堺北花田1F 營業時間：10am-9pm 交通方式：大阪市營地下鐵御堂筋線（紅）北花田站2號出口直達 （梅田站直達北花田站30分鐘，天王寺站直達北花田站12分鐘） =============== 放假去邊 更多好介紹: 快啲like我哋Facebook 同follow我哋Instagram啦!

By staff1

March 31, 2018August 5, 2022

講到香蕉奶即刻就諗起韓國， 特別係佢圓碌碌嘅樽超可愛~~ 而家韓國出咗唔淨係可以搽嘅香蕉奶， 終於可以買嚟做手信喇~ 呢個係香蕉牛奶XROUND A’ROUND 特別推出嘅美妝品， 從左至右分別係保濕沐浴乳—>保濕身體乳液—>保濕護手霜—>保濕潤唇膏~ 沐浴乳 沐浴乳一共有香蕉奶、士多啤梨奶、哈密瓜奶同咖啡奶四隻味，加上牛奶成份，主打保濕效果，洗完之後會散發出一種香甜味，好甜蜜啊~~~ 保濕身體乳液 身體乳液暫時只有香蕉奶同士多啤梨奶兩種味道，400ml嘅大容量真係有排用啊~~ 保濕護手霜 驚全身都係香蕉奶味太甜蜜嘅話，護手霜都不失為一個購物好選擇，仲可以買嚟做手信，四隻味都有，攞出嚟用嘅話全場焦點仲唔係你!? 潤唇膏 + 唇部去角質膏 小編最想入手嘅商品！香蕉奶同士多啤梨奶係潤唇膏，香蕉奶搽落係透明嘅，士多啤梨奶係淡淡嘅粉紅色~~ 而哈密瓜奶同咖啡奶則係唇部去角質膏，喺嘴唇上搽薄薄一層，再用濕紙巾輕輕搓就可以簡單去死皮，再搽上潤唇膏之後，就可以還原水嫩嘅嘴唇啦~ 超可愛嘅樽身同功能性嘅美妝品，簡直係逼人帶佢返屋企，喺Olive Young各大實體店面或網路商店有得賣喇~~ Source: Olive Young、Naver Blog =============== 放假去邊 更多好介紹: 快啲like我哋Facebook 同follow我哋Instagram啦!

By staff1

March 30, 2018August 5, 2022

日本廉航樂桃航空同香草航空確定合併！ 香草X樂桃呢個組合點解聽落好似好好食咁嘅？ 兩間航空公司2019年會完成基本整合，到時香草就會消失， 而樂桃航空就會開闢中程嘅國際路線~~ 正式整合之後，樂桃航空機隊將會從而家嘅35架擴大到50架以上，並擁有超過50條國內外航線，超越捷星日本，成為日本廉航之王！ 唔知合併咗之後嘅航機設計同制服會唔會改設計呢？ 鐘意藍黃色多啲定桃紅色多啲？唔準諗，即刻答XD 希望廉航愈嚟愈平，大家一齊去多啲旅行啦~~ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

March 29, 2018August 5, 2022

「可以食嘅吉祥物」繼上月推出sanrio系列之後， 今個月推出鬆弛熊立體和菓子！！ 一於就帶你地去賞櫻啦~~ 其實呢個鬆弛熊「食べマス」吉祥物和菓子上年四月都已經推出過一次，不過今次係立體坐喺度嘅版本，可愛度升級！ [instagram photo=”BgxTWjOFZCJ”][/instagram] 呆萌嘅表情真係愈望愈可愛，唔好咁深情望住我啦，我會唔捨得食你TT [instagram photo=”BgubdWRn0m7″][/instagram] 呢個和菓子連細節都做得超逼真！連牛奶熊嘅鈕扣同埋佢地圓圓嘅尾巴都有，唔講仲以為係玩具擺設~~ [instagram photo=”BgknTmolg6P”][/instagram] 立體造型仲可以頭身分離XD [instagram photo=”BgsWRHYFlJO”][/instagram] 鬆弛熊嘅內餡係佢最愛嘅布丁味，而牛奶熊就係濃厚嘅牛奶味~ [instagram photo=”BgviH3FBhqq”][/instagram] 3月20號起日本全國LAWSON限量發售，鬆弛熊迷唔好錯過喇~ [instagram photo=”BgxU6F0D1O8″][/instagram] INFO. 開賣期間：2018年3月20日（二）~ 價格：各259円（含稅280円） Source : Bandai Candy =============== 放假去邊 更多好介紹: 快啲like我哋Facebook 同follow我哋Instagram啦!

By staff1

March 26, 2018August 5, 2022

由3月27號起到6月6號， 東京迪士尼將會舉辦復活節限定活動， 除咗有好多復活節特別表演同埋限定商品， 連米奇米妮都換新裝戴上兔耳帽同兔耳頭飾， 一齊睇下有咩玩啦~~ =============== 【限定活動必睇】 Fashionable Easter表演秀 今年嘅表演秀係以「美式海濱風」為主題，米奇同好朋友們屆時會著住五彩繽紛、最時尚嘅裝扮同大家見面！表演中，米奇同米妮將結集美國海濱、失落河三角洲、美人魚礁湖，同神秘島四大海港嘅表演者，一齊乘船登場，配合歡樂音樂載歌載舞，同大家一齊迎來最熱鬧嘅春季復活節慶典！ INFO. 表演次數：1日2至3回公演 表演時間：約25分 表演地點：地中海港灣 Atmosphere Eentertainment 迪士尼海洋招牌樂隊「Tokyo Disney Sea Maritime band」都會著住復活節特別服裝，喺美國海濱嘅港岸公園為大家帶來精彩嘅樂曲表演~ =============== 【限定打卡點】 Photo Location 特別活動期間，園區各處會設置復活節藝術彩蛋同埋滿載繽紛花卉、復活節彩蛋嘅經典車同大型花籃裝飾等園區裝飾。除咗可以自備兔耳帽同兔耳頭飾影相之外，仲可以從特設區嘅攝影師借影相小道具，真係打卡都打到手軟~~ Egg Hut in Tokyo Disney Sea 復活節限定「搵蛋活動」！遊客可以去買尋寶地圖，跟住當中提示搵復活蛋，搵到嘅話就可以獲得兔耳髮夾，準備定朋友比賽鬥快搵蛋啦~~ INFO. 地圖費用：￥900(1次) 販賣店鋪：EMPORIO、Tower of Terror Memorabilia、Sleepy Whale Shop =============== 【限定必買】 去迪士尼除咗玩得開心，買得盡興都好緊要！Duffy同佢女朋友都換咗2018年版本復活節新裝、米奇都著上縮小版表演服！仲有各式各樣嘅復活節彩蛋同兔耳周邊，咁可愛，點忍手啊~~ =============== 【限定必食】 園內餐廳都有推出復活節特別餐點，從盤到外帶杯等，全部印滿了可愛嘅復活節特別圖樣！喺餐廳食又好、攞住邊行邊食都好，完全會陷入超夢幻嘅復活節氛圍入面~~~ 連住迪士尼酒店都可以獲得限定復活節贈品！今個復活節，迷士尼迷絕對要衝衝衝啊~~ Source : 東京ディズニーシー ディズニー・イースター =============== 放假去邊 更多好介紹: […]

By staff1

March 25, 2018August 5, 2022