Open Tour
多啦A夢迷注意！ 日本M記3月16號起， 推出咗《多啦A夢 大雄的寶島》嘅主題玩具~ 仲要款款都有機關可以玩㗎~ 海賊船水槍 三倍威力！會有三個地方噴水嘅水槍，一齊對抗敵人啦~ 發射！空氣炮 著住船長衫嘅多啦A夢超有型！㩒一㩒背後嘅掣，空氣炮就會發射喇~ 衝浪海賊船 將海浪兩邊裝上，再左右搖動海賊船，多啦A夢就會喺浪上衝浪~ 挑戰！多啦A夢測驗 有五張關於《多啦A夢 大雄的寶島》嘅問題卡，將卡插入多啦A夢玩具就會出答案，測試下你有冇專心睇電影XD 尋寶！磁石迷宮 想得到寶藏？將多啦A夢接近磁石球，帶佢走出迷宮啦~ 隨意門！秘密貼紙 打開隨意門改變角度，入面嘅畫面就會轉換，仲有其他卡片可以替換，貼上多啦A夢貼紙，帶佢地環遊世界啦~ 週末限定！3月17-18號買開心樂園餐，就會送多啦A夢陞官圖紙卡遊戲，數量有限，送完即止~ 快啲帶哂佢地番屋企，同多啦A夢一齊去冒險啦~ 圖片及資料來源: mcdonald.jp =============== 放假去邊 更多好介紹: 快啲like我哋Facebook 同follow我哋Instagram啦!
台灣彩虹眷村打卡就打得多喇~ 苗栗神秘小徑彩繪巷你又去過未呢？ 喺苗栗獅潭老街上，有一條神秘小徑，淨係睇到個招牌都已經好想入去！ [instagram photo=”BeDZ0koDuO3″][/instagram] 一入到去，滿滿嘅宮崎駿彩繪牆~ 千與千尋、湯婆婆同埋無面男都超逼真，好似走入咗電影場景咁~ [instagram photo=”BsIQ-xEnBbQ”][/instagram] 仲有宮崎駿經典卡通龍貓，肥嘟嘟嘅樣超可愛~ [instagram photo=”BX-uEYeFeD5″][/instagram] 除此之外，仲有哆啦A夢同美少女戰士等卡通，款款都畫得咁靚咁色彩繽紛，真係好適合打卡啊~ [instagram photo=”BfaZhL5HXJc”][/instagram] 原來係一名獅潭鄉工所嘅員工，唔忍心見到老街斑駁嘅牆，於是大筆一揮，先有一條咁靚嘅彩繪巷~ [instagram photo=”BRh8y2oD2QZ”][/instagram] 睇完係咪心郁郁想去呢？快啲去苗栗尋找你嘅童年回憶卡通啦~ INFO. 地址：苗栗縣獅潭新村店98號斜對面 ===================== 放假去邊 更多好介紹: 快啲like我哋Facebook 同follow我哋Instagram啦!
大邱開咗間以哈利波特為主題嘅café， 極具心思嘅裝修同食物吸引咗一堆麻瓜去朝聖~ 呢間café叫Hogsmeade Café，顧名思義即是《哈利波特》入面嘅活米村~ [instagram photo=”Bb7A68kD4au”][/instagram] Café 入面有唔少霍格華茲嘅小物品，有分類帽、學院徽章、飛天掃把等等~~ [instagram photo=”BIQErsoB8Ly”][/instagram] 火爐仲掛住魔杖同魔法袍供大家影相，俾你一秒化身哈利波特！ [instagram photo=”BMBdL4RD_b0″][/instagram] Café入面仲有西洋棋俾客人消磨時間，哈利波特迷有冇即刻諗起第一集「神秘的魔法石」最後嘅決鬥場面呢？ [instagram photo=”BMwAtqCA3oo”][/instagram] 仲有魔法掃把可以騎住打卡~ 就連MENU 都超俾心機，你一本魔法書~ [instagram photo=”BDK4ef_tT0Q”][/instagram] 當然唔少得招牌嘅奶油啤酒同南瓜批，夠膽嘅話仲可以試下耳屎味怪味豆XD [instagram photo=”BQkMV2mFzxe”][/instagram] 呢度根本就係波特迷嘅天堂，準備好掃帚，一齊飛去神奇嘅魔法世界啦！ 【호그스미드】 地址：慶尚北道慶山市星岩路12街36-11（경상북도 경산시 성암로12길 36-11） [map url=”https://www.google.com/maps/embed?pb=!1m18!1m12!1m3!1d12940.700605144952!2d128.71512984257376!3d35.82017813259282!2m3!1f0!2f0!3f0!3m2!1i1024!2i768!4f13.1!3m3!1m2!1s0x35660945b2f7930b%3A0x8142abd77f9f9f2a!2s36-11+Seongam-ro+12-gil%2C+Gyeongsan%2C+Gyeongsangbuk-do%2C+South+Korea!5e0!3m2!1szh-TW!2shk!4v1520576747751″][/map] =============== 放假去邊 更多好介紹: 快啲like我哋Facebook 同follow我哋Instagram啦!
又到初春花季， 嫣红姹紫开遍， 就連元州邨杜鵑花隧道都開花喇！ 香港雖然冇日本櫻花隧道，但深水埗元州邨長30 米嘅杜鵑花隧道，一片令人賞心悅目嘅嫣紅，比櫻花隧道更搶眼~ 呢條花隧道位於元樂樓側，每年三至四月，整條隧道都會布滿大大片紫紅花，吸引唔少發燒友同情侶去打卡~ 而家簕杜鵑已經開始綻放喇~ 暫時得隧道頭尾比較多花，但已經幾茂盛喇~ 如果想影杜鵑花隧道，三月下旬應該係最靚嘅時候，到時連地下都會鋪滿花瓣，好浪漫啊~ 杜鵑花嘅花期唔長，快啲約埋朋友、情人去元州邨打卡啦~ INFO. 地址：九龍長沙灣元州邨元樂樓旁 交通：港鐵長沙灣站C2出口 =============== 放假去邊 更多好介紹: 快啲like我哋Facebook 同follow我哋Instagram啦!
每年嘅三月下旬至四月係日本嘅櫻花季， 日本橋櫻花祭都喺下星期五開始舉行喇~ 今年係第五屆日本橋櫻花祭，主題係「投入藝術的春天」，會將江戶剪紙融入賞花~ 長25米嘅福德神社參道「仲通り」，將會化身為一條櫻花隧道~ (圖為2017年第四屆日本橋櫻花祭） 室內都可以賞櫻！成個天幕都係櫻花剪紙，仲有櫻花燈籠，超靚啊~~ (圖為2017年第四屆日本橋櫻花祭） 點埋燈，就更似盛開嘅櫻花樹，仲有音樂同櫻花投影，好夢幻啊~~ 日本橋櫻花祭會喺3月16日至4月15日期間舉行，仲有櫻花為主題嘅美食攤檔，去日本賞櫻嘅話就唔好錯過喇~ INFO. 地址：東京都中央區日本橋 舉辦日期：2018年3月16日（週五）～4月15日（週日） 交通方式：從東京Metro地鐵銀座線「日本橋站」、「三越前站」步行即達 / 連接東京站八重洲、京橋、日本橋地區的免費巡迴巴士「Metrolink日本橋」 官方網站：Nihonbashi ===================== 放假去邊 更多好介紹: 快啲like我哋Facebook 同follow我哋Instagram啦!
去迪士尼，好多人會搵米奇或者公主影相同簽名， 但係近日東京迪士尼最受追捧嘅角色， 竟然係《白雪公主》入面嘅壞皇后！？ [facebook url=”https://www.facebook.com/openholidays/videos/1978036605742561/”][/facebook] 原本迪士尼嘅反派角色就係隨機出沒，算係隱藏角色，所以想見到壞皇后嘅機會真係可遇不可求~ 為咗分發揮出卡通入面嘅個人特色，壞皇后嗰樣真係超高竇，但高竇還高竇，都係會乖乖擺pose俾你影相XD 當有客人問佢攞簽名，雖然一副竟然敢叫本皇后簽名係咪作死嘅樣，但係最後都會當然都會幫你簽啦~ 最搞笑嘅係，有日本網友跟喺壞皇后後面讚佢靚，佢一副理所當然咁講「我知！」之後就頭也不回咁走咗，太可愛了吧！ 睇完有冇深深被壞皇后嘅反差萌魅力吸引呢？小編都好想俾壞皇后黑面對待啊XD Source : Twitter ===================== 放假去邊 更多好介紹: 快啲like我哋Facebook 同follow我哋Instagram啦!
他媽哥池20周年啦喇！ 係咪好懷念嗰段玩電子雞嘅青蔥歲月呢？ 唔洗心掛掛喇！ 《我永遠的他媽哥池》復活喇！ 除咗旅行青蛙，2018年不能不玩嘅手機遊戲《我永遠的他媽哥池》， 3月15號喺iOS及Android同步上架~ 同旅行青蛙唔同嘅係，他媽哥池會日日留喺屋企，你可以盡情享受餵佢食嘢、幫佢沖涼嘅樂趣，屎都可以幫佢剷埋XD仲可以同其他電子寵物做朋友添~ 有別於蛋形他媽哥池機嘅黑白公仔，手機遊戲嘅版本係立體彩色㗎，唔知你又鍾意邊款多啲呢？ 即日起只要喺官網註冊，就有機會被選中成為全新他媽哥池角色原型人物，加入遊戲俾所有玩家寵愛！ 話唔定下一個他媽哥池就係你，仲唔快啲衝去註冊？ INFO. 【Tamagotchi官網】 APP上架時間：2018年3月15日 =============== 放假去邊 更多好介紹: 快啲like我哋Facebook 同follow我哋Instagram啦!
春天係賞花季節， 唔係淨係可以去日本影櫻花， 香港黃花風鈴木都開花喇！ 南昌公園種有近90棵黃花風鈴木，近日已經逐漸開花，預計喺未來一兩星期，黃花將會開得更燦爛~ 黃花風鈴木被譽為巴西嘅國樹，開花嗰陣花多葉少，滿樹都係球狀黃花，超靚啊~~~ 唔少人都會喺黃花樹下賞櫻，賞慣咗粉紅色嘅櫻花，偶爾賞下黃花真係別有一番滋味~ 公園入面仲有條風鈴木步道，開滿花嘅時候就會變成黃金花海隧道~ (相片攝於2018年3月6日，估計未來一星期會陸續開花) 等唔切嘅朋友，可以去一街之隔通州街公園壁球場附近止下渴 因為該處已經有三棵黃花風鈴木盛開咗喇~ 黃花風鈴木開花期得十日左右，想影相就要把握機會喇！快啲約埋朋友去南昌公園打卡啦~ INFO. 地址：深水埗南昌公園 交通：港鐵南昌站D1出口 [map url=”https://www.google.com/maps/embed?pb=!1m18!1m12!1m3!1d3690.7547024647647!2d114.15472331531866!3d22.3251149476344!2m3!1f0!2f0!3f0!3m2!1i1024!2i768!4f13.1!3m3!1m2!1s0x340400b1cc875f8f%3A0xfbc0c0bc7724048!2z5Y2X5piM5YWs5ZyS!5e0!3m2!1szh-TW!2shk!4v1520327926145″][/map] =============== 放假去邊 更多好介紹: 快啲like我哋Facebook 同follow我哋Instagram啦!
提起福島第一件事， 可能會諗起7年前嘅311大地震， 小編日前就出席左「福島縣的現狀與復興進程」記者會， 一齊嚟睇下而家福島現況係點啦！ （左起: 現居福島縣的香港人Minnie Li 女士、福島縣農林水產部技監佐藤清丸先生、福島縣當地稻米農場代表加藤繪美女士、美食專欄作家及Fukushima Pride HK 專頁版主杉内馨先生） 福島縣農林水產部技監佐藤清丸先生喺會上指出，現時嘅農產物出口量已回復災前水平，當局一直都有對放射性物質進行除污及監控嘅工作，確保食品喺流通前都通過安全認證，所有檢查結果會被公開喺佢地嘅網站內，務求令市民食得安心買得放心。 日本農林水產品出名好食，冷暖顯著、四季分明嘅福島都唔例外，一齊睇下十大福島農林水產品到底係咩啦~ 米 福島縣自古以嚟都盛行稻作，所以佢地嘅米好出名！除咗有「越光米」同「一見鍾情米」之外，仲有用咗十五年時間開發嘅「天之粒」~ 青瓜 由於福島嘅氣溫同降雨量都好適合青瓜生長，所以青瓜產量係日本第一！ 蕃茄 喺充分日照下茁壯成長嘅福島蕃茄，粒粒都咁飽滿鮮甜，酸甜比例啱啱好！ 蘆筍 喺福島縣，你可以一次試哂綠色、紫色同白色嘅蘆筍~ 桃 福島嘅桃又紅又甜，栽培面積仲要喺日本全國排名第二！好多人去福島都會買嚟做手信！ 日本梨 圓碌碌嘅福島日本梨，水分含量極高，一咬落去就會噴出甘甜味美嘅梨汁~ 牛肉 福島牛係油花分佈得超均勻嘅霜降牛，唔講你唔知，福島牛喺1998年被譽為日本第一牛，肉食獸大愛！ 雞肉 福島有兩種代表性嘅土雞，「會津地雞」由於脂肪多，用嚟做雞串味道真係一絕！仲有「川俁軍雞」具有彈力十足嘅口感，最適合用嚟做成軍雞火鍋 日本酒 有靚米點會冇靚酒啊？福島嘅日本酒堪稱「一滴入魂」，即係每一滴都咁好飲啊~~ 拉麵 去日本，有咩可能唔食拉麵？會津地區嘅「喜多方拉麵」以醬油做湯底，配偏粗嘅捲麵同埋青蔥、叉燒肉，喺日本係無人不知嘅名物！ =============== 放假去邊 更多好介紹: 快啲like我哋Facebook 同follow我哋Instagram啦!
台灣有一間成間都係粉紅色嘅店！ 入到去真係打卡無極限~ 唔係café ，竟然係服飾店！？ 呢間服飾店賣嘅係偏休閒可愛嘅年輕少女風格衫，淨係裝修都feel到濃濃少女感~ [instagram photo=”Bfi6KLog8kd”][/instagram] 兩層樓超粉嫩夢幻嘅裝修，有種少女夢幻嘅法式風情~ [instagram photo=”BfQg-MWhOur”][/instagram] 每一個角落都係打卡位，有浴缸波波池、可愛公仔同霓虹燈~ [instagram photo=”BfidROhHLCY”][/instagram] [instagram photo=”BfQg2OxBWGl”][/instagram] 有得shopping ，又有得打卡，完全滿足哂少女嘅喜好，入咗去冇三五七個鐘頭真係出唔到嚟~ [instagram photo=”BfS8gDfBOqX”][/instagram] 集合哂超夢幻元素同事物嘅粉紅迷幻世界，經過桃園絕對唔可以錯過啊~~ MIKA MIKA 營業時間：11：00 – 22：00 地址：桃園市中壢區中平路71號 =============== 放假去邊 更多好介紹: 快啲like我哋Facebook 同follow我哋Instagram啦!
