• Mon. Jun 1st, 2026
    • '
    Homestaff1 (Page 6)

    Author: staff1

    author

    粉紅櫻花季！櫻花美照姿勢構圖大公開｜旅遊日常｜放假去邊

    還記得櫻花正開~ 日本韓國嘅櫻花已經開到好澎湃喇！ 快啲跟小編學定點先可以影到櫻花靚相呃like啦~ 櫻花花束 搵一棵開得好茂盛嘅櫻花樹，扮捉住樹幹嘅位置，完美錯位就好似一紮櫻花花束咁，搵人送一紮咁嘅花俾小編啊～ [instagram photo=”BgJVrwSB4NU”][/instagram] 花中花 執起掉落地下嘅櫻花，以櫻花做背景影花中花，或者用花瓣排成心形放喺手上面，隨便影都勁有feel~ [instagram photo=”BgbIDv-hlru”][/instagram] [instagram photo=”Bf2M0OxnTG0″][/instagram] 世紀放閃櫻花相 考驗男朋友臂力嘅時間到喇！女朋友跪上男朋朋手臂上，忍幾秒，深呼吸抬起，加上滿滿嘅櫻花背景，有冇諗過影嗰個嘅感受TT [instagram photo=”BgGe09Whdqu”][/instagram] 低炒 慣咗由上俯瞰下面嘅櫻花美景，其實低炒影櫻花都別有一番美態，藍色嘅天空加埋粉紅色嘅櫻花，配色超夢幻~~~ [instagram photo=”BgbH_ZUBtry”][/instagram] 對望相 當兩個人影相影到唔知擺咩pose 好嘅時候，其實對望都係一個好選擇，自然不造作嘅對望相，淨係睇到張相都覺得好甜~ [instagram photo=”BgEHR1th8ss”][/instagram] 背影 背多Fun~無論點影都咁靚嘅背影相，加埋櫻花背景真係冇得輸，同埋friend 子，男女朋友仔一齊影更加可以突顯你地嘅好感情~~ [instagram photo=”BgGewrBhmDL”][/instagram] [instagram photo=”BflHao2H3YY”][/instagram] 人體愛心 背形相嘅升級版！一人往左，一人往右，擺出C 嘅形狀，兩個人加埋就會形成人體愛心，真係離遠都見到你地放閃啊~~ [instagram photo=”Bfz9ML0n9gg”][/instagram] Source : IG @ eworld_83tower =============== 放假去邊 更多好介紹: 快啲like我哋Facebook 同follow我哋Instagram啦!

    author

    熱爆Twitter！日本迷你扭蛋美妝貼紙 | 日本購物 | 放假去邊

    日本女高中生而家興交換彩妝， 但係唔係交換一般嘅化妝品， 而係交換美妝貼紙， 仲要可以扭出嚟㗎~~~ 呢啲美妝貼紙係POSME品牌， 專為00後設計嘅可愛系列第一彈美妝新品「Play Color Chip」！ [instagram photo=”Bf27K-PgcNF”][/instagram] 「Play Color Chip」係一個多功能嘅彩妝，唇彩、腮紅、眼影，一片多用！ [instagram photo=”Bf5Ngw_gmFR”][/instagram] 完全唔需要用到任何華麗嘅技巧，只須用手指將顏色蘸取再塗在眼睛、臉頰或嘴唇就得，真係好適合小編呢啲手殘人士用啊~~ [instagram photo=”BefLlHQHjA0″][/instagram] 「Play Color Chip」一包有6片，雖然每一片嘅圖案都唔同，但實際顏色都係一樣㗎，仲要都係超可愛嘅手繪，少女心大爆發啊~~ [instagram photo=”BgQs6F5F7jN”][/instagram] 目前一共有21種顏色，可以同朋友一起交換顏色、交換圖案嘅發想真係超可愛又有趣，還可以增進同朋友嘅感情添XD [instagram photo=”BfQtXqJBPwK”][/instagram] 最特別嘅係，除咗有得一包包販賣之外，仲可以喺扭蛋機扭出嚟，粉紅色嘅扭蛋機超夢幻啊~~ [instagram photo=”BeDLrIthSul”][/instagram] [instagram photo=”BgkitgZFtld”][/instagram] 一包6片都係賣300円（約港幣$21），喺日本嘅涉谷、原宿嘅Ainz Tulpe或部份ITS’ DEMO、LOFT、PLAZA都可以買到㗎~ Source : POSME =============== 放假去邊 更多好介紹: 快啲like我哋Facebook 同follow我哋Instagram啦!

    author

    瘋狂食玩買！大阪五大必去商店街 | 日本旅遊 | 放假去邊

    去大阪旅行， 行商店街瘋狂食玩買是常識吧~ 小編特別嚴選大阪五大商店街， 包你玩到唔捨得走啊~~ =============== 心齋橋商店街 去大阪不得不去藥妝店最多、年輕時尚品牌最多嘅心齋橋商店街！ 係遊客最愛去血拼嘅地方之一， 心齋橋商店街行到長堀通（有ZARA同UNIQLO旗艦店嗰帶），仲可以行埋大阪有名嘅批發商店街船場，觀光客比較少，日本當地人掃平嘢好去處~~ [instagram photo=”Bgi88v2B2jB”][/instagram] INFO. 交通：地下鉄御堂筋線「心斎橋駅」、地下鉄長堀鶴見緑地線「心斎橋駅」下車 =============== 道頓堀 可能係大阪最出名嘅商店街！有超大嘅固力果看板，有觀光船，有大螃蟹、大河豚、大金龍、大章魚嘅超牌，係全日本看板最誇張嘅飲食街，打卡都打到手軟~ [instagram photo=”Bgkaj0OBtxT”][/instagram] 道頓堀除咗「Forever21」同幾間紀念品店同免稅店之外，幾乎都係居酒屋、拉麵店同各種餐廳，食貨必去！ [instagram photo=”BgiyO4RFCSl”][/instagram] INFO. 交通：下鉄御堂筋線、千日前線、四ツ橋線「なんば駅」、近鉄奈良線「難波駅」下車 =============== 通天閣新世界 通天閣最早建於明治45年（1912年），當時係亞洲最高嘅塔，參天之高，所以稱之為通天閣。「新世界」係通天閣附近嘅商店街，特別多飲食店、柏青哥店、平價服飾店，雜亂嘅街道、擁擠嘅小店，充滿昔日大阪風情~~ [instagram photo=”BgkxlPYlnZM”][/instagram] INFO. 交通：地下鉄堺筋線「恵美須町駅」 =============== 美國村 心齋橋商店街附近嘅美國村，係當地年輕人專屬嘅購物天堂，二手衣、個性潮牌特別多，美國村街上周圍都見到顏色唔同嘅人形路燈，中心嘅三角公園，每逢假日就會成日有街頭音樂同藝術表演，好值得去感受一下年輕與活力~~ [instagram photo=”BSqjSoDFQfu”][/instagram] INFO. 交通：地下鉄御堂筋線「心斎橋駅」、地下鉄長堀鶴見緑地線「心斎橋駅」下車 =============== 天神橋筋商店街 日本最長嘅商店街！長達2.6km，整條商店街從一丁目到六丁目約有600幾間鋪，吃喝玩樂食衣住行咩都有！由於外國觀光客相對比較少，所以買野都會平啲~ 位於一丁目嘅大阪天滿宮，每年都會有幾次祭典，鐘意熱鬧嘅你唔好錯過喇~ [instagram photo=”BgjOVLmgaYy”][/instagram] INFO. 交通：「JR天滿駅」、或「JR大阪天滿宮駅」下車皆可 =============== 放假去邊 更多好介紹: 快啲like我哋Facebook 同follow我哋Instagram啦!

    author

    Let’s Party！韓國珍寶珠閃燈棒｜韓國購物｜放假去邊

    韓國Baskin Robbins雪糕又出新周邊！ 今次係派對動物必備嘅超巨型珍寶珠閃燈棒啊~~ [instagram photo=”BgP4WUaBaqZ”][/instagram] 未拆包裝之前，仲以為係巨型珍寶珠~ [instagram photo=”Bgd6i2lBijR”][/instagram] 但其實係一枝擁有超強大spot Light嘅珍寶珠閃燈棒！ [instagram photo=”BgFkph6BUUl”][/instagram] 圓球造型同六角形嘅反射水晶體，一打開七彩燈光閃唔停，好華麗啊~~ [instagram photo=”BgbWZ-rAH-2″][/instagram] 五光十色嘅炫麗燈光效果可以用嚟提升氣氛，只要打開佢，再平凡嘅地方都即刻變K房同Club~~~ [instagram photo=”BgFnnYRhml3″][/instagram] 喺Baskin Robbins買滿19500韓圜（約140港幣）或以上，加1900韓圜（約14港幣）就可以換購！CP值超高啊~~~ 由3月9號開始換購，數量有限，換完即止！快啲帶呢個派對神器返屋企，Let’s Party！ Source : Baskin Robbins =============== 放假去邊 更多好介紹: 快啲like我哋Facebook 同follow我哋Instagram啦!

    author

    召喚蛋迷！香港蛋包飯大集合 | 香港美食 | 放假去邊

    蛋迷最愛嘅畫面！ 滿溢著蛋汁嘅蛋皮包住香噴噴嘅炒飯， 加上香濃嘅醬汁一啖食落口， 媽呀～～ 好幸福啊～～ =============== 灣仔 – 貓之眼 一次滿足你三個願望嘅蛋包飯專門店！ 蛋包飯分成左中右三份，中間係招牌蛋包飯！ 搭配著雙重口感嘅醬汁同配料，真係神級享受！ 呢間餐廳嘅手打漢堡牛肉都好出名，每日限定～ 食蛋包飯嘅時候記得試埋喇！ [instagram photo=”CUXpxN8hYZ5″][/instagram] INFO. 地址：灣仔汕頭街24號地鋪 =============== 尖沙咀 – 宏 Hiroshi 餐廳嘅炸豬扒蛋包飯相當受歡迎！ 豬扒超Juicy～仲有流心蛋汁！ 配埋白飯一齊食，正啊！ [instagram photo=”B-PIx0FjbLJ”][/instagram] INFO. 地址：尖沙咀金巴利道9號美麗華廣場1期4樓408號舖 =============== 屯門 – 轉角 喺屯門一個平民商場裡面有一間cafe～ 呢度嘅咖哩蛋包飯真係好出色！ 甜咖哩味道濃郁，半熟蛋又夠嫩滑～撈飯一流！ 仲有多款配料選擇，例如雞扒、漢堡扒、鰻魚等，好食到停唔到口呀！ [instagram photo=”CSCYdd7B3-_”][/instagram] INFO. 地址：屯門屯利街1號華都商場1樓2-3號舖 =============== 旺角 – 紅橋 旺角呢間餐廳有得食豬扒伴蛋包飯！ 聽嗰名都已經覺得好吸引！ 嗰蛋好厚身，完全包著啲飯～ 慢慢切開之後仲發現裡面保留著半熟蛋汁𠻹～好香好好味啊！ [instagram photo=”CW60fKJhJva”][/instagram] INFO. 地址：旺角西洋菜南街190-194A號西洋大廈地舖 =============== […]

    author

    日本期間限定！泡泡先生 X Krispy Kreme聯名冬甩 |日本美食 | 放假去邊

    嚟自法國人氣繪本嘅泡泡先生（Barbapapa）， 粉紅色圓碌碌嘅身體加上療癒嘅笑容， 而家仲推出埋冬甩，真係可愛到唔捨得食啊~~ 期間限定3月1日至4月17日，泡泡先生會同美國知名冬甩牌子「Krispy Kreme」聯名推出「泡泡先生家族系列」冬甩！ Barbapapa 士多啤梨 樂於助人嘅泡泡先生，可愛嘅紅臉以士多啤梨朱古力製成，眼鏡係白朱古力、口鼻係黑朱古力，而內餡就包住香甜嘅士多啤梨奶油~ Barbazoo 焦糖 內餡係香醇嘅焦糖奶油，鍾意食布丁嘅話唔好錯過呢款風甩喇~ Barbamama 吉士 梳住包包頭嘅Barbamama睇落係咪好慈祥呢？髮飾採用多彩糖製成，而內餡則係軟滑嘅雲尼拿吉士奶油~ Barbalala 哈密瓜 內餡放入紅肉哈密瓜製成嘅濃郁奶油，臉就用雲尼拿朱古力製成，髮飾用銀珠糖嚟點綴~ 由3月15日起，為咗迎接復活節嘅到來，「Barbapapa 士多啤梨」同「Barbazoo 焦糖」仲會有兔仔耳仔裝飾，可愛度秒升啊~~ 有3、6、12、20個裝嘅組合，無論係自己食定同屋企人朋友分享都係一流啊~最開心嘅梗係自己食之餘，相機都有得食啊！ 想要收集泡泡先生家族冬甩，就快啲飛到日本Krispy Kreme報到，帶哂佢地番屋企啦~~ Source：Krispy Kreme Doughnuts INFO. 【アトレ川崎店】 地址：神奈川県川崎市川崎区駅前本町26-1 アトレ川崎 1F 電話：044-223-1690 營業時間：8:00～22:30 【ルクア大阪店】 地址：大阪府大阪市北区梅田3-1-3 ルクア大阪 地下1階 電話：06-6347-1072 營業時間：7:00～23:00 =============== 放假去邊 更多好介紹: 快啲like我哋Facebook 同follow我哋Instagram啦!

    author

    全球只有一張!「10級初版噴火龍」價值10萬美金!?｜美國趣聞｜放假去邊

    Pokemon 界嘅夢幻逸品， 「10級初版噴火龍」遊戲卡， 一張竟然價值10萬美金！？ 近日美國有一個男人攞住珍藏已久嘅Pokémon卡去典當，表示呢啲卡片價值連城。 起初老闆都唔相信，一度疑惑「Pokémon卡唔係俾8歲細路玩嘅遊戲卡咩？」~ 點知一經鑑定，呢堆Pokémon卡竟然總值38到39萬美金（約港幣300萬）！？ 老闆一聽完卡片價值之後，即刻O哂咀！ 原來係因為當中有好多張BGS鑑定10級加持（最知名卡片鑑定公司，以出名嘅嚴苛享譽業界）嘅卡片，全球唔超過50張嘅「10級卡片」，呢個男人手上竟是有10張！ 其中最人氣、經典的角色之一嘅「10級初版噴火龍」遊戲卡，可以講係全球只有一張！價值約5到10萬美金（約港幣40萬至80萬）~ 只能說，小編同老闆一樣眼拙，到底咩人先有錢玩咁貴嘅玩具呢？ Source ：youtube @ Pawn Stars =============== 放假去邊 更多好介紹: 快啲like我哋Facebook 同follow我哋Instagram啦!

    author

    大阪USJ「美少女戰士：The Miracle 4-D」首日開幕！獨創週邊商品大公開｜日本旅遊｜放假去邊

    美少女戰士迷準備尖叫！ 日本環球影城「美少女戰士：The Miracle 4-D」今日正式開幕！ 除咗有超好玩嘅4D遊戲，仲有好多獨創週邊商品賣啊~ 終於可以現場講出「我要代替月亮懲罰你」呢句台詞喇TT 「美少女戰士 The Miracle 4-D」以4D技術，帶你重拾童年回憶， 仲可以用「環球月光手杖」拯救地球！ 嚟到美少女戰士樂園，有咩可能唔買週邊商品走啊？睇下有咩必買推介啦~ 【美少女戰士爆谷桶】 水手服造型嘅爆谷桶，得意程度真係令我忍唔住大叫卡娃依！ 【環球月光手杖】 美少女戰士迷必入手夢幻逸品！真係會發光㗎！售價稅入2900日元 【美少女戰士月亮武器襟章】 一套6款售價稅入4000日元 【美少女戰士髮夾】 一套5款，售價稅入2000日元 【時空之鑰項鍊】 以「銀水晶」為形象所設計嘅項鍊，售價稅入3500日元 【美少女戰士耳環套裝】 有齊月亮、水星、火星、木星同金星符嘅耳環套裝，售價稅入2700日元 【美少女戰士首飾架】 美少女戰士經典造型水手服首飾架，超靚啊~~ 一套五入售價稅入22000日元 美少女戰士：The Miracle 4-D 日期：2018年3月16日至6月24日 地址：大阪府大阪市此花区桜島二丁目1番33号 [map url=”https://www.google.com/maps/embed?pb=!1m14!1m8!1m3!1d6563.149419840426!2d135.432338!3d34.665442!3m2!1i1024!2i768!4f13.1!3m3!1m2!1s0x0%3A0x3605fe25303252aa!2z5pel5pys55Kw55CD5b2x5Z-O!5e0!3m2!1szh-TW!2stw!4v1521196187708″][/map] =============== 放假去邊 更多好介紹: 快啲like我哋Facebook 同follow我哋Instagram啦!

    author

    最恐怖Cosplay！伊藤潤二恐怖漫畫角色神還原 | 日本趣聞 | 放假去邊

    Cosplay 見唔少， 咁恐怖嘅cosplay你又有冇見過？ 日本網友「いくら」係超級伊藤潤二迷， 佢嘅願望係希望住進伊藤老師的世界入面， Cosplay嘅角色同伊藤潤二嘅漫畫一樣咁恐怖… 無論眼神、頭髮、可怕表情，甚至係道具都完美還原！ 只有眼白嘅眼睛，望耐咗有種毛骨悚然嘅感覺，好似下一秒就會突然張開眼嚇我T 面上嘅血跡紋路全部一樣！對眼到底點先可以還原度高到咁… 臉上血跡斑斑，加埋沾滿鮮血嘅衫，半夜見到真係會嚇餐死… 凸出嚟嘅眼球，加埋笑容嘅弧度，簡直係從漫畫入面走出嚟！ 完美還完到根本分唔出係漫畫定真人… 將原本漫畫誇張又極致恐懼嘅神情，徹底表現出嚟，真係超犀利啊~~~ 亂飛嘅眼珠、邪惡嘅表情，只要伊藤潤二畫得出嚟，佢就有辦法COS成功~~ 一人分飾兩角，後面嗰個根本喺漫畫入面走出嚟~ 假如伊藤潤二嘅作品要拍成電影，一定要搵佢做女主角啊~~ 嗚嗚嗚小編邊寫邊驚到震，今晚可能訓唔著喇TT Source : twitter@mamakiteru =============== 放假去邊 更多好介紹: 快啲like我哋Facebook 同follow我哋Instagram啦!

    author

    單身女注意！南京商場推一蚊兩個鐘共享男友 | 中國趣聞 | 放假去邊

    內地興共享， 有共享單車、共享KTV、共享尿袋， 估唔到連男朋友都有得共享！？ 南京一間商場為慶祝三八婦女節，推出租借「共享男友」活動~ 市民只要掃描QR Code，支付人民幣1蚊，就可以租借一個男朋友兩個鐘~ 現場有六位男模特兒充當共享男友，平均身高都有一米八，西裝look真係不得了！ 租借男友兩個鐘可以做咩？咪可以喺商場範圍內陪行街、攞袋、傾計、影相等等，有啲女仔洗一蚊只係為咗換取一個擁抱，睇你個人選擇喇~ 每位女性客人最長租用男女兩小時，最多竟然可以租兩個男朋友，左擁右抱，太幸福了吧~~ 單身女仔係咪好羨慕呢？好可惜呢個活動只限3月8號一日，希望好快有機會再租男友啦TT =============== 放假去邊 更多好介紹: 快啲like我哋Facebook 同follow我哋Instagram啦!

    author