Open Tour
日本嘅動漫、公仔等等廣受歡迎，成日推出唔少週邊， 不過唔講唔知，原來日本郵局都會成日推出唔少公仔商品， 繼上年年尾推出大熱嘅龍貓商品後，今個夏季再次推出「夏季期間限定龍貓周邊」！ 作為宮崎駿經曲作之一，龍貓一直十分受歡迎；上年推出嘅大、中、小龍貓產品好快被一掃而空，今個夏天再度推出夏季限定新款！ 首先係「大龍貓透明手提袋」，透明嘅膠質設計啱哂帶去沙灘玩，好有夏日嘅感覺~ 而且會搭配送埋湖水綠顏色嘅索袋，可以將貴重物品或濕嘅衣物放入去，非常方便！ 之後係「大龍貓索袋手提包」，除咗索袋嘅設計相當方便之外，最好嘅係仲係可以手提！ 而且唔似以往採用燈芯絨，今次嘅設計防水，配合返大家夏天使用！ 再來一個細啲嘅係「中龍貓索袋」，Size比大龍貓細一倍，但就可以放啲較細嘅物品，如化妝品等等，而且內外同樣採用防水材質~ 最後係超級爆可愛嘅「小龍貓收納包匙扣」，細細個可以扣喺大袋之上~ 而最盞鬼嘅係背面嘅拉鏈，拉開可以放到鎖匙等非常細微嘅東西，超級可愛！ 喺日本，呢啲咁可愛嘅周邊已經開賣咗，想要都可以上去日本郵局網站睇睇啦~ 網址：https://www.shop.post.japanpost.jp
位於台灣南投信義鄉嘅「雙龍七彩吊橋」，2016年施工時已經號稱會成為全台最長最深嘅吊橋~ 於2018年延長施工期後，最近終於差唔多完工，喺早前終於對外開放啦 ！ [instagram photo=”CAyzUHKJFYd”][/instagram] 雙龍瀑布一向係南投信義鄉嘅名勝景點，早年為咗增加熱度，縣政府決定注資喺原本嘅水管橋旁邊興建「雙龍行人吊橋」，以彩虹七彩顏色作配色~ [instagram photo=”CB7y_dwjs2P”][/instagram] [instagram photo=”CB-rQi_HM5I”][/instagram] 其實行人吊橋未竣工前，已經有唔少人為咗打卡，而去入旁邊嘅水管吊橋影相，但其實水管吊橋係為咗水源維修使用，比水管通行，而非行人~ [instagram photo=”B721aw5BZju”][/instagram] 而旁邊新起嘅行人吊橋全長342公尺、深度達110公尺，從最底部計起足足有近40層樓高，如果採用階梯式橋面，合計係有420級！ [instagram photo=”B73FQEgl0BC”][/instagram] 可以見到施工後嘅吊橋上充滿紅橙黃綠青藍紫七色~ [instagram photo=”B6zXxqKHzPM”][/instagram] 開放後就可以唔洗冒住危險上去，都能夠影到美照~ [instagram photo=”B64VjcvjXwQ”][/instagram] 為咗管理人數，吊橋開放後將採用「網路預約制」，想去一睹秘境嘅要先喺網上購票登記，指定日期同時間，先可以搭乘接駁車及行走吊橋~ 雙龍吊橋 地址：台灣南投縣信義鄉光復巷 網址 : 南投好好玩售票系統
唔知大家有無聽過台北都幾出名嘅「一禾堂麵包本舖」呢？ 一禾堂一向都好關心環保議題，經常會推出唔少推動環保嘅產品， 繼早前喺世界地球日推出一日限定「海鹽羊角麵包」後， 今次再次推出「羚羊角包」，今次更加入咗黑松露餡料，吸引到爆炸！ [instagram photo=”CA-N8pXnQfO”][/instagram] 今次嘅呢個新品「海鹽羊角」超特別地有三種層次口感，頂部係較為酥脆嘅餅乾，中開部份就係麵包咁嘅口感，圓碌碌嘅最底就係一禾堂自家製造嘅「海鹽豆乳奶油捲」~ [instagram photo=”CBenjeqpdOm”][/instagram] 脹臌臌嘅底部除咗Cream之外，其實仲包含滿滿嘅松露餡，真係達到多重嘅口味享受 [instagram photo=”CBdLb6qne1G”][/instagram] [instagram photo=”CBUNCZqD3AB”][/instagram] 可愛嘅羚羊角造型麵包真係好吸睛，仲要其包裝嘅紙袋都印咗卡通小羚羊，都吸引咗好多人去打卡、朝聖~ [instagram photo=”B7IT0SYlsR9″][/instagram] 除咗「海鹽羊角」外，一禾堂最出名嘅仲有其豆乳冰淇淋，全部都採用植物食材，美食與打卡靚相背後都係非常有意思 [instagram photo=”CBdCOeJn_1I”][/instagram] [instagram photo=”CBLOJqzn1N7″][/instagram] 一禾堂更加喺敦南店同步展出一系列嘅海報展，希望以推出各種新產品，宣揚以純植物食材烘焙嘅環保理念，希望各個顧客幫襯過後都會願意多關注地球嘅健康，多行一步，真係賦予咗食物好大嘅意義！ 麵包好食得嚟，背係又咁有Meaning，真係一定要去試下！！ 一禾堂麵包本舖 敦南店地址：台北市大安區敦化南路一段233巷34號1樓 復北店地址：台北市松山區復興北路323號1樓 新光店地址：台北市信義區松壽路11號B2（新光三越 A11）
新蒲崗嘅位置好似好隔涉，但其實有好多隱世高質餐廳座落喺呢到，呢間裝修復古嘅Cafe影相又靚，嘢食都有質素保證~ 髒髒意大利芝士忌廉 呢個Tiramisu Cream Cheese可謂係鎮店招牌，人人嚟到都必食，凍冰冰咁味道好特別，而且Cream一啲都唔膩，會愈食愈想繼續食~ 焦糖香蕉配蜜糖脆脆雪糕窩夫 份量超大，起碼要兩個人share先食得哂，香蕉上有凝結成硬塊嘅焦糖漿，配以雪糕同窩夫一齊食簡直係夏天時嘅最好享受，窩夫都有陣陣烘烤香味 八小時慢煮萬字醬油豬軟骨飯 雖然窩子以甜品聞名，但其實主食都好吸引，呢個豬軟骨果然係慢煮，豬軟骨好入味，而且入口即溶，萬字醬油汁做得好濃味，用嚟撈飯食係一流！ 意粉都唔差，卡邦尼意大利粉食落好Creamy，有陣好濃嘅芝士味~ 不過鋪頭好出名，好多人排隊，所以可能都要預時間等位！ 窩子 WoZi 地址：新蒲崗仁愛街36號地下
日清經常會透過Twitter官方帳號發放好多唔同特別嘅食譜， 教你利用杯麵整吓唔多嘅花樣， 繼上次教用剩湯做茶碗蒸後，近日又教大家用杯麵整「大阪燒」！ 首先先將杯麵放喺保鮮袋內壓碎~ 然後準備1粒雞蛋、80g高麗菜、3茶匙麵粉、100ml水，將佢地同壓碎咗嘅杯麵撈埋一齊，攪勻佢！ 再將撈好嘅麵餅一嘢倒落平底鍋煎熟~ 色香味俱全嘅大阪燒就製成了！真係好方便XD 而且外脆內軟，又多餡，望落都吸引，食落仲正！ お好み焼粉がなくても、強引にカップヌードルでお好み焼が作れることがわかりましたのでご報告します。ソースなしで、そのままでもイケます。※作り方①1食まるごと砕く②卵1個、キャベツ80g、小麦粉大さじ3杯、水100mlを①と混ぜる③焼く(蓋をするとふっくら)#カップヌードルお好み焼#苦肉の策 pic.twitter.com/ZbASeQ2bLx — カップヌードル (@cupnoodle_jp) June 5, 2020 資料來源：Twitter @cupnoodle_jp
平日一至五日日喺office返工返到個人又攰又悶， 假期一到，大家都想爭取時間親親大自然， 其實香港嘅郊區都有勁多樂趣未被大家發掘！ 最近，旅發局全新本地旅遊平台「旅遊．就在香港」就推出一連串本地遊推介行程，全部都超吸引！ 小編為大家精選咗啱哂夏日嘅「水上體驗活動行程」~ 「馬大溪降極限體驗」 講到夏天，不可不去一定係去溪澗到玩，而香港攀岩歷奇舉辦嘅「馬大溪降體驗」，會帶大家去到馬鞍山的「馬大石澗」闖蕩一番~ 專業教練會教參加者溪降、遊繩、攀石等技巧，喺高達10米嘅瀑布上玩飛索！夠哂刺激夠哂涼爽！ 香港攀岩歷奇 查詢：5405 4960 網址：https://www.hkrca.com/activities/canyoning-matai/ 「長洲歷奇Glamping」 如果溪降對你嚟講太恐佈，源自外國全稱Glamorous Camping嘅「Glamping」都好啱你~ 長洲西南角嘅西園內有4個主題營區，營區內嘅設施齊哂比你去玩飽佢~ 除咗最基本嘅營地提供，話明「Glamorous豪華」，好玩嘅設施例如滑浪風帆、垂降、泡泡足球、攀樹、觀星等當然唔會少，一家大細、一大班fd、情侶都啱哂嚟嚟到露營玩返一、兩日！ 長洲西園 特色露營歷奇樂園 地址：長洲西園第12地段 查詢：2981 1010 網址：https://www.saiyuen.com/zh-hk 「東龍洲空中飛索+游繩下降」 東龍洲呢個位於西貢嘅離島有超豐富嘅大自然資源，呢幾年都好多人去一賭特別嘅大自然風貌，山勢陡峭所以都好啱空中飛索！ 由香港攀岩歷奇提供嘅體驗行程包括至少兩次嘅飛索同游繩下降體驗，可以飽覽海景、挑戰自己！ 香港攀岩歷奇 查詢：5405 4960 網址：https://www.hkrca.com/activities/zipline-tung-lung 「東龍洲環島遊 9折海鮮套票」 如果唔夠膽玩飛索，參加「東龍洲環島遊」都足夠你大飽眼福，欣賞噴水岩、燈塔、東龍石刻、海岸線等大自然嘅鬼斧神工~ 回程時，更可以於鯉魚門使用優惠套票享用海鮮午餐或晚餐！ 懷舊小輪 — 東龍島海鮮套票9折優惠 優惠期：即日至9月30日 查詢：2368 8885 「大嶼山水口灣 舒暢衝浪風箏」 位於大嶼山嘅水口灣每逢夏季都會刮起陣陣強風，啱嘅玩衝浪風箏~ 香港衝浪風箏總會就提供「衝浪風箏體驗課程」，等你輕輕鬆鬆體驗到被海風擁抱嘅超爽感覺~ 香港衝浪風箏總會 查詢：2488 1155 網址：http://www.kiteboarding.org.hk/ 呢啲推介行程全部都好刺激，又可以趁夏天玩下水， 小編見到都好想即刻跟佢地遊山玩水，擁抱大自然！！ 如果想知道更多行程推介或優惠，都可以到「旅遊．就在香港」網站睇更多資料~ 資料來源：香港旅遊發展局
台灣嘅便利店除咗出名勁多得意零食、甜品外， 當然唔少得佢地經常推出嘅期間限定公仔系列，繼Snoopy、OPEN！家族等後，7-11都強勢推出「蠟筆小新與他的好友」軟膠公仔系列， 簡直係令小新迷瘋狂！ 今次嘅系列一共有8種款式，不單有最受歡迎嘅主角小新，都有小白、小豬等，排排企得好可愛~ 今次嘅公仔系列以彩色軟膠製成，每個嘅尺寸大約為7cm，打頭陣嘅當然唔少得最受人愛戴嘅小新、小白與小葵！ 而今次系列最令人注目嘅當然就係著住睡衣超眼訓嘅小新，睡眼惺忪萌爆XD 如果想收藏一系列嘅公仔只需要台幣$150，就可以將全部小新拎哂返屋企，擺喺枱頭或拎返公司擺都好開心！ 小新蠢蠢地嘅樣子真係好得意，身為小新迷嘅你真係一定要擁有返一套！ 來源：台灣7-ELEVEN
大阪水族館「海遊館」入面有兩隻海豹Yuki同Arale，佢地好似粒波好可愛而一炮而紅， 最近水族館就同日本雜貨品牌「YOU+MORE!」合作，推出兩隻海豹樣嘅攬枕～ 左邊白啲嘅係Yuki，右邊灰啲嘅係Arale～ Yuki之前就係因為坐到成粒波咁，勁可愛而出哂名 攬枕逼真到有一下我以為Yuki坐咗喺沙發到XD 好特別嘅係Yuki左腰上面有心型嘅記號，攬枕同樣將呢個特徵還原！ 至於Arale嘅必殺技就係佢和藹嘅笑容～ Arale嘅攬枕同樣係圓碌碌好好攬 佢左眉上有圓形嘅記號 攬枕將會係海遊館官方店入面發售，一隻日圓¥6200(~HKD$460)，買咗之後仲會比返張「飼養卡」你，證明你已經接管咗2隻海豹～ 除咗係實體店到買，亦可以係Felissimo網上訂購～
呢間名為「壹玖捌捌」嘅台灣鍋貼專門店， 由小店經營至如今較大規模嘅專門店， 最出名嘅就係早年推出嘅「軍艦鍋貼」，鍋貼多到鋪滿1米咁長，吸引唔少人去朝聖！ [instagram photo=”BqbNENYgWg5″][/instagram] 呢個全台最長嘅「軍艦鍋貼」總共有六種口味，分別係原味、麻辣、蔥蒜蛋花、日式章魚燒、泰式和塔塔醬，淨係嗌一道菜就嚐盡鋪頭嘅招牌XD [instagram photo=”ByP13yagZHA”][/instagram] 「軍艦鍋貼」巨型到相機影到影唔哂，內裏員鮮肉全部都超多汁嫩口~ [instagram photo=”B-on7LuHoNq”][/instagram] [instagram photo=”B919rgzJ0jH”][/instagram] 肉餡採用溫體豬嘅後腿肉，肥瘦比例相當合宜，且表皮都烤得非常脆口，多重口感！ [instagram photo=”CAFjdyGFt7p”][/instagram] 店鋪之所以名為「壹玖捌捌」，源於1988年由現時老闆嘅父親喺街邊開設賣鍋貼嘅街邊檔，營業至今，近年由兒子接手，將鍋貼嘅原始味道傳承永續~ 好想即刻去台灣試下呢到嘅鍋貼究竟有幾銷魂！！ 壹玖捌捌銷魂鍋貼 忠明店地址：台中市西區忠明南路253號 新時代店地址：台中市東區復興路四段186號B1
尖沙咀K11最近新開咗間好靚嘅花花Cafe， 裝修以粉色為主，充滿少女心~ 原來佢係尖沙咀另外一間特色樓上Cafe—「鳥語」嘅姊妹店， 佈置就100分啦，唔知佢嘢食都係咪咁高質素呢？小編帶大家試食！ 「花香特色大蝦卡邦尼意粉」 呢個卡邦尼係呢到嘅招牌，賣相都真係幾靚，而且都夠哂大碟，中間仲有大大粒流心溫泉蛋~ 足足有4隻大蝦，每隻都算幾肥美！ 意粉嘅汁做得幾好，Creamy得嚟食耐咗都唔覺漏或者滯，撈埋蛋汁一齊食成個意粉口感幾好~ 「玫瑰牛肉湯飯」 呢個湯飯嘅食法好特別，湯與飯分開上，食用時就將煲內嘅蕃茄湯倒上飯面，用熱湯嚟整熟新鮮嘅半熟肥牛！ 有得食又有得玩係過癮嘅，而且蕃茄湯好濃味，酸酸甜甜幾開胃，非常啱小編口味，不過即使淋咗好多湯，飯粒都係略嫌煮得有啲硬~ 「草莓鮮奶厚吐司」 食完正餐當然要食甜品，呢到有唔同類型嘅Toast揀，小編就嗌咗個士多啤梨吐司，賣相已經勁吸引，食落啲Cream牛奶味濃厚，士多啤梨都好甜，不過吐司就烤得唔太夠脆 呢到仲有唔同飲品嗌，例如髒髒朱古力、Mocha、Latte等~ 場內唔同嘅打卡位更加係最吸引嘅地方，人人都爭住影相！ 花香 Floom Floom 地址：尖沙咀河內道18號K11購物藝術館B2樓201號舖
