Open Tour
生蠔係唔少人愛食嘅海鮮， 日本人氣網購店Felissimo最近就推出一系列生蠔用品，超搞笑！ 首先係生蠔造型嘅攬枕，黑色嘅圍邊好像真XD 攬喺心口前面size啱啱好！ 仲有啱哂女士嘅隨身鏡，以為只係一粒蠔殼？ 打開後係一把鏡同生蠔肉造型嘅粉撲！ 如果喺街到用，啲人會唔會以為你將生蠔「Hi」落塊臉到XD 之後有幾實用嘅細細個斜咩袋~ 咩喺身上面非常顯眼XD 斜咩袋入面其實仲附送埋一個生蠔肉造型嘅細袋仔，好細心哈哈 細袋仔可以裝到電話、紙巾、鎖匙等細物件~ 比大家估下，呢個又係咩物件？ 冇錯啦，其實就係攤得開嘅手巾仔~ 好輕巧細件，攞喺手都幾似真嘅生蠔XD 相信如果大家將呢啲生蠔造型物件帶出街，擔保你會輕鬆成為全場焦點XD！ 大家有興趣就到Felissimo官網購買啦！ 資料來源：Felissimo
早排無邊際泳池牽起一輪打卡熱潮， 無邊際泳池就愈起愈多，唔知透明泳池你又見過未？ 清邁一間五星級酒店Akyra Manor Chiang Mai， 就喺天台起咗8米乘5米嘅透明玻璃泳池，勁靚~ [instagram photo=”B02llwoADuK”][/instagram] 一邊暢泳，仲可以睇到著名嘅素帖山，順便睇埋日落，一舉三得！ [instagram photo=”BXAnF51AgY0″][/instagram] 泳池旁邊有酒吧，Happy Hour時酒水買一送一， 仲有特別設計嘅免費小食~ [instagram photo=”B275N0tBPar”][/instagram] 就算唔識游水，都可以喺池邊一路享用美食， 一路睇人游水，都係一大享受~ [instagram photo=”B0NyWY3DkaS”][/instagram] 啱哂情侶一齊嚟度假！ [instagram photo=”B36wgSfHdyP”][/instagram] 池邊嘅風景都係一流~ [instagram photo=”BuUBWv6nsLJ”][/instagram] 部份套房內仲有半露天浴缸，面向山景，正！ [instagram photo=”B0-tM0vh-G_”][/instagram] 真係可以全日都攤喺到XD 酒店嘅房型有分60平方米嘅Akyra Deluxe Suites同100平方米Akyra Manor Suites， 想要露天浴缸嘅話，book之前記得問清楚！ Akyra Manor Hotel 地址：22/2 Nimmanhaemin Road Soi 9, Su Thep, Chiang Mai 電話：+66-53-216-219 房價：Deluxe Suites連早餐約฿8,500起/晚；Manor Suites雙人房連早餐約฿13,000起/晚 網址：www.theakyra.com/chiang-mai Facebook：@akyramanor […]
為咗夢想，你可以去到幾盡？ 德國一個航空工程師為咗環遊世界嘅夢想，毅然辭職踏向世界各地，用手帳紀錄低旅途上嘅一點一滴~ [instagram photo=”BuqWFULHdft”][/instagram] 出身德國嘅José Naranja喺2005年辭職，利用筆記簿畫下旅程~ [instagram photo=”BvBEWSpHMZL”][/instagram] 入面嘅內容相當仔細，有當地紙幣、歷史等內容~ [instagram photo=”BwguqlhpvMX”][/instagram] José利用水彩、鋼筆、木顏色等等繪畫，畫功非常精湛！ [instagram photo=”BuQWafxH0or”][/instagram] 但睇到呢到，要話你知其實José從來冇學過畫畫， 係完完全全地由零開始，佢真係好有天份，係個天生畫家！ [instagram photo=”Bg1bzSygusz”][/instagram] 去旅行少不免會儲起當地郵票，José都會將佢地痴喺手帳上~ [instagram photo=”BsfZXNjAL97″][/instagram] 佢每去一個新地方就會加上新嘅標籤紀錄~ [instagram photo=”BrqmGbmgh3A”][/instagram] 至今已經完成咗好幾十本手帳~ [instagram photo=”BksYHjaFDCY”][/instagram] 有時亦會將手帳賣比粉絲，作為旅遊所需嘅收入 [instagram photo=”BovXvXeAHX3″][/instagram] 再嚟欣賞更多傑作~ [instagram photo=”Be61KBHgkN2″][/instagram] [instagram photo=”Bx9R-g6pOwg”][/instagram] [instagram photo=”BxJtXPiBjir”][/instagram] 真係每一版都係滿滿嘅心機，話呢啲手帳係藝術品都不為過， 小編好佩服，佢嘅決心還有畫功！ 來源：@jose_naranja
生日蛋糕可謂係愈嚟愈搞怪， 大阪一間蛋糕鋪「菓子工房シュクルリ」(@Sucreries_info) 最近喺Twitter上載咗一個客人訂製比女朋友嘅「心經生日蛋糕」，即刻引起網民一番熱論~ 全白嘅蛋糕面上寫著密密麻麻嘅文字，正正係《般若波羅蜜多心經》嘅內容… 切開後入面係紅色嘅海綿蛋糕~ 網民見到都紛紛留言「生日快樂歌要用木魚演奏」、「呢個男朋友簡直係花式自殺」等等~ いやー、相変わらずぶっ飛んだオーダーをしてくれる笑 このチョコ写経、2時間かかったよ。途中でどこ書いてるのかわからんくなります。「無」って字、多すぎな全面写経で「般若心経」1周半でした pic.twitter.com/ArNOHJuM5H — 菓子工房シュクルリ (@Sucreries_info) 2019年6月14日 連店主都話只係寫字都寫咗2個鐘，寫寫下試過唔知自己寫到邊XD 其實唔知呢位男朋友係咪想女朋友食完之後，立地成佛對自己好啲XD 大家以後買蛋糕比另一羊不妨向呢方面蛋糕考慮，小編覺得絕對可以考驗到大家嘅感情XD 來源：Twitter @Sucreries_info
拉花靚靚可以打卡之餘，仲可以增添飲咖啡嘅趣味， 不過東京一間Cafe Reissue就將一啲卡通人物嘅拉花徹底地玩壞了XD [instagram photo=”BycvNkDBVAq”][/instagram] 一直活力滿滿嘅比卡超被畫到好失落～ [instagram photo=”ByY547-hUs”][/instagram] 好奇怪呀呢隻多啦A夢！！變到好厭世 [instagram photo=”ByZQ1SfBlhy”][/instagram] 睇嚟Snoopy非常唔鐘意不斷落雨嘅6月～ [instagram photo=”ByTlfZ1h6qt”][/instagram] 姆明一臉委屈… [instagram photo=”BiBNa9Qlzcq”][/instagram] 其實除咗厭世系列，店主平時都會整到好多精緻可愛嘅拉花～ [instagram photo=”By9pt3kB2JS”][/instagram] Pooh仔同Pigget好可愛 [instagram photo=”BqwjV2wl3h_”][/instagram] 呢張兩杯打孖上，超有心思！ [instagram photo=”B11PXp3hGbw”][/instagram] 美少女戰士都成個比佢畫咗出嚟，厲害！ 小編好佩服佢可以諗到崩壞版拉花嘅創意，同埋佢嘅手藝，下次去東京一定要幫襯下！ 大家會去日本旅行都可以去下㗎！ Reissue 地址：〒150-0001 東京都渋谷区神宮前3丁目25-7 丹治ビル2F (3-25-7 2F Tanji building, Jinguumae Shibuya-ku Tokyo, 150-0001) 營業時間：10:00 – 18:00 (Last order 17:30) 聯絡電話：+81 3-5785-3144
相信大家都知道韓國嘅燒酒好出名， 但就唔係個個都頂得順個種苦味同燒灼感， 故此，韓國便利店「CU」最近就推出超甜、超易入口嘅蜂蜜燒酒~ [instagram photo=”B3WSTmll9bw”][/instagram] 唔好以為佢好甜就冇乜嘢，但其實酒精濃度都達到9.2%， 不過勝在真係易入口，輕鬆飲得哂~ [instagram photo=”B3dk_X_pFTO”][/instagram] 杯邊添上蜂蜜，加啲冰，再加個蜂巢攪拌棒，好似杯真嘅蜂蜜咁XD [instagram photo=”B3mSdFwlyPn”][/instagram] 連酒樽上都寫住「如果想食蜂蜜，就飲呢款燒酒~」， 啱哂好似小編呢啲超驚苦嘅人！ [instagram photo=”B36ZzGnH0M3″][/instagram] 好正啊，小編想即刻飛去韓國買返支嚟試下！ 重點係蜂蜜燒酒好平咋，只需1700韓元(~HKD$12)，抵到爛！ 來源：韓國CU
珍奶嘅熱潮絕對係風靡全球， 馬來西亞飲品店鹿角巷（The Alley）為咗迎合大家嘅需要，就史無前例地推出「5公升家庭桶裝珍珠奶茶」， 大支到唔可以用手捧住嚟飲~ 拎出街都嚇死人XD [instagram photo=”B4EM_sZgMjq”][/instagram] [instagram photo=”B4ZI__yH-sF”][/instagram] 唔少馬來西亞勇者都買嚟試！ [instagram photo=”B3JUPFcHRe0″][/instagram] 店家仲舉辦咗兩個活動嚟宣傳5公升珍奶， 第一個就係要即場讀急口令成功，就能獲得88折優惠， 第二個就係要將飲5公升珍奶嘅相up上Facebook或Instagram，Tag官方帳號，同埋Hashtag #destinywiththealley，就有機會免費獲得大桶裝珍珠奶茶！ 小編係個徹徹底底嘅珍珠奶茶迷！好想即刻飛過去試！ 來源：The Alley
