Open Tour
放假做咩好？要飲酒放鬆、happy下~ 日本就有個Twitter網友自製咗「威士忌味西瓜」大快朵頤~ 推主「小池田マヤ」(@koikedama) 喺西瓜上面開洞，再將威士忌例轉插喺洞上面，令到酒可以滲入西瓜肉當中~ 不過佢就話要等四日先可以灌哂成支威士忌~ 將西瓜切開，啖啖肉等你嚟食，又甜又有酒味~ 折衷案も悪くなかったです(外から失礼しました)。 pic.twitter.com/lYrAplX1du — 草薙刃@《死に狂い》書籍化＆東方連載中 (@KaguyaKurokawa) 2019年9月10日 不過其實等4日太耐啦，就有網友提議可以喺水果中間切個洞倒酒都得！ 等小編即刻去買西瓜同酒實測下係咪真係咁正先XD 來源：Twitter @koikedama
迪士尼係唔少人嚮往嘅童話世界， 最近，英國就有一對熱愛迪士尼嘅新人將整個婚禮迪士尼化，甚至訂造咗十層高嘅迪士尼結婚蛋糕！ 24歲Siobhan Perdue同29歲老公Sean喺10月12日正式結婚， 同樣為迪士尼狂熱粉絲嘅佢地特登訂製十層高迪士尼蛋糕！ 蛋糕總長116.8cm，由底層開始有《美女與野獸》、《白雪》、《Toy Story》、《Frozen》、《阿拉丁》、《灰姑娘》等經典迪士尼卡通~ 蛋糕鋪老闆都話係第一次做10層高蛋糕，以前最盡都只係整過6層，所以呢個巨型蛋糕要分兩次製作，到現場先「組裝」！ 一齊嚟睇下蛋糕鋪員工如何小心翼翼咁搬運蛋糕~ [youtube youtubeurl=”SSqcX_QXOEQ”][/youtube] 佢地一共用咗6個鐘嚟烘蛋糕，另外仲用咗足足16個鐘嚟裝飾，材料有朱古力、雲呢拿、焦糖等等~ 除咗矚目嘅蛋糕外，場地都充滿著迪士尼嘅裝飾~ 就連比來賓嘅回禮都係以迪士尼卡通人物裝飾，好用心！ 相冊嘅字體同相都係迪士尼風格！ 如果小編被邀請去呢個婚禮，一定會好開心，好似入咗童話世界一樣~
大家平時應該都會食下蛋撻、食下批， 但你又有冇諗過原來批都可以整到好靚、好精緻， 外國一位烘焙師簡直係將整批昇華到藝術嘅層次~ [instagram photo=”BvaB4fzlIf1″][/instagram] 被印喺批上嘅Mario庫巴，顏色油得好有層次感~ [instagram photo=”BnUrUNzBERx”][/instagram] 《阿拉丁》入面嘅茉莉公主即使被印喺批上面，都不失其高貴同堅貞氣蘊~ [instagram photo=”Bhm1CXGBEGT”][/instagram] 哈利波特嘅輪廓同陰影整得好仔細 [instagram photo=”B3NV7jEFD0L”][/instagram] 最近上畫好Hit嘅奸角Jokers [instagram photo=”Bo4Rh7pFiKr”][/instagram] 邪惡嘅奸角仲有黑魔后~ [instagram photo=”BsPSGM7lbAf”][/instagram] 夜景下嘅巴黎鐵塔美輪美奐… [instagram photo=”BqgHY5tlchy”][/instagram] 除咗卡通人物，佢仲會利用批嘅坑紋設計唔同嘅批~ [instagram photo=”Bp-sXdrlwBf”][/instagram] 今次就係拼布工藝圖案嘅批 [instagram photo=”BrjnO9BF_1g”][/instagram] 平面批以外，更加有立體造型嘅比卡超批！ [instagram photo=”BrxypKOFXQm”][/instagram] 配合聖誕主題整成嘅水晶球，就好似真嘅水晶球擺設一樣~ [instagram photo=”Bs-l3n5FE5L”][/instagram] 呢位烘焙師嘅Instagram帳號@thepieous仲有好多精緻嘅作品照， 綱頁www.piesareawesome.com更有唔同材料購買~ 相信整每一塊批都係個大工程，佩服佢嘅仔細同功力！！
日本嘅便當一向出名精美，過時過節(尤其係過年)更會整「御節料理(おせつ)」， 日本網店Belle Maison為此就推出就咗Minions同Hello Kitty款式嘅便當，開始接受預購~ Minions雙層便當入面有香蕉和菓子、高野豆腐、肉丸等，全部都印有可愛嘅Minions樣~（日圓¥22,000，~HKD$1,600） 除咗便當以外，仲會送埋以Minions圖案設計嘅筷子、利是封、牙籤、小盒仔~ 便當送到嘅時候，更加會用日本傳統包袱巾「風呂敷」包好，設計上有傳統特色，又有加插Minions嘅可愛圖案 Hello Kitty便當有三層，除咗鹹點外，亦有甜點，如流心包、慕斯蛋糕等~ 同樣地，筷子、利是封都係附送，當中更有陶瓷盒仔可循環再用 包裹嘅風呂敷使用咗傳統嘅紅色~ 日本人嘅生活真係過得好精緻，所有嘢都講求質素，小編都好想能夠試到地道日本便當！ 網址 : bellemaison.jp
到日本睇紅葉可謂係人生必做嘅事，而京都更加係以賞楓聞名， 位於京都嘅「瑠璃光院」為賞楓絕佳景點，每年只開放夏天新綠兩個月同埋秋天紅葉兩個月， 僅有嘅四個月開放時間入面，寺內每日都人頭湧湧~ [instagram photo=”B3WvEP3FHnF”][/instagram] 寺廟內有落地大玻璃，光亮嘅地面能倒映出窗外或翠綠或火紅嘅美景 [instagram photo=”B26MZcVprQ4″][/instagram] 秋季嚟到，楓葉盛開，可以再次觀賞到黃橙紅漸變嘅楓葉~ [instagram photo=”B5Uj7DjAGZU”][/instagram] 熟透嘅時候，就可以見到一片嘅紅暈 [instagram photo=”BbvzkPLFf5P”][/instagram] 紅葉靚到好唔真實，好似走入咗夢幻國度咁~ [instagram photo=”BuQa3znnbs0″][/instagram] 旅程中能欣賞到如斯美景都可謂無悔~ [instagram photo=”BjwfYYEgr5a”][/instagram] 夾唔啱賞楓時間去，春意盎然嘅景色都好怡人 [instagram photo=”ByDMWpspLzJ”][/instagram] 比起秋楓嘅熱情，春葉帶比人平靜同舒適~ [instagram photo=”Bj6_dB5gNLG”][/instagram] 二樓反光嘅長枱吸引人影相，相反喺一樓以日式木製設計嘅「瑠璃之庭」就少人得多 [instagram photo=”B0Pz2XEA4Jq”][/instagram] 唔去二樓打卡，靜靜咁坐喺到觀賞綠葉都係一大享受~ 瑠璃光院利用光影去呈現秋楓、綠葉嘅美，真係令佢地昇華到一個藝術嘅層次，會令人驚嘆~ 話瑠璃光院係人生必到景點之一都不失為過！ 值得留意嘅係，每年楓葉時期嚟參拜嘅人非常非常多，有時候院方會視乎情況提前開放，所以記得早啲嚟排隊！ 「瑠璃光院」 地址：京都府京都市左京區上高野東山55 開放日期：2019年10月1日-12月10日（準確時間留意官網公佈） 開放時間：10:00-17:00 網站： http://rurikoin.komyoji.com 入場費：日元¥2000 (~HKD$150)
