收納箱嘅設計層出不窮，日本最近就有網店推出鯊魚頭造型設計嘅收納箱，每次擺嘢入去都好似會被咬咁！ 可以當污衣籃咁用～ 收納箱嘅開口係牙齒狀嘅絨布 除咗淺灰，仲有深灰色嘅揀 收納箱成個都係用布整成，而且有拉鍊拉開，好方便，唔用嘅時候可以摺埋 有興趣嘅可以去Village Vanguard官網選購，一個嘅價錢係日圓2,700円 (~HKD$200)
事隔6年，續集《Frozen 2》下個月就上畫啦！ 台灣7-Eleven趁著熱潮，聯同迪士尼推出儲點數計劃，比一眾粉絲換購一系列Frozen週邊~ 隨身手抽袋：可以擺銀包、電話等方便隨身攜帶；布料係防水質地，仲可以用嚟裝嘢飲 大毛巾：設計精美嘅大毛巾印有Elsa、Anna、Olaf嘅模樣~ 紙巾盒：透明盒身上面係木製嘅盒蓋，望落都相當有質感 LED燈化妝鏡：觸控感應嘅LED燈可調節三段亮度，且可以前後左右旋轉~ 皮革化妝袋：分粉藍同粉紅色嘅化狀袋有4L極大容量，內附小鏡同插掃位~ 摩天輪飾品架：啱哂貪靚嘅大家將首飾勾喺上面，方便搵 香熏瓶：透明嘅瓶身設計簡單，有小蒼蘭及鼠尾草兩款香味 Olaf雪寶公仔擴音器：唔好睇佢似係隻公仔，其實係附有掛勾嘅藍牙擴音器~ 13L大冰桶：方便露營/野餐時攜帶食物/凍飲，仲附送肩帶同餐盤 小型行李箱：18.5吋嘅size啱哂可以拎埋上機，超方便~ Frozen迷記得唔好錯過，要把握機會去換購啦！ 7-Eleven【冰雪奇緣II 冰紛生活集點送】第一波 活動日期：2019年10月9日 – 2019年11月17日（商品換購至11月19日）
每個人身邊總有個食肉獸朋友，但究竟有幾鐘意先會將佢地帶埋喺身呢 !? 創意力無窮嘅日本人再次震驚千萬人，日本雜貨店「Village vanguard」最近就推出咗一系列以牛肉為主題嘅用品，成塊肉印喺上面！ 咩住呢個牛肉書包出街，絕對會令見到嘅途人流哂口水，即刻要去食肉止止癮！（日圓¥4212，~HKD$305） 唔想咩書包咁張揚，帶個細細地耳環裝飾下又得！（日圓¥1404，~HKD$100） 呢個髮夾帶喺頭上應該都幾突出，可以扮下cutie XD（日圓¥933，~HKD$68） 牛肉橡筋夠哂特別，唔洗再怕比人jam走（日圓¥890，~HKD$65） 如果以上嘅飾物仔唔啱你用，呢個五花肉/蔬菜筆袋都非常吸睛！（日圓¥1490，~HKD$108） 如果你覺得上面嘅所有用品都表達唔到你對肉嘅愛意，牛肉緊身褲就係最好嘅選擇啦！（日圓¥4536，~HKD$330） 著住佢出街，絕對會成為整條街嘅焦點！ 呢啲牛肉product真係好特別！不過好唔好睇就見仁見智啦哈哈！ 網址: vvstore.jp
喺香港都已經感覺到秋意嘅來臨， 唔知啡黃嘅季節有冇令你聯想到迪士尼兩隻非常出名嘅松鼠 — Chip & Dale？ 日本東京迪士尼酒店就有以Chip & Dale為主題嘅客房，適合一家大細去渡假！ 木製嘅床頭印有兩隻松鼠可愛嘅大頭樣，配上堅果圖案嘅床尾布~ 毛絨地墊上印著Chip & Dale最中意食嘅堅果，仲有成日比佢地兩個呃嘅唐老鴨嘅身影 連廁所玻璃同鏡面都有松鼠嘅印花~ 客房處處都佈置精美，當然唔少得牆紙上互相追遂嘅Chip & Dale，為求令客人感受到佢地帶來嘅歡樂 酒店內仲有「Chip & Dale遊樂場」，設計成樹林嘅模樣，仲有蘑菇凳，比細路仔盡情跑跳！ 想靜靜地休息，亦可以喺側邊沙發坐低睇書~ 最後特別嘅係，大堂休息室內會送上以堅果造型嘅Chip & Dale朱古力海綿蛋糕，非常精緻可愛~ 如果一家大細一齊嚟玩就啱哂，小朋友有地方玩之餘，大人亦可以趁機休息下~ 詳情可以上東京迪士尼官網查詢~
相信大家平時都會用紙皮整下手工， 日本一個女仔大野萌菜美(オオノ モナミ)就將呢啲紙皮運用得出神入化，整出唔同product~ [instagram photo=”BtPjb5xnEGs”][/instagram] 呢架跑車真係相當特別，價值不菲！ [instagram photo=”Bg2x8-RHF_q”][/instagram] 坦克車上面所有detail位都有哂，好有心~ [instagram photo=”BehL4JVH0-t”][/instagram] 超誇張！1:1電單車！ [instagram photo=”Bgax6-sF4JO”][/instagram] 咁真嘅杯麵紙模我比一百分，絕對係日本人嘅共同回憶XD [instagram photo=”Bd7WtLwHoy_”][/instagram] 真嘅薯片太肥，唯有整返個望梅止渴~ [instagram photo=”BcoFnSGHcgG”][/instagram] 呢個高達仲喺2017年12月喺新宿「au SHINJUKU」展覽~ [instagram photo=”BXh6NjeHoIG”][/instagram] 為自己度身訂做嘅紙皮校服，一定係最特別嘅校服 [instagram photo=”BVLon_DDl38″][/instagram] 模仿咬咗一半嘅OREO！ [instagram photo=”BUlk3bUDl3m”][/instagram] 仲有1:1嘅Starbucks熱飲杯，唔知可唔可以直接沖喺入面呢XD [instagram photo=”BUvNa12BX3Z”][/instagram] 大家對大野萌菜美嘅作品有興趣嘅話可以去佢嘅IG/網站睇睇！
所謂活到老學到老， 日本有位90歲嘅婆婆用2個月時間學識咗報紙拼貼，每日都完成好幾幅畫，孫仔就幫佢開設Twitter 帳號 (@setsu0107) 上載婆婆嘅作品~ 拼貼嘅步驟就係先起稿畫咗想整咩圖案先，再係報紙到搵相應色彩嘅部份剪落嚟，利用創意拼貼成預先諗好嘅圖案！ 呢隻貓咪係婆婆以屋企貓咪為藍圖拼貼而成~ 章魚燒嘅配料有好多顏色，仲整埋漸變色，好有難度！ 孫女表示婆婆一開始咗整就會坐足6個鐘，超專心， 不過原來婆婆之所以會開始咗拼貼，係因為老公上年11月過身，於是呀女就推薦佢去玩拼貼，廢事佢自己一個太孤單難過，估唔到就咁樣開啟咗婆婆嘅小宇宙~ 小編好佩服呢位婆婆嘅恆心，希望將來自己都可以搵到一門技術認真學下！
為咗吸引更多人去買，依家嘅傢俬設計愈來愈新穎奇特， 最近，義大利品牌Sletti就設計咗非常有趣嘅2款熱狗沙發，好吸睛！ 呢款熱狗沙發可以係美國知名嘅百貨公司尼曼馬庫斯(Neiman Marcus)買到～ 設計用心，除咗有埋番茄同黃瓜攬枕，腸仔上仲有芥末醬！ 除咗大沙發外，仲好貼心地設有單人漢堡包沙發嘅設計，漢堡排就係你嘅坐墊！ 未開售前，佢地係喺巴黎家飾展第一次亮相，當時已經受到唔少人嘅欣賞 2張熱狗、漢堡沙發再配上太陽蛋地墊，置身呢個家一定無時無刻都好肚餓～ 其實添置呢啲咁可愛嘅傢俬係屋企都幾好，可以為屋企添上一啲生氣！ 有興趣嘅你可以撳呢到購買㗎！熱狗沙發US$7100(~5萬5港元)，漢堡單人沙發就係US$4950(~4萬港元)
身為稱職嘅貓奴，要時常為貓咪剪毛，但剪完啲毛點算好？ 日本一個攝影師就用貓毛，整成一頂頂帽比佢嘅三隻貓帶，仲幫佢地影咗一系列相放上IG，極受網民歡迎！ [instagram photo=”B1ESEvihrKX”][/instagram] 圓帽配上圓眼鏡，個樣勁呆～ [instagram photo=”B0CiYvGFKs1″][/instagram] 鴨鴨與貓貓會係點樣嘅組合？ [instagram photo=”Bz51Qb2B7Dj”][/instagram] 貓貓心諗：打扮到我成個呀婆咁…… [instagram photo=”BzuUa-RhsqK”][/instagram] 我係一朵綻放嘅太陽花～ [instagram photo=”Bw-2xQvhA7m”][/instagram] 帶返個放大鏡嚟溫書！ [instagram photo=”BtaX4i4Bi5b”][/instagram] 我剪咗個靚仔爆炸頭！ [instagram photo=”Bs6evIKlhVK”][/instagram] 最歎嘅女皇～ [instagram photo=”BwgP-x4harL”][/instagram] 貓同狗係可以共存㗎！ 小編覺得佢地好cute呀，好佩服個主人嘅手工同創意！
迪士尼係唔少人嘅童年回憶，唔知大家又知唔知原來迪士尼都有郵輪！ 迪士尼郵輪公司(Disney Cruise Line)將會推出以希望為主題嘅新郵輪-「Disney Wish」，將會喺2022年1月首次航行！ 好似以前嘅郵輪Fantasy、Wonder、Dream同Magic一樣，「Disney Wish」嘅船尾都設有一個迪士尼角色，就係《魔髮奇緣》入面嘅樂佩(Rapunzel) 迪士尼指因為樂佩熱情、充滿好奇，又富有冒險精神，表現咗對呢個世界嘅溫望，好吻合「wish」呢個主題～ 矚目嘅仲有足足有三層高嘅中庭，除咗大而宏偉之外，內部華麗嘅裝修，令人有置身魔法世界嘅感覺～ 迪士尼亦宣佈新目的地會係位於巴哈馬(The Bahamas)嘅伊柳塞拉島(Eleuthera)，希望將佢打造到充滿迪士尼氣氛，同時保育環境～ 小編覺得如果可以係咁豪華嘅船上，走進夢幻國度，渡過一個郵輪假期，抽離一下、放鬆一下，一定係個難忘嘅享受～